လျင်မြန်တဲ့လေအလျင်က သူတို့ဘေးကဖြတ်တိုက်သွားပြီး အေးစက်တဲ့အငွေ့အသက်ကိုရူရိူက်လိုက်မိသည်။ဘန်း! ခနဲအသံကြောင့် ခွေးနက်အချို့မှာခဏတော့ကြောင်အသွားပြီး သူတို့အကိုကြီးအဲ့လောက်ကြမ်းတာမျိုးမကြုံဖူးပါဘူးလို့တွေးနေကြသည်။
အပြင်သို့လေးကန်တဲ့အရာတစ်ခုပြင်းထန်စွာကန်ထုတ်ခံလိုက်ရချိန်မှာတော့သူအမူယာတွေအကုန်ပြောင်းလဲကုန်သည်။
" အကိုကြီး! "
ခွေးနက်ကြီး၏ တစ်ကိုယ်လုံးက သွေးတွေဖြာထွက်နေပြီး လှုပ်ဖို့တောင်အနိုင်နိုင်ဖြစ်နေသည်။ ဝံပုလွေကြီးတစ်ကောင်ကဂူဝမှာရပ်နေပြီး သူ့နောက်မှာတော့ ယုန်ဝတုတ်လေးရှိနေသည်။
ဝံပုလွေကြီးစိမ်းပုပ်ရောင်မျက်ဝန်းတွေက ကျဥ်းမြောင်းလေးက အစွယ်တွေကိုဖော်ထားကာ အေးစက်တဲ့အရှိန်အဝါတွေကိုဖြန့်ကျက်ထားပြီး ဒေါသတကြီးမာန်ဖီနေလေသည်။
" ခေါင်းဆောင်ကိုသွားခေါ် "
လဲကျနေတဲ့ခွေးနက်ကြီးက အခြားတစ်ကောင်ကိုပြောလိုက်ပြီး ကျန်ခွေးနက်အုပ်စုကတော့ ဝံပုလွေကြီးထံ ပြေးဝင်လာသည်။
" လုံခြုံတဲ့တစ်နေရာမှာပုန်းနေ "
ယုန်ဖြူလေးက ဝံပုလွေကြီးကိုစိတ်ပူစွာကြည့်လိုက်ပြီးပုန်းခိုဖို့ကိုငြင်းဆန်နေ၏။ အဝေးတစ်နေရာက ခွေးနက်ကြီးတွေကလည်းအုပ်စုလိုက်ချီတက်လာနေပြီဖြစ်သည်။
" ရှောင်ပိုင် ငါ့စကားကိုနားထောင်စမ်း... မင်းတစ်ခုခုဖြစ်ကြည့်...ငါ... "
" ငါ့ကိုယ်ငါခွင့်မလွှတ်ဘူး! "
ဝံပုလွေကြီးက ပြောပြီး ယုန်ဖြူလေးကို ဂုတ်ကနေကိုက်ချီကာ ကျောက်ဆောင်ကြားညှပ်ချပေးကာဝှက်ပေးထားသည်။ သူကတော့ စိန်ခေါ်အူသံပေးကာ ခွေးနက်အုပ်စုနဲ့စတင်တိုက်ခိုက်တော့သည်။
သူ၏လက်သည်းတွေကရှည်လျားပြီးသန်မာလေသည်။ ငယ်စဥ်ကတည်းက အားနည်းခဲ့တာကြောင့် လေ့ကျင့်ရေးကို ပိုဖိအားပေးခဲ့ပြီး အရွယ်ရောက်ချိန်မှာတော့သူကပိုပြီးသန်မာလာခဲ့သည်။
YOU ARE READING
Big Wolf's Wife || Complete ||
RomanceBig Wolf & Little Rabbit's Cutie Romance Shot Story.BL