اش ترا وجرا😉(رواية بالدارجة المغربية)"مكتملة"

البارت 11

البارت11
غيثة: بغيتك تلبسي الخمار لي كنت لابسة
ليان: شنو لا اكييد شنو اللي اخليني نلبس داك بوشرويط
غيثة: شهيق زفير رولاكس غيثة سمعني اولا الله امرنا كمسلمات نلبسو الحجاب الشرعي  قال تعالى وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلاَّ مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلا يُبْدِينَ زِينَتَهُنَّ إِلاَّ لِبُعُولَتِهِنَّ أَوْ آبَائِهِنَّ أَوْ آبَاء بُعُولَتِهِنَّ أَوْ أَبْنَائِهِنَّ أَوْ أَبْنَاء بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاء وَلا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ سمعتي وليضربن بخمورهن على جيوبهن وفسرو العلماء الجيوب على انها منطقة الاكتاف والصدر يعني تغطي شعرك عنقك ويكون الخمار نازل لحتال تحت فتحة الصدر تقريبا للسرة لي هي بوطك اوكي تفاهمنا
ليان: ولكن شنو لي اخليني لبسو وݣاع البنات ما لبسينوش او كينين للي لابسين الزيف بحالة مديرينوش
غيثة: اولا حنا كمسلمين اي حاجة قالها الله او رسوله خاصنا نقولو سمعا وطاعة حناش عارفين بأن الله مستحيل انزل شي امر الا وخير لينا ثانيا الحجاب حماية وتمييز لينا كمسلمات خصوصا فزمنا هدا او هادشي كنشفوه من تحرش واغتصاب او الخ...
ليان: ولكن راه كبنين بنات منتقبات ݣاع او تعرضو الاغتصاب
غيثة: شوفي حنا كنديرو دكشي لي امرنا بيه الله بحال الا كنديري واحد الدرع واقي فهمتي او من بعد الباقي علا الله وهدوك لي كتقولي منتقبات او تعرضو الاغتصاب فداكشي كيبقى قضاء او قدر
ليان: مني قضاء او قدر اذن بلا منلسو
غيثة: ههه دابا نتي وقفي وسط الشانطي عامر او قولي اذن بلا منتحرك راه الا ضربت غيكون قضاء او قدر
ليان: اكيد لا غنكون درتها بيدي
غيثة: اوا هانتي هضرتي حنا البشر مسيرون فحوايج او مخيرون فحوايج اخرين والحجاب كمثال علا مخيرين الله عطلنا حرية الخيار يا لبسيه يا متلبسيه ولكن فالاخير غتجازاي علا اختيارك فهمتيني
ليان: اه
غيثة: دبا نجيو لبنات لي كيديرو الحجاب بحالا مديرينوش اولا لي مديرينوش ݣاع، نتي ماشي سوقك تحكمي فيهوم نتي عليك بالنصح والدعاء ليهوم بالهداية والله اجزيهوم علا لبسهوم المهم هو نتي اشنو لابسة او نتي واش دايرة دكشي لي امرك بيه الله صافي او علينا حتى الامر بالمعروف او تنصحيهوم بالصواب
ليان: صافي ان شاء الله نخرج نلبسو ولكن كاين واحد المشكل صغييييور
غيثة: اشنو تاني
ليان 😅😅😅 الحوايج تبرعت بيهوم لواحد الجمعية
غيثة: اويلي😱😱 كولهوم
ليان😊😊 اه
غيثة شدات فراسها: يا ربي ماشي مشكيل كينين فلوس فلاكارط نشريو منهوم حوايج وخا كنت باغا ندير بيهوم مشروع
ليان🙄🙄
غيثة: متقوليهاش صرفتيهوم
ليان:😅😅😅 اه
غيثة: الله يا ربي رزقي مشا😭😭😭 ليوم ندبحك لومة ناضت كتجري موراها او ليان كتغوت: الله اهديك غنرجعهوم عفاك
غيثة: اش غترجعي اش 5 لمليون صرفتيهوم فتلت شهر او غا بوحدك
ليان: عفاك سمحيليا
غيثة تحشو ليه الركابي جلسات او شدات فراسها او بدات كتبكي
غيثة: اهئ اهئ حلمي ضاع 😭😭😭
ليان بقا فيها الحال: والله حتا نرجعهوم ليك نرجع لجسمي او انا نديرليك المشروع غير متبكيش عفاك
غيثة: مبغيتش فلوسك بغيت فلوسي انا اهئ
ليان: ارجوع الله راها فلوس وحدة كدور فالمغرب بحال الا طابعين عليها سميتك
غيثة: بصاح ترجعي لي فلوسي
عنقاتخا ليان: اولاه تنرجعهوم غا طلقينا او خرجي من تما
ضحكات غيثة وسط دموعها: ههه كتحسسيني بحا الا ݣالسة فالطوالط او نتي كتسنايني نخرج باش دخلي
درباتها ليام علا راسها: ملقيتي باش تشبهي جناجتي غير بالطواليط
غيثة: ههه وصافي
رقية: ساليتو
غيثة: ععع بسم الله الرحمن الرحيم مكدقيش اختي
رقية جرات عند غيثة لي فجسم ليان او عنقاتها: 😭😭 توحستك الحمارة
ليان: نتي...
رقية: اه سمعتكوم
غيتة بعدات رقية عليها: سمعنا شي حد اخر
رقية: لا كان واقف غير محمد حدا الباب ولكن مني شافني جيت مشا ولكن كنتي نتي كتهضري علا البنات لي مديرينش الزيف
غيتة/ليان: اوووف الحمد الله هههه
رقية: دبا بغيتكوم تعاودو ليا كلشي من طاق طاق تال السلام عليكم
غيثة: وخا حتال الدار دبا هنا ممأمنش اقدر اسمعنا شي حد او حنا ما قادين علا صداع
رقية: صافي
عند محمد
محمد: لا ميمكنش كيفاش كيفااااش كيفاش ميمكنش الشبه بين شخصيتها وهي صغيرة وشخصية ليان كيفاش جرا هاد التحول يا ربي انا كنبغي ليان او غيثة او كيفاش مشابهين يا ربي راك عالم بيا كتر من نفسي يا ربي حلها من عندك ياا ربيي
مقدرش محمد ازيد الدقيقة حداهوم فهرب او خلاهوم😂 عيط لختو قاليها توجد راسها باش غرجعوا فاللول رفضات ولكن مقدراتش تخليه امشي بوحدو او اصلا ميمكنش ليها تسافر بدون محرم فالاخير استسلمات لرغبتو ودعات البنات او رجعات لكاليفورنيا
اما هادوك التلاتة مشاو شراو لليان لي هي غيتة حوايج من بعد سكنو فدار غيثة ديك المدة حتا رجعو او بزز باش قنعات ليان ادم باش اديو معاهم رقية وغيثة او دارت السبة فالكيمياء الغريبة لي بين قلب ليان او غيثة
بعد يوماين رجعو كولهوم لكاليفورنيا او طبعا طبعا محمد طلع ليه الدم هرب منهوم باش ارتب افكارو او هما يلحقو عليه بجوجات😂😂 علاقة البنات توطدات بزااف خاصة ليان او غيثة لي لقاو بزاف القواسم مشتركة فشخصياتهوم
لموهيم رجعات الحياة روتينية حتال واحد النهار كانو غادين فالطريق او هما يتلاقاو بآخر شخص كانت غيثة ولا ليان اتلاقاو معاه خصوصا فهاداك الوقت
فنظركوم شكون يلاه علقو شكون اقدر اكون🤔
بسلامة عليكوم نتلاقاو البارت الجاي 🥰