لُقياك (عشك الذيب)

﮼البارت ﮼الـسبعون

البارت الخامس الاربعون من الجزء الثاني ..
الكاتبه : ليل آل قيس  ..

قصه .. لُقياك (عشك الذيب)
حب / غموض..
البارت السبعون..

عشق
ملتمين كلنه يم بيت عمو مصطفى على صوت حازم
الي يتعارك وي اقارب حوراء..

ابراهيم: غلط وعياط ماله داعي حور اخيتي مكانها
يمي اجتي يمكم وخلف الله عليكم جان ماعندي مكان هسه
هي واختها برگبتي..

حازم : دخذ حچيك واطلع يله يبه يله ام ابني ومرتي ومره
من ضهر رجال تطلع من البيت ..

يحجي وماخذ الكل بـ الصياح ..
فارس : مو نگول بلا صيااح وحچي ماااصخخ..

ابراهيم: كَلشي اعرف اني وعلاقتكم بيها وابنك على عيني
وراسي يجي ويشوفك ويشوف أمه مدري تشوفها المهم
حور ماتبقى ..

مشه حازم لزم حور وبعدها عن انضار الكل حجه بصوت
عالي : ماتروح گلت ماتروح اممشي فوگ..

خزرته مثل كل مره ودفعته ابتسمت ورحت يم عمو فارس
: عادي اروح وي ابراهيم واختي ..

ابتسم الها وهو معصب من حازم: عادي ابويه ترحين بس
نفس الي گلتة لمرت قصي طلعه من هل بيت اذا زعل احش
رجولكم بس اذا زياره على عيني وراسي ..

مصطفى: روحي ابويه انتِ ارتاحي واجيج ارجعچ عود..
ابتسمت هازه راسها : فدوه الكم ان شاء الله..

حازم: ولا يمكممم مو داكل تبن واحچي بلشت الگوا**
ماصدگتي يجي الي مديحچ چان ..

هي ثواني وابراهيم ضرب حازم وگعه راساً ياسر وايسر
صارو فوكاه وسحبوه والعيطة گبت ..

فارس : حااازم تخبللل اخذوه مناااا امسحها بوجهي ابني
هذا طايش اعتذر منك ..

ابراهيم: لا حــچي العفو يله  ..
اشر لاخت حوريا سحبها ورا وطلعوا ياسر وايسر
سحبوا حازم ارشد اول مره اشوف نضرته بقرف
لحازم ..

انسحبوا كلهم رحت يم حور شفتها گوه تتحرك تعبانه
: ارتاحي هسه كليلي اني شنو اطلعلج..

كعدت على الچربايه ومسحت وجهها : هي هاي الهدوم
والمنشفه مالتي ..

حطيتهن بجنطه متوسطة الحجم وهي راحت للحمام
كملت غراضها وطلعت هي نزلنه سوه ارشد اخذ
جنطتها ونطاها علاگه : هاي علاجاتج امي كالت
واكلي عود ..

حوراء : تمام شكراً حيل ..
طلعها هو واني دخلت للبيت بوجهي للغرفه شفت وارث
بـ البلكونه كاعد ويدخن ابتسمت وذبتي عباتي فتحت شعري
ورحت يمه : ممكن اكعد لو لا..