لُقياك (عشك الذيب)

﮼البارت ﮼الحادي ﮼عشر🖤

الكاتبه: لَـيل ال قيس

قصة.. لُقياك ( عشك الذيب)
غموض..
البارت الحادي عشر..

تـ؏ــآلہ شكثر مشتاگين لأخبارك
تـ؏ــآلہ وماعليك نقدس اعذارك ..

فجر
لميت ﮪواي غراضي اكثر مِن نصها حنروح للأنبار
نگضي العطلة هناك لان حته علي عطل واني تخرجت
وعرس رواد هم فقررنا نروح...

خابرت ريتاج :ها حب..
ريتاج:وصلتلج هويتج مال نقابة المحامين...

فجر:اي عمري وصلت من ورا التخرج راساً
والله احنه محظوظين ..
ريتاج :ااي والله يله حبي توصلين بسلامة حشتاقلج..

فجر :أني اكثر والله..
ريتاج :تصوريلي الاجواااء..

فجر :من بطن عيني..
سلمت عليها ولميت غراضي الدنيا عصر نزلنه
كلنه شلت عز منشنش صايرين يجننون حيل ..

علي :جدو بشرفك اَنَــتْ سوق واني وبيبي وياك
ذوله يسطروني...
مرتضى: اي بدون جهال بسيارتنه..

وسووها صدك وسبقونه ضلينه نتلاطم محمد استلم السياقه
متنه ضحك والجهال يفزون مِن الطسات وزينه بواهس
الحمل كلسع لعبانه نفسها والجهال وعمايلهم والبچي
والحليب لعبت نفسي ومحمد يحجي واوس يكفخه...

بألف ياالله وصلنه بطني وجعتني مِن الضحك تدمرت
راساً دخلت على هلاهل واغاني ماعرف شصار بس
اني هم هلهلت واطگ اصبع...

ام مرتضى:هلااااا بلمحاميه مالتنه يمههههه تـعالي هين..
فجر : يمةة اكزكز عليج اني اي عــينيہ محاميه..

ام مرتضى : يمه الفخر ورفعة الراس ..
بوستها وسلمت عليهم وكعدت بلمطبخ..

فجر : اكلج خاله خاله خالةةة..
ام رواد: احجي وگرص شبيج..

فجر : حبيبي والله نهاد وين مشتاقتلها..
العنود : مو طلع عمو زوج نهاد متزوج
وعنده بنيه وهاي بنته يم مرته الي مطلگها
وامها متزوجه وزوج امها يضربها ويتحرش
بيها فـ عمو عرف رايح مملخ زوج امها وجابها
هو تزوجها حته يستر عليها لان يتيمه يعني لاهي
حبته ولا هو مجبورين اي فـ جابها ونهاد حايرة
بيها..

ام رواد: حبيبتي فجر اي سر عندج حطية بحلگ
بنيتي العنود حلگها ماتفتحو ابد ول بنيتي مو هيج
هيدي هيدي..

زينه: اخخ يمه ناموا صدعوني..
ام رواد: شلون صار جرحج لج شلون تحمليهم
الله يساعد گلبج يمه ..