لُقياك (عشك الذيب)

﮼البارت﮼السادس﮼والعشرون ﮼(بداية الجزء الثاني)

البارت الاول الجزء الثاني 🖤
الكاتبة:ليَّل..

قصه .. لُقياك ( عشك الذيب )
حب / غموض ..
البارت السادس والعشرون ..

إمرأة ע يغادر وجهها بسهولة .،
يصيبك بِـ نَقصٍ حاد في الذاكرة.

فجر
الحجيه : ولكممم شنوووو ميتين عدليننن كعدن عاااد ..
غطيت وجهي ونايمه يم البنات كلنه متجمعين بفد غرفه
وبيبي على راسنه تصيح ..
فجر : خل انام بيبي حبابه..

الحجيه : كووومي مرت الذيب عود ذيبههه طلعتي
دجاجه كله نوووم كووومننننن ...

نغم : اصيح حنش عليج والله..
تكعدنه علمود مسوين عزيمه لان علا مرت قيس جابت ولد
يجنن سمو قيصر اسم غريب وحلو وبيبي من ولادته لسه
تحضر للعزيمه واليوم ملختنه

: لابوج لابو حنش هذا الخبل ابو الوصخ ...
عزا متت ضحك كمت ومكفوشه عشق نايمه على
بطنها ولافه الغطه عليها شكلنه مأساة..

نغم : هههههههه آيييي بيبي اااخ رجلي..
الحجيه : حيل بيج يلا كومن حضرون الاكل ..

فزيت من عشق كمزت ولابسه شورت وبدي ..
: مو مخموووده حجيه مخموده يعني حفيدج ملتحق
انتي تكعديني اخلص منه تجين انتي ..

الحجيه : هاي شلابسه مصخمه خرب ببياضج اگول
منثول الوليد وفحطان .. وكع الغطه منها هي هم كعدت وجها
مورم مال نوم ونغم دموعها تنزل بيبي ضربتها قوي ..

طلعت بيبي بـ؏ـد ما هججتنا كلنه صفنت وهاي صار
شهر هنا قصي ضل شغل وصارله اسبوعين ملتحق
نفسي ممتقبلته ابد صح جان كل حياتي بس هسه
لا تركه الي مو سهل ابد ..

الكل حبابين بس امه سمانيه حيل هي وخواتها وبناتهم
وبنت عمهم فاطمه هاي مقيمه بلبيت عود يم البنات
وهي ولا وحده تطيقها لان تنقل كلام ومسويه
مشاكل الي عرفته عينها على الكل من ابو حازم
الى ارشد ..

تنهدت وسحبت نفسي يم نغم : شبيج يولي اشووف ..
مسحت دموعها : شوي موجوعه بس هاهيه..

ديم : عشق كومي حننسحل.. كامت لفت البطانيه عليها
عشق : لابوكم لابو عشق لابو اليوم الجيت بي عوفوني
انخمد والنبي نعسانه وهذا زوجي العزيز بـ الواجب
ويگلي حلمت بيج طالعه بـ الشورت ويرزلني بشرفكم
اكو هيج واحد صااحي يتعارك لان حلمان بيه ....