اش ترا وجرا😉(رواية بالدارجة المغربية)"مكتملة"

البارت 1

:غيثة فيقي واهياتا راه غنتعطلو ونصدقوا مزبلينها معا ديك لعقروشة
غسمعت حسها وانا تنݣض كنحك فعنيا وكنتفوه وكنردد اذكار الاستيقاظ (الحمد لله الذي احيانا بعدما اماتانا واليه النشور) وشعري طالع لسما زعما عيشة قنديشة احسن عوان لي غيتزوح بيا لا انا مغنتزوجش غندير مستقبالي فيقاتني رقية واحلامي
رقية: وتݣعدي اصݣعة ليوم نسقطوا راه عندنا مشروع التخرج وقيلة ليوم اولاه تنمشي ونخليك
نضت كنجري: ولا صافي احمبااك تسناي فردتي فين والبانضة تاع الزيف في لحتيها خاصني فليل فينهوا واكواك وكولشي معكس يخ 😑
ورقية ݣاعما محاشياها ليا دايرة رجل فوق رجل وحاضياني غادا لماريو مشيت لطواليط نتوضا مع انا منخرجش من الدار بلا وضو شكون عرف نموت فالطريق عالاقل نقابل الله وانا موضية لموهيم لبست كسوتي وخماري وسبرديلتي غا بستة وستين كشيفا  هزيت وراقيا وتبعت رقية كنجرب مع المسخوطة مشات وخلاتني وراها شدينا طوبيس وشدينها جرية وحدة للاصال لي غندوزوا فيها الاكسبوزي لموهيم داز كولشي مزيان اصلا كان هداك اخر واحد ومن بعد التخرج مع تبارك الله ختكوم مجهدة معلينا نجحنا وتخرجنا ومع اصلا كنا كنستاجيو فواحد الشركة دفعنا وراقينا فيها نيت وخدمنا فيها نيت
كان كولشي غادي كيف ديما حياة روتينية كنخدم فالشركة وفواحد المدرسة كنقري لونجلي وفالويكاند كنخدم فواحد القهوة والا كان عندي شي وقيت خاوي كنقرا شي كتاب كنت كندير اي حاجة باش نجمع لفلوس او ندير البروجي لي كنحلم بيه شركة هندسة وتصميم ازياء محجبات معلينا حتال واحد النهار مع ديك 11 تليل راجعة من الخدمة فالقهوة تا كيبان ليا واحد جوج تلبراهش الصراحة مبراهش والو كول واحد ݣد الجمل كبار ومبودرين وباينة فيهوم ماشي ولاد البلاد مع واشمين كانو محامين علا واحد البنت وهي كتغوت ومع جات فواحد المنطقة خاوية مكين لي سمعها وزيد طريطا لي فيا درت زعامة تاع والو عيط علا البوليس لي ميجو تا يلقاوك جتة بقات فيا البنت ومقديتش نصبر عيط لرقية تعتق بالعصابة ديالها ومشيت لعندهوم وخا بوحدي مقديتش نصبر تا تجي رقية مشيت هزيت واحد لالة مولاتي هراوة تاع الحديد لقيتها تما وعطيت لواحد علا الراس تا داخ دار عندي لاخر وتم جاي عندي وانا راجعة باللور وهازة فيدي ديك الحديدة وواخا عندي صمطة لكحلة فلكاراطي او كنلعب البوكس ولكن راه منقدرش علا هاد الفيل لموهيم المحاولة جا كيقرب حدايا وانا نعطيه بواحد البونية للكرش ووتقول متحركات فيه الشعرة ݣلت ليكوم جمل 🐫 او هوا يدورها معايا بواحد لالة مولاتي تصرفيقا تا بانت ليا الشمس فعز الليل درت محاولة اخيرة وعطيتو بالحديدة للرجل هو تلوا واحد جوج دقايق مشيت جريت فيها للبنت وݣلت ليها تهرب ولكن شدني انا ولد الحرام برك عليا بالضرب جبد خماري حيدوا وهو يقول هضرة لي حشات لما فالركابي: مشات وحدة تجي لوخرة جبتيها راسك وهو يتلاح عليا باغي اتهجم عليا وانا كنغوت ونضرب وباش كملات لاخر توݣض عضيتو وهو يزدحلي راسي مع الارض دخت ولكن مستسلمتش هزيت رجلي وضربت بين رجليه وهو يجبد موس مع بانو ليه العصابة جاو خشاه ليا فكرشي شحال من مرة اوعلق واخر حاجة عقلت عليها هي رقية جات كتجري عندي صوت صداع وصوت الصفارة ديال الطنوبيلا دلبوليس وغيبت
البارت الجاي غتبدا القصة الحقيقية كونو مستاعدين🥰🤭