لُقياك (عشك الذيب)

﮼البارت ﮼الثالث🖤

الكاتبه : ليَّل آل قَيس

قصه.. لُقياك (عشك الذيب)
غموض..
البارت الثالث..

مَ عليك عَتب أنه بالغت بشعوري..

فجر
علي : يله فجر نطيني الفحم محمدد محمد لك عمي هاك
جدو يگول خل يعلگ الفحم حيجيبون الأكل ..

فجر:هاك انت دير بالك لتنچوي حبيبي..
علي:موطفل والله موطفل اني..

زينه: حموت حبابين رجلي تدمرت..
اوس:حـبيبي روحي جوه من يكمل الأكل تعالي ..

زينه:والله اختنگ شعندي وحدي بلغرفة..
اوس:ע وين وحدج هاي الأخت وياج فجر والعنود
ماتصدگ تگعد ه‍سه اجيبهن وراج بس دخلي ارتاحي..

كامت هي وبطنها حامل بتؤام ولد شكلها صار يجنن
كزكزت عليها .. دخلت اني يمها وجتي العنود بس
هي الي ممتزوجه مِن بنات العم كلهم متزوجات ..

مددت زينه واحنه يمها سوالف عاديه الى ان گمزت
العنود: يلة وصلنه وين ها مِن ترزلتي بـ السوپر ماركت

فجر :ههههہ فضولج يااختي فضولج ..
زينه : من اگول احساس ماكو مصدگون ..

العنود: ע مامرجيه منج هاي ..
اباوع لخزرات زينه لعنود حته تسكت وهاي مستمره..

فجر: بس متقااطعيني..
العنود: شششش ابد ابد ...

الماضي..

فجر
طلعت مِن المدرسه صار اسبوعين مشايفته احس شي بيه
نقص بجيت حته تحضر ماحضرت عدل عيني حمر
متذكره الفتره الفاتت ابد محچينه بس يسوي شغله يتركلي
اوراق بيها اقتباسات حيل حلوه جمعتها بصندوگ وصار
اسبوعين هو ماكو ...

نزعت االبوند لان ضوجني لبست الجنطه على تك چتف ..
المعاونه: فجر الصدريه هاي ماريدها تتلبس بعد قصيره
حيل وشعرج اها متكدرين تلميه ..

فجر : مابيها شي ست ..
المعاونه : بنتي قصيره ماريدج تلبسيها بـعـد ..

ذبيت نفس ورجعت شعري ليوره : حاضر اعتذر
ماالبسها بـعـد .. ابتسمت گوه ومشينه ..

رحمه : ممرتاحتلج شنو الي شاغل بالج ..
فجر : قُصي مختفي هل ايام ماكو ..

حجيتها بشرود شفتهم كدامي عليا ورحمه..
: ومن شووكت يضل بالج عليه ..
فجر : ها ע مو شسمه..