Chapter 126: မထင်မှတ်သော တွေ့ဆုံမှု (၃)
" စားရမယ်၊ စားရမယ်! နောက်ဆုံးအတုံးလည်း ပျောက်သွားပြီ " အတိတ်မှသင်ခန်းစာယူ၍ ဟော်ရှောင်းရှောင်းသည် သူမပါးစပ်ကို စက္ကူပုဝါလေးဖြင့် သုတ်လိုက်ပြီး စားပွဲထိုးမလေးအား ပြောလိုက်သည်။ " မမ၊ ဒီပန်းကန်အလွတ်ကို ဖယ်လိုက်ပြီး နောက်ထပ်ကြက်ကြော်တစ်ပွဲ ယူလာပေးပါနော် "
(စက္ကူပုဝါ=တစ်ရှူးအကြီးမျိုး)
" ကောင်းပါပြီ "
ယီချန်းက သူ့ပန်းကန်လုံးထဲက ကြက်ကြော်ကို ယူလိုက်ပြီး ဟော်ရှောင်းရှောင်း၏ပန်းကန်လုံးထဲ ထည့်လိုက်သည်။ " ငါ ကြက်ကြော်ကို မထိထားဘူး၊ ဒီမှာစား "
" ယီချန်း၊ နင်က အရမ်းကောင်းတာပဲ "
ဟော်ရှောင်းရှောင်း ကြက်ကြော်ကို အရသာတွေ့နေစဉ် ဟော်ဆွေ့ချန်းက သူတို့သီးသန့်ခန်း အပြင်ဘက်လသာဆောင်တွင် ဖုန်းချလိုက်သည်။
" မစ္စတာဟော်... " နူးညံ့သိမ်မွေ့ပြီး မရေမရာဖြစ်နေသော အသံတစ်ခုက သူ့နောက်မှ ထွက်ပေါ်လာသည်။
ဟော်ဆွေ့ချန်း အသံနောက်ကို လိုက်ကြည့်လိုက်တော့ သူ့နောက် မလှမ်းမကမ်းမှာ တုန်လှုပ်နေသော မျက်လုံးများနှင့် ရပ်နေသည့် ကျိဝမ်ရှင်းကို တွေ့လိုက်ရသည်။
" ရှင် ကျွန်မကို မှတ်မိလား "
ဟော်ဆွေ့ချန်းက သူမကို စူးစူးစိုက်စိုက်ကြည့်နေသည်။ သူ " ကျိဝမ်ရှင်း? " ဟု မပြောမီ အချိန်အတော်ကြာသွားခဲ့၏။
" ကျွန်မပါ၊ ကျွန်မ... သိပ်မကြာခင်က ပြန်လာတာ။ ရှင့်ကို ဒီမှာ တွေ့မယ်လို့ မထင်ထားဘူး "
" အဲ့တော့? "
ကျိဝမ်ရှင်း၏မျက်လုံးများက မျှော်လင့်နေသည်။ " ကျွန်မမှာ မေးခွန်းတစ်ခုပဲ ရှိတာပါ၊ အဲ့ကလေးမလေးက... "
သူ့အရှေ့က လူသည် အရေးမပါသော ဖြတ်သွားဖြတ်လာတစ်ယောက်ကဲ့သို့သာ သဘောထားနေပုံရပြီး ဟော်ဆွေ့ချန်း၏အမူအယာမှာ ဂရုစိုက်မနေပေ။ " ငါ့သမီး "
ကျိဝမ်ရှင်း အားတက်သွားသော်လည်း ဟော်ဆွေ့ချန်း၏ဂရုမစိုက်သော အမူအရာကြောင့် သူမ၏အံ့သြမှုသည် တဖြည်းဖြည်း မှေးမှိန်သွားသည်။ " သူမ ဒီနှစ်တွေမှာ ဘယ်လိုနေလဲ "
VOUS LISEZ
ဗီလိန်ဖေဖေကို ဖြောင့်မတ်မှန်ကန်လာအောင် ပြုပြင်ပေးခြင်း( မြန်မာဘာသာပြန် )
ComédieGuide The Villain Father To Be Virtuous Author_公子闻筝 English Translator_Chichipeph Burmese Translators_ Xiao LiuShu & Xiao Shu Start Date_25.1.2021 End Date_ All credit to original author and English translators.
