اش ترا وجرا😉(رواية بالدارجة المغربية)"مكتملة"

البارت 12

تخبات ليان لي فجسم غيثة مورا غيثة لي فجسم ليان (باش تسهال عليا المأمورية او حتا نتوما مني اكونو بوحدهوم غندكر سمياتهوم لحقيقية الا تزاد عليهوم شي حد غنذكر سميت الجسد صافي) غيثة: اشنو بغيتي جا هداك الشخص بيحط ايدو علا خد غيثة هي ترجع اللور: حسن ليك بعد اولا مغيعجبك حال هاد النهار
ليان كتجر حوايج غيثة من اللور: اهئ غيثة عفاك يلاه نمشيو راه غادي اضربني اهئ اهئ
دارت غيثة عند ليان او شدات وجها بين اديها: كوني واثقة انه عمرو اقدر امسك وانا معاك صافي
حركات ليان راسها علامة علا اه
: اووو لينو الصغيورة ولات كتلعب دور الام الحنون
دارت عندو غيثة( كيسحاب ليه بأن ليان هي غيثة حنتاش جسمهم مقلوب اوكي) وعينيها حمرين: قلب علينا الله ارحم باك ا لوي اولا راح غندير شرع ايديا
لوي: اووو قطتي الصغيورة ربات الضفار جا بغا يشد ايدها هي تلويهاليه مورا ضهرو او كتزير عليها: المرة الجاية غنهرسها ليك قبل ما تمسني فهمتي
لوي: اي اي صافي طلقي
طلقات ليه ايدو او عطاتو بونية لوجه او شدات فايد ليان او مشات
لوي بعينين حمرين بالغضب او عروقة بارزين : ههه غتندمي علا هاد الضربة مزياات بسخرية ه الالة ليان
ليان او غيثة مشاو لواحد الحديقة ليان:😭😭😭 غادي ادير ليك شي حاجة دبا هداك عارفاه مزيان راه تعاشرت معاه
غيثة: ميقدر ادير ليا والو الجلاخة لاخر
ليان: غيثة راه عندو علاقات مع تجار المخدرات والعصابات
غيثة: مني عارفاه علاش كنتي مصاحبة معاه علااش
ليان: طيش الصغر اش بيتيني ندير هو جا عطاني لحنان لي عائلتي معطاتوش ليا حتا حد مكان مسوق ليا والديا مشغولين ادم سافر لمدينة خرا اقرا نوح صغير شنو كتوقعي مني نخرج مثلا 😭😭
عنقاتها غيثة: صافي متبكيش او هادا ماشي مبرر باش تمشي لديك السكة وابسط مثال انا او راكي عارفة حنتاش اغلب ذكرياتي فعقلك كيفما اغلب ذكرياتك فعقلي
ليان😣 اه
غيثة:اوا دابا مسحي دموعك باش ميشكو بوالو او يلاه نمشيو نرجعوا ادم نوح اية كولهوم غيخافو علينا
ليان: مممم او محمد😼
غيثة:😚🤗🤗 لا اش دخلو فالهضرة
ليان: ههه وغا ݣري راه عارفة كولشي او كيفاش كنتي كتسلتي من دار جداك باش تلقاو وتلعبو
غيثة: علاش كتحسسيني باننا كنا كنكونو بوحدنا اولا اية ديما كانت معانا ثانيا كان فعمري اهاد المخلوقة 9 سنين او هو 12  يعني كنا براهش
ليان: اتي سيري ݣالاك براهش راه حب الطفولة ادوم حب
غيثة: حب!! اتي الله اهديك اشمن حب او اصلا مني ولا فعمرو 18 او انا 15 بعد او مشا للرباط
ليان: ياك كان كيجي فالصيف مع ختو
غيثة: اه ولكن مكناش كنتلقاو كنت كنبقا غير مع اية يلاه نمشيو راه الشيفور قرب اجي
ليان: او طنوبيل
غيثة: بقات حدا داك الكافي حسن بلا منمشيو تما
ليان: صافي وي قدر ݣاع نقدرو نلقاو رقية جات او نهضرو معاها علا كلشي حنتاش الا معودناش ليها هاد المرة غتبعنا بالحجر
غيثة: 😂😂 بصاح
لموهيم رجعو لقاو كلشي مجموع حتا والدين ليان لي يلاه رجعو من السفر حنتاش كانو فتركيا بسباب شي خدمة او دارو بحل حفلة صغيرة بيناتهوم كان حاضر فيها كلشي احم حتا محمد او تيرارارا ريتشااارد ههه
سلمات ليان او غيثة علا كلشي طبعا من دون هدوك جوج
ريتشارد: شنو زعما حنا موصلناش السلام
ليان: سمحليا كتجيني شي حاجة باش نسلم عليك🤨
ريتشارد: لا ولكن قريب ازين
محمد غينفاجر: جمع فمك ابنادم
ريتشارد: سوقك
يعقوب( بابات ليان): سكتو ممديورش ليا اعتبار هنا
ريتشارد: سمحليا اعمي علا هاد الجيست ولكن راه هاد بنادم كيدخل بينا
نقزات ليان: وشنو بينا ما شاء الله كيفما كتقول نتا الا عندك الحق فحتا هو عندو الحق وخا حتا واحد فيكوم معندو الحق اصلا وفصلا
ريتشارد: ههه لا احبيبة ماشي بحال بحال انا راه زعما بمتابة خطيبك
يعقوب: اه ابنتي هو طلب من عندي ايدك او انا قبلت
ليان و غيثة: شنااا هوو
يلاه بسلامة عليكوم البارت الجاي🥰😍
بارت خفيف لهاد الليلة ان شاء الله اعجبكم