لُقياك (عشك الذيب)

﮼البارت﮼الواحد ﮼والسبعون

البارت السادس الاربعون من الجزء الثاني ..
الكاتبه : ليل آل قيس..

قصه .. لُقياك (عشك الذيب)
حب / غموض..
البارت الواحد والسبعون..

* ممكن اكو كم شغله ممناسبه للبعض تخطوها♥️

عشق
كملت حَمامي وطلعت قسور نايم لبست بنطرون
وقميص ضجت من لبس البيت كعدت كدام المرايه
رفعت فوني واني امشط خابرت وارث عنده سفره
وي اصدقائه ..

:عشگي شلونج..

:حمدلله حبيبي انت شلونك اكيد زين حمدلله
عندي طلب صغنن..

وارث:أوامر سيادتچ..
عشق:تقدم اوراقي اكمل هل سنه مو مليت بـ البيت..

وارث:يمي صاحبي ابوه عَميد صوريلي فايلچ حتى
يتثبت اسمچ على السنه الجايه وعود شوكت متداومين
اخذيله المَلف..

:اموتتت عليك اووووووي شوكت تجي!
:لليل نتأخر..

:حفاضات وحليب لقسور وسيريلاك..
ضحك وقبل ابتسمت وفرحاااانه سديت الفون منه
واني كُلي طاقه ممكن مااشتغل عادي بس اريد شهادتي
بأيدي وهي سنه وحده تمشي برحمة الله...

جريت الفايل مالتي وصورته ودزيته اله حَماااس
گلبي يضرب بسرعه شعري شسورته ورفعته كعد
قسور نزلت جوه بـ الحديقه ملتمين سوالف حلوه وچاي
نغم اجتي ذبها رهيب وراح تتمشى وبطنها بارزه كلش
حلوه صايره..

فارس: ها يابه شلونه دوامچ..
نغم: تعب شويه بس ونسه مااحس بـ الوكت شلون
يمشي ..

نوروز: خما حملچ مأثر وشغل البيت..
نغم: أبد كَلش مرتاحه اصلاً من رهيب يروح اروح
يم ريم اتغده واتعشى حتى ابات يمها ومن يجي رهيب
لو يجيب سمچ لو طبخ بسيط وههههههه من داومت هو
طبخ..

فارس : حتى لو تركي وضيفتچ تتعبين وراج شهور
طوال وراها تربية طفل..

نغم: اني بس احس رح اقصر بدون كلام اتركه..
مر اليوم حلو سولفت وي فجر شويه هَم هاي نفسيتها
محطمه مو شلون مچان صدك تقهر راحت نغم الي
صارت استاذه بـ الجامعه مالتها بـ؏ـد مراحل لأقناع
رَهيب..

ضليت انتضر وارث مااجه تأخر نومت قسور بغرفة بيبي
ولبست جاكيت وضليت برا لميت الكراسي والهوسه
شويه واجه سمعت صوت هورنه الحرس خَاليهم من برا
فتحوا الباب وكفت ليغاد سدوا الباب نزل وبيده الغراض
ضحكت وصفكت احس انسى روحي من اشوفه..

ابتسمت وتقدم يمه بهدوء واغنيله
:ياحلو الطول يازينة الشبااان ..

اندار مبتسم اشرلي رحت وشلت منه الغراض..
:تمت شغلتچ بداية السنه الجايه تباشرين ..