اش ترا وجرا😉(رواية بالدارجة المغربية)"مكتملة"

البارت13

البارت13
يعقوب: اه كيفما قلت
محمد تعصب ضرب الطبلة برجلو استسمح وخرج حضاتو ليان بعينيها تا خرج ورجعات دارت عند يعقوب: كيفاش ابابا انا مبغيتش نتزوج او اصلا نتا مطلبتيش الرأي ديالي
يعقوب: سمعي ابنتي حنا مدايمينش ليك والدري ما فيه ما يتعاب طلبك مني او انا قبلت اش فيها هادي
ايهييه منعاودش ليكم علا ليان الحقيقية كي ولات وجها حماار بالاعصاب وشوية غتنفاجر
ليان: بابا وخا نهضرو علا انفراد شوية برا
يعقوب: وخا يلاه تبعيني للمكتب ونتا اولدي(ريتشارد) وخا تسنانا شوية هنا الا مكان مشكيل
ريتشارد: لا مكاين تا مشكل عمي
اية خرجات تبعات خوها رقية لي ما فاهمة والو يلاه جاية من السفر او عيانة ادم او ماماه لي خرجو ادابزو برة علا قبل نفس الموضوع
نوح شاف رقية كتكمع بالنعاس او شداتو الضحكة: دوموازيلة رقية تبعيني نوريك بيتك اولا غديري لينا الشوهة هنا
رقية: الشوهة هوا نتا كون مكنت عيانة كون تقابحت معاك يلاه نوض وريني فين نعس
خرجو او خلاو موراهوم ريتشارد او غيثة(ليان الحقيقية)
غيثة غتنفاجر عليه او هوا حاضي الباب تاع المكتب كيتسنا ليان تخرج
ريتشارد: اووف هادو مالهوم تعطلوا
غيثة: بغيتهوم اعطلوا ليك عمرك
ريتشارد: سمحيليا شنو قلتي
غيثة: اش قاليك راسك اش بغيتي عندها خليتي البنات كاملين او جاي ليها
ريتشارد: او نتي سوقك دخلي سوق جواك
غيثة: اهيا جمع دلقوشك اولا مغيعجبك حال او اه سوقي راه ختي هاديك او من حقي نتحكم
ريتشارد: هيهييي ختك من امتا انا عارف ليان معندهاش خواتات
غيثة: وا باحت مع راسك
ريتشارد: اوا شنو راه الزواج هادا
غيثة وقفات بجهد :وااا بنادم متعصبش مي اشمن زواج اولاه لا تزوجتي بيها
ريتشارد حتا هو وقف: تانا ولاه تنتزوج بيها او غنشوفو شكون لي غيغلب😠
غيثة: نشوفو😠
فالمكتب
ليان: انا مقابلاش بهاد الزواج
يعقوب: علاش واش عندك شي حد فحياتك
ليان: اويلي ابابا اش كتقول اكيد لا
يعقوب: اوا علاش رافضة الراجل مفيه ميتعاب
ليان: من نيتك ابابا او اصلا انا كنقلب علا الراجل لي شد بايدي للطريق صحيح لي الا طحت اوقف معايا مكيهمنيش فلوسو كيهمني اخلاقو او ديني
يعقوب: او نتي ابنتي باش عرفتيه ماشي خلوق او ماشي متدين
ليان: راه باينة غير من..
يعقوب: مناش كملي الا كنتي كتهضري علا عيشتو فامريكا راه وخا تولد هنا الا ان ماماه كانت مرأة صالحة الله اذكرها بالخير رباتو احسن تربية
ليان: ولكن ابا..
يعقوب: مكين ما ولكن غتخطيو مدة معجبكش الحال تقدري تفسخي خطوبتك منو او هادا اخر كلام عندي
ليان بقلة حيلة: لي بغيتي ابابا😔
عند ادم او سمارا
ادم: ماما واش منيتكوم مشفتوش اش دار فالحفلة ميمكنش نسلمو ختي
سمارا: دكشي كان فلحظة طيش ودكشي ماشي من اخلاقو انا عارفة ماماه كانت صاحبتي روح بالروح
ادم: انا مسوقيش فماماه ماما مستحيل نعطي ختي ليه وخا يبقا اخر شخص علا هاد الكوكب
سمارا: علاش
ادم: هكاك فهمتي علا جتتي
سمارا: شنو جاي دير عليا الاخ الحنون لي كيخاف علا ختو دبا
ادم😧🥺: اه وشكرا اماما او خرج
عند محمد
ركبن طنوبيلتو او تاجه باقصى سرعة لمكانو السري: علاااااش يا ربي ولكن واش انا اصلا كنبغيها ولا غيثة 😔 مزيان مني تخطبات باش كلشي ارجع لطبيعتي نرجع لموحا اللي كيبغي غيثة او اللي كان كيقلب عليها شبر شبر فالمغرب مفهمتش علاش متزوجتهاش مني بانت ولكن تا دبا مزال مفات الفوت😑
😓😥 ولكن علاش مبقيتش كنحس بنفس الفرحة فاش كنشوف غيثة الحالية ولا حتا تصرفاتها يا ربي دير شي تاويل تلخير امكن غير حنتاش ممولفاش عليا مع شحال مشافتني زعمة الا خطبتها تقدر ترجع ديك البنت القوية العفوية اوووف غنخلي كلشي علا الله وربي ايسر
اما عند نوح او رقية لي طريق كاملة او هوما مدابزين او حتا هو شدها فيها ضد دورها القصر كلو دازو علا بيتها تلاتة المرات او حلف هو لا با يوريه ليه
جلست رقية علا الارض او ربعات رجليها: اولاه لا تحركت ليك من هنا مزال واش فهمتي راه المرة التالتة هادي او حنا كنجيو لنفس البلاصة
نوح: هههه وغا تلفت باقا دورة وحدة او نوصلو
رقة: و الله منمشي معاك غنمشي عند شي حد فالخدم نسولو
نوح: صافي صافي ههههه غا ضحكت معاك ها بيتك قدامك
ناضت رقية واحد النوضة او جبدات صندالتها: دبا لمك عارف بلي هادا بيتي او بلي راني عيانة او كتفلا بيا
نوح هاز ايديه او كيرجع بشوية اللور او هي كتزيد القدام حتا هي بالشوية
نوح: راه غضحك معاك
رقية: ضحكتي معايا ليوم نهجرو ليك وتبعاتو بصندالتا ليوم نخليليك ضهرك رطب من كرشك الحمااار
نوح: ورجوع الله اخالتي رقية راه زعما راني قد ولدك
رقية: خااالتي!! لواه جدة لا راه جبدتيني تاع المعقول هي تابعاه او هو يجري ولكن مقداتش عليه
رقية: اااح الحرايمي اونشوفك مزال غنشنقك
او مشات لبيتها دوشات توضات صلات او طاحت كاو
لموهيم دازت الايام عادية غير تزاد عليها نكهة رقية ونوح او غيثة او ريتشارد ديما مدابزين بحال المش مع الفار نوح مغرق رقية مقالب غير مرة سراق الزيت مرة الحرور فالماكلة مرة دار ليها ملون فالحمر لشامبوان ديالها اسحاب ليها دم او عطاتها الغوات خلات ݣاع البنات تجمعو عندها فالبيت او نوح مفرشخ عليها بالضحك برة اما بالنسبة لغيثة او ريتشارد فهوما واصلين شطاج ديال المعيار او القميع ديما مناݣرين اما ثنائي السنونو ديالنا محمد او ليان طايح عليهوم الضيم
كولشي فالقصر كيوجدو لحفل الخطوبة الاسطوري حنتاش حتا ادم طلب ايد اية من خوها او قبل وتافقو اديرو خطبة مشتركة
وهيهيي اش غيجرا فديك الخطوب احباني خليت ليكوم الراحة بسلامة عليكوم🥰