In Love With A Psycho (Wild Men Series #23)

Whiskey

Ciaran Rodriguez

Matapos namin ihatid si Mondragon sa hideout nito, sa isla Agrianthropos, ay dumiretso ako sa sarili kong mansyon dito rin sa isla. Hatinggabi na nang makarating kami at ayaw kong ibyahe pabalik ng Maynila si Anne kaya dinala ko siya sa mansyon.

My house is just a few blocks away from Keyller. It's huge, but empty. Hindi ako laging namamalagi rito.

Alam kong kasama ni Keyller si Freesha at balak kong pagtagpuin ang dalawang dalaga bukas upang may kasama si Anne mamasyal habang kami ni Keyller ay didiretso kay Kit upang parusahan ito. Pero sa klase ng pagtrato sa akin ni Anne ngayon ay malabo iyong mangyari.

"Where are we? Hindi mo ba ako ibabalik sa Maynila? Sir Mondragon had already been settled. What are we still doing here?"

Huminto ako sa akmang pagpasok sa kusina upang kumuha ng maiinom nang biglang magsalita si Anne. Buong biyahe ay wala itong imik. Pinigilan ko ang galit ko na huwag itong bulyawan at baka kung ano pa ang magawa ko rito na pagsisihan ko sa huli.

"Gabi na. Wala nang biyahe palabas ng isla. Even if we can borrow Keyller's chopper, no one is still available to pilot us. Magpahinga ka na lang dito. Bukas na bukas din ay babalik tayo sa Maynila. Eto," inabot ko kay Anne ang USB na kinuha ko sa bulsa. Galing ito kay Zebal, mga impormasyon na nakuha nito tungkol kay Anna.

Bumalik sa sala si Anne at umupo habang ako ay dumiretso sa kusina saka kumuha ng maiinom. Pagkabalik ay may dala akong bote ng mineral water at beer para sa akin.

"Here." Ibinigay ko sa kanya ang tubig saka umupo sa upuan na kaharap nito.

Tahimik niyong inabot ang bote at tahimik na iniinom. Her eyes were still avoiding mine. Gusto kong suyuin ito, alam kong nagtatampo siya sa akin, pero hindi ko alam kung paano siya amuin. I only knew how to torture girls, but not coax them.

Tumayo ako. "Let's go. I'll bring you to the study to check the USB's content saka kita dadalhain sa magiging kuwarto mo."

Tahimik na tumango si Anne at sumunod sa akin. Pagdating namin sa study ay saka lamang ito nagtanong matapos kong i-set up ang computer. Dahil hindi pa rin siya umiimik ay hindi na rin ako nagsalita.

We were silent the whole time while watching and studying the file Zebal had given us. Matapos ang natuklasan namin ay nilingon ko si Amme na wala pa ring imik. Alam kong hindi ito makapaniwala sa natuklasan niyang naging buhay ng kakambal niya.

"She grew up suffering and lived in a gutter, while me, I am living like a princess. Paano nagawa ng magulang ko na hayaang magdusa si Anna? We are from the same blood, she even looked exactly like me. Bakit hinayaan nilang magdusa nang ganito si Anna?"

Tahimik kong pinagmasdan si Anne habang umiiyak ito. Gustuhin ko man itong lapitan ay hindi ko magawa at paniguradong itutulak lang niya ako palayo sa kanya.

"Let's get some rest. Bukas na bukas din ay pupuntahan natin ang kakambal mo," sa halip ay suhestiyon ko. Tumayo ako at inilahad ang palad sa kanya, nagbabakasali na tanggapin niya ito, pero hindi.

I withdrew my hand naturally while hiding the irritation from that rejection. Inihatid ko siya sa guest room.

"Anne, can we talk for a while?" hindi ko mapigilang tanong.

Huminto si Anne sa pagpasok pero hindi ako nilingon. "I'm sorry, Doc. I'm tired." Saka ito pumasok sa loob nang walang lingon-lingon na isinara ang pinto.

Kinuyom ko ang kamao ko at marahas na bumuga ng iritableng hininga.

"Fucking asshole! Pagbibigyan kita ngayon, Anne. Pero kapag ako ang nakakuha ng pagkakataon, parurusahan kita."