اش ترا وجرا😉(رواية بالدارجة المغربية)"مكتملة"

البارت 8(رحلة)

البارت8
ليان: اش جاي الدير هنا كتقلب علا شي سلخة
:عندك مع المزاح احبيبة
ليان: بغيتليك الحبة فالمخ كتقلب علا خزيت فهاد النهار
ادم: مسيو ريتشارد كاين شي منقضيو🤨
ريتشارد: ههه اه كاااين او غيكون بزاف فالمستقبل بسلامة حبيبتي
ليان جعرات: طلق مني نوريه حبيبة كدايرة اهيا الحمار اجي نتفاهمو تفووو🤬🤬🤬
اية جات كتجري عندها مني شافت ادم شادها اما محمد فمني سمعوا كيقوليها حبيبة تعصب وديمارا الطنوبيل
اية: هيييه لين مالكي تهدني الله اهديك
ليان: كيقوليا حبيبة لحمار بغيتليه الحبة شو وما زال مݣداتوش السلخة تلبارح يخ علا بشار اشمن بشار معرفنا لاشمن مخلوق نصنفوه
اية:😂😂 صافي صافي تهدني ياك كنا غنخرجو نفوجو
ليان: هجروا ليا الكلب حشاكوم يخ
اية كدور راسها بحال الا كتقلب علا شي حد
ادم: كتقلبي علا شي حاجة اانسة
اية:ا ااه غير محمد معرفت فين مشا يلاه كان هنا وهزات تليفونها صونات ليه
ليان غير سمعت سميتو وهي تسقلها(😂الله اعز لحكام) نوح قرب حدا ودن ليان: مالكي ضربتي الطم والله ايلا هو لي كيعبر ليك
ليان: يااك فسخات السبرديلة وتابعاه كضرب فيه هو يهرب وهي كتجري موراه حتى شوية كان غضربها واحد طنوبيل شدات فقلبها وغمضات عينيها: يخ تفو شكون هاد الكافر بالله اللي كان غيرزيني فشبابي
:😏😏 حلي عينيك باش تشوفي شكون
غسمعات صوتو وهي تزنݣ وكتهضر مع راسها: تهدني رولاكس شهيق زفيير راه غير بنادم واصلا ولا مشرار(زعمة شرير😂) خاصك تحيديه من قلبك لا اصلا هو مكاينش فقلبي
ادم جاي وهو كيهضر: تفروحتي صافي كنت معول عليك طولي شوية ولكن تسطيتي قبل المتوقع
نسات عليها محمد وفسخات السبرديلة لخرة وبقات كتعطيه كتعطيه وهو كيغوت او كولشي كيضحك من غير كحل الزنفارة لي معجبوش الحال: يخ علاش كتضحك معاه وانا مالي اووف يا ربي تبتيلي عقلي ااي الجنون عندها كيعادي ولا شنو
ادم: كيهضر بشوية وصاحبتي شوهيتنا مع المدام
وهي غا مجعرات: المدام انا بغيتليك موس مادي انحروك بيه من لودن تا لودن قاليك المدام
مني بردات جنونها لبسات سبرديلتها او لاح ليها نوح الفردة الخرة
ليان: اووف سخفتوني لموهيم ليومة غنمشيو لديزني من بعد غندوزوا لواحد الغابة غنخيمو فيها هاد الليلة كاين شي حد عندو اعتراض لي عندو اهز ايدو كولهوم رفعو ايدهوم من غير محمد لي غا حاضيها( اصاحبي غض البصر طار😂)
ليان: تا حد مزيان ومشات حلات الباب الطنوبيل دخلات او سدات عليها بقاو حالين فيها فمهوم
ليان: وغا سدو فامكوم راه الموت كضور او نزلو يديكون اوخا تعتارضو تال الصباح اولاه لا بدلت شي حاجة
ادن: ومني نتي مقررة علاش كتسولي
ليان: غا من باب الديموقراطية
اية: وقولي الديكتاتورية كحازي نݣلس حداك
محمد: اية اجي ݣلسي حدايا غتمشي معايا
اية : بغيت نمشي مع لين عفااك
محمد: كلمة وحدة راه هضرت
ليان: يويا غتمشي معايا واصلا نتا شكون عرض عليك( اااخ في منتصف الجبهة ݣوووول😂)
محمد حمار(زعمة ولا حمر اش كيقولو ليها ملقيتش تصريف تاع الفعل🤭😂)
ادم: انا لي قلتها ليه
محمد: ومن غير هكاك ديزني تاع باك راها فضاء عام بغيت نمشي مع ختي سوقك
ليان: اه سوقي وانا واخدة اية قبل منك
محمد: ملها لكرا
نوح: للحجز والاستفسار المرجو الاتصال على الرقم0 60002345
ادم: عطاه دقة علا عنقرتو من اللور: سكتنا نتا ونتوما كولكوم غنمشيو فالطونوبيل الكبيرة كاملين راه فيها 7 لكراسة بلا هاد اللعب الدراري الصغار
ليان صفرات: الله اعز الحكام راجل اخويا راجل😂😂
ادم وخنافرو لسما: اكيد علاه كلعبو هنا
ليان: وزيد تا فيك غا تعفار
لموهيم حولو داكشي لي فلكوفر لطونوبيلة الخرا ومشاو لديزني مخلاو تا حاجة ملعبوها وما دخلو ليها خصوصا البنات ولاو بحال الدراري الصغار يجربو هادي وياكلو هادي ويطلعو فهادي ويتصورو مع الاميرات والدراري غا تابعينهوم مني عياو وسالو جمعوا النوضة ومشاو الغابة لي ختارت ليان كانت واحد البلاصة زوينة فيها الشلالات وواحد البحيرة البلاصة واااعرة تاع بصح (شلالات يوساميتي كليفورنيا)

اية: واااو البلاصة واعرة
نوح: ااه بصاح
ادم: منين ضبرتي عليها البريهيشة
ليان: راه ليان هادي واجرك عالله
محمد تمشا قدامهوم: 😏 عادي ݣوݣل فيه كولشي
ليان: تفو علا بادم غا منفخ
محمد : شناهوا🤨
مشات ليات تخبات مورا ادم
ليان: اااه مالك
محمد بتاسم: كتشبهي ليها بزاف
ليان:🤨 شكون
اية بغات تبدل لهضرة: ليان يلاه نصبو الخيمة ديالنا او نتوما دبرو لينا علا العواد باش نشعلو العافية
ليان: لا بلاش راه جبت الشواية والفاخر وبريكة وحتا بنو باش نديرة وسطوا جمر ونقصرو بالليل
نوح: الله عليكي راكي ݣادة
ليان: اكييد راه مولفة
ادم: ولكن راه معمرك مخيمتي
ليان : ا هه زعما فالروايات
ادم: وانا نقول
محمد كيشوف فيها بواحد النضرات تاع الشك : زعما كيفاش حتال هاد الدرجة ولات كتشبه ليها كون مكان وجها مختالف كون قلت هيا
حتا اية لاحظات التشابه بين الشخصية خصوصا من بعد ما فاقت ليان من الغيبوبة ولكن حيدات الفكرة من راسها حنتاش مستحيل( هيهيي لا مستحيل مع دعاء في عالم الروايات😂😂 كملو كملو)
لموهيم صوبو الخيام

ودارو ضواو وشواو اللحم وقطعو الديسير وكلاو تا قالو هادا الله
او فليل تجمعو علا العافية او بقاو عيعادوا قصص كضحك حتا جاهوم النعاس دخلات اية او ليان الخيمة

(لموهيم شي حاجة بحال هكا تخيلو😅)
ليان: حيدات خمارها اوووف تصهدت والله ليوم كولو وانا لابساه
اية: انا نيت ولكن زعما ماشي مشكيل نحيدون او الا دخل علينا شي حد صباح
ليان: حتا نتيا شكون غادي ادحل علينا راه دايرة الحجر علا خيمتنا او سدت السنسلة بالقفل اواصلا مع الفجر نفيقو او من بعد لبسوه عوتاني قبل مينوضو
اية: صافي
قالو اذكار النوم او قراو سورة الملك او طاحو كاو حتال الغد ليه
نتلاقاو البارت الجاي🥰 ومتنساوش تعلقو ليا علا الاجزاء عطيوني ارائكم فيه وفالقصة او توقعاتكم والسلام عليكم ورحمه الله وبركاته 🥰🥰🥰🌺🌺