لُقياك (عشك الذيب)

﮼البارت ﮼الثامن🖤

الكاتبة : ليَّل..🖤

قصه .. لُقياك (عشك الذيب)
غموض..
البارت الثامن ..

طلع ما يكابر... أني فعلاً ما أهمه..

فجر
شايله ابن اوس يجنن جابت الولد التوم ؏ــينيہ دمعت كلش
حلوين ابتسمت وحمدت الله زينه مابيها شي بس تعبانه
لان توم وصوت التشييع غير مره ماتت الله يرحمها
تنهدت وبست راس واحد من الولد : ماشاء الله فدوه الحلو
يتربى بعزك اوس حبيبي..

باس راسي اوس : روحي خيتي..
نطيت الاول لماما اخذت الثاني ملامحهم ممبينه خليته
بحضني: شنو تسموهم ..

تنهد اوس بحسره: خل تطلع زينه يله هي تسميهم..
نوره: ابني والله گالت الدكتوره بس يخيطوها حتطلع..

عينه دم لونها هو وعلي واحد خازر على الثاني : علي
كوم حبيبي شوف اخوانك..

علي :عوفوني..
نص ساعه وطلعوا زينه وجهها اصفر على السديه ..
الممرضه: رجائاً ע كلكم تضلون ممنوع ترا مرافق
او ثنين فقط..

نطيت الطفل لخاله ام رحمة ورحت يمهم حولوا زينه
على السرير مالتها : اكدر البسها جسمها بارد ..

اوس : اني ابدل الها رجعي فجر ..
فجر : حباب مو وكت عناد اطلع اني البسها ..

الممرضه: اي لبسيها هي كالت بس اطلع لبسوني..
ضحكت عليها تبرد بسرعه طلعوا كلهم واخذوا الاطفال
رفعت شعرها مسحت الها رگبتها وجوه راسها خفت اتقرب
لبطنها فتحت هدوم المستشفى ذبيتها عنها ولبستها دشداشه
ثخينه وغطيتها ببطانيه ماما جايبتها..

فجر : خل تجي الممرضه كملت تبديل..
طفر اوس جوه يمها جتي الممرضه اني راسي
صار طبل وتعبت حيل والتنوره ضايقتني..

سوتلها الممرضه الكانونه اني نزلت يم الحضانات مال
اطفال ﮪوايه جهال يجننون حلوين حيل طلعت فوني
مِن الجاكيت صورتهم من بعيد ..

خابرت محمد : ها ضلعي .. ע اا زينه كلنه زينين
... اي طلعوها حمدالله... طلب صغير الله عليك
جيبلي هدومي كول لرحمة تحضرهم..

نطاني رحمة لان هم كلهم ببيتنا : ها حبي ..روحي فوك
بكنتوري تراك وجاكيت طويل ..اي اني بايته يمها ..

سديته واحس مخنوگه من المستشفى اغلب ايامي
والسنين الفاتت اتخذت من المستشفى بيت الي
بسبب آلام الجلطه الصابتني..