لُقياك (عشك الذيب)

﮼البارت ﮼التاسع ﮼والخمسون

النَشر حسب الفراغ حَـ يكون حبايبي ..
تابعوا قناة التلي رابطها بـ الحساب..
*************

البارت الرابع الثلاثون من الجزء الثاني ..
الكاتبه : ليل آل قيس.

قصه .. لُقياك (عشك الذيب)
حب / غموض..
البارت التاسع والخمسون..

يُحبّها بطريقةٍ مُتطرِّفه وقاسية،
كأنه يعاقبها على مجيئها المُتأخر لحياته....

بارت طووويل استمتعوا بي ..

فجر
ثاني يوم الوجوه كلها مگلبه ومحد حچه شي گابلنه
نغم ونسولف وياها ونهديها بس تبجي وتخابر برهيب
وتدز فويزات وتعاركت وي عمو ووي اخت رهيب ..

بحيث البيت ٤ ايام نارررر ومحد يتحچه عشق تعاركت
وي وارث عركه قويه ماعرفت سببها ولا تدخلت بس اهديهم
وعلا حامل وعدها طفل اتمنى بس يخلص اليووووم حته
اصير بحضنه وانسى كلشي..

جنت متمدده ومزاجي خربان مدري شبيه من ضغط البيت
وقصي كاعد على مكتبه ويحجي صدعت من كلامه
انداريت بملل شويه وحسيته يمي اجه گومني عدل
ونام على رجلي : حبيبي ..

قصي : ياعيني ..
فجر : اريد اروح لأهلي مخنوگه..

جنت صدگ مخنوگه ومدمعه رفع نفسه حاوط وجهي
: شبيج يحلوه مــنــﹻـو الغاثچ..

هزيت راسي : محد بس اني مشتاقه الهم قصي ..
جرني لصدره ويمسح على شعري : بس تهده الاوضاع
وكم شغله من البيت والشغل من عيوني اوديچ بس
هسه ماگدر..

فجر : اخابراخواني لو ابويه ..
قصي : حبيبي اخاف عليج الوضع موزين صح مايعرفوج
بس خوف ابويه واذا تروحين انه وياج ونضل بفندق لو
شقه ماحس هل بيت بيت اذا مو انتي بي ..

فجر :لاتچذب .. ضربني بخفه على راسي
قصي : اكو وحده ادميه تگول لزوجها لاتچذب ..

فجر :اي طبعاً لان تروح بـ الاسابيع وتختفي عادي ..
قصي :لان شغل ولچ چنت ماابقه بلبيت ارجع من الواجب
نروح للصيد لبغداد لو نزور اكره گعدة البيت بسس هسه لا..

حچه ودفعني بخفه باس خذي : غير اعشق البيت غير ابوس
البيت واشمه واحضنه غير البيت يجنن بيچ ولچ عائلتي انتِ..