اش ترا وجرا😉(رواية بالدارجة المغربية)"مكتملة"

البارت 2

البارت 2
كنحل فعنيا ولكن ضربني الشعا بقيت كنرمش تا تعودت علا الضو جا واحد الدري تلاح عليا عنقني وواحد المرا غوتات وبدات كتبكي مفهمت والو ولكن واحد شوية دفعت الدري وصرفقتو تا دار وجهو لجهة لوخرة
انا: بأشمن صفة تقيسني الحمار عالاقل حتارم غير الخمار لي فوق راسي
بانو ليا مفهمو والو وغير كيضورو فعينيهوم حطيت ايدي علا راسي لقيتو عريان جبت الايزار لي مغطية بيه وغطيت راسي كلو
:خرج او كنغوت وخررىج واش مكتفهمش جيبو ليا خماري 😡ونتا شكون لي سمح ليك تدخل لبيتي وانا ملبساش زيفي خرررج
الدري تخلع ومشا كيجري قربات عندي هديك المرا وقالت ليا بعربية مكسرة:ام he احم زعما خرج امكن تحيدي دات علا وجهك
هبطت الايزار وانا مفاهمة والو :سمحيليا اخالتي لا خلعتك ولكن هداك الحمار شكون خلاه ادخل عند وحدة محجبة وملابساش زيفها
المرا: كيفاش ابنتي علاه من امتا ونتي كديري الزيف او منغير هكاك راه هداك خوك وانا مك اشمن خالتي الله اهديك
انا: هههه واقيلا غير تشابهت ليكوم اخالتي انا سميتني غيثة واصلا انا يتيمة
المرا بانت الصدمة علا وجها: ليان اشكتقولي بدات كتبكي ليان عفاك ابنتي وخا يجرا لي جرا بيناتنا متوصلش قصاوة قلبك باش تنكرينا حشومة عليك راه عينا ابنتي عيينا من معاملتك صافي نساي
بقات فيا وانا نعنقها: تهدني اخالتي كولشي غيكون بيخير ميكون غير خاطرك ولكن راه بصح انا غيثة ماشي ليان بعدات مني وجراتني جيهة المراية لي فالبيت لي كتاشفت بلي راه سبيطار بانت ليا واحد البنت شعرها حمر عينيها زرقين واسعين فيمها صغيور وحمر بحال الدم عندها واحد النمش فوجهها لي زاد زينها حليت فمي من هاد التحفة الملائكية قدامي بديت كنقول بسم الله ماشاء الله وبان ليا كتحرك بحالي درت عندها :شكون هادي
:اويلي ابنتي هادي نتي ليان
انا: كيفاش انا وبداو الذكريات كيضورو فراسي شديت فراسي وغوت وطحت غيبت
فقت عوتاني ولقيت راسي فنفس البيت ونفس المرا حدايا وداك الدري ݣالس فواحد الفوتوي اونفاص مع الناموسية نضت بغيت نتقاد فبلاصتي شافتني هديك المراة لي هي مت ليان سميتها سمارا ݣاورية من اب مغربي وهداك الدري لي شعرو كحل وعينيه حتا هوا زرقين صافيين بحالي سميتو ادم خو ليان التوأم الموهيم عوناتني نتقاد فبلاصتي
انا: شكرا ماما
عينيها غرغرو وعنقاتني وبدات كتهضر بكلام مخلط بين الدارجة ولونݣلي(لموهيم غنكتب كولشي بالدارجة ما فيا لي ترجم 😅😂) توحشتها توحشت كلمة ماما من فمك اهئ اهئ
عنقتها وبديت حتا انا كنبكي عمر شي حد معنقني ولا حن عليا بحال هكا هاد ليان خاصها الشنق علاش تضيع عليها هاد الحنان علا قبل غلطة ما كانت بايد تاحد(البارتات الجايين غنشرح فيهوم كولشي غير بقاو متبعين😉)
هزيت راسي لقيت ادم كيشوف فينا حتا هو وعينيه مدمعين ترددت نقوليه يعنقني مع معمر شي حد من فئة الجنس الآخر قرب ليا حتى من عمي بوجمعة مكنتش كنمسو حنتاش حرام اولا (قال صلى الله عليه وسلم:لأن يُطعن في رأس أحدكم بمخيط من حديد خير له من أن يمسّ امرأة لا تحلّ له" رواه الطبراني وصححه الألباني في صحيح الجامع.)وتانيا حتا دري مكنعرف كولشي فعائلتي يا ميت يا تخلا عليا بحال الا مكيناش اصلا من بعد تردددد مديت ايدي وجا تلاح علينا وعنقنا بجوج هما كيبكيو حنتاش رجعات بنتهوم وانا كنبكي بسباب مشاعر الحب العائلي لي كنعيشهوم اول مرة، بعد ادم: اوا باركة من الدراما زعمة يلاه فقتي وروبلتينا
انا: يااااك اوا واخا انا لي متنسواش هازا ليك الشان ومخلياك تعنقني
ادم : عنقت الملكة اليزابيت راه غا تي يا لبرهوشة
انا: لبرهوشة هي مك ودرت عند مت ليان مع احتراماتي ليك اماما
ادم وسمارا تفرݣعوا بضحك
انا: مالكوم قلت شي حاجة كضحك
ادم: هه لا والو غنمشي نعيط للطبيب افحصك ونشوفو واش غيخليك تخرجي
قلت ليه وحناكي ولاو كي مطيشة: وخا تعيط علا طبيبة وغير ممرضة مبغير حتا حد اشوفني وانا ملبساش
سمارا حطات ايدها علا جبهتي: تڤيوڤيتي ابنتي راكي لابسة
انا: زعمة زيفي وكسوتي هاد الكسوة تاع النعاس هي الحوايج
ادم: سبحان مبدل الاحوال ماشي موشكيل الالة ميكون غا خاطرك
وبصح نيت جاو غي ممرضة وطبيبة وطلبت من ادم ادبر ليا علا زيف وشي حاجة مستورة ومسكين مشا طلبهوم من عند خت صاحبو مع تبارك الله لالة ليان وعائلتها ساكنين فكاليفورنيا ولباااااس عليهوم لموهيم جاب ليا كسيوة فالزرق وخمار فالبيبي بينك وتصدمت مني عرفت بلي راه حتا هي لابسة الخمار وفكاليفورنيا لبستهوم وجاو غزاالييين مع وجه ليان لي ولات انا😂😂 ومشنا للدار اشمن دار للقصر زعمة اش غنعاود ليكوم بقيت غا حالة فمي وادم كيضحك عليا اشمنك يا رخام ويا فراش ويا ديكور عجبني بزااف وداتني واحد المساعدة الله اعمر ليها الدار لبيتي لي قد الدار لي كنت ساكنة فيها كان مسبوغ باللون البيض والديكون مخلط بين الذهبي الغوز والزرق الفاتح كان فيه باركو كيطل علا لابسين لي فلتحت ولاصق معاه الدريسينج لي فيه غا المقزب تقول كانت خدامة رقاصة ولا شي عاهرة استغفر الله معلينا ولاصق معاه حتا صال سبور والدوش يا خوتي جناح كامل علا قبل هاد خيتي ومفششينها وفالخر كتعاملهوم هكاك رافسة النعمة لموهيم دوشت وهزيت واحد المذكرة باش نكتب فيها افكاري عادة فيا، هكاك كنرتب افكاري



البارت الجاي عنقول ليكوم شكون ليان وشنو لي خلاها هكا ستاعدو😊