အေးစက်နေတဲ့လက်နှစ်ဖက်ကိုအချင်းချင်းဆုပ်နယ်နေရင်း သူ မေမေ့မျက်နှာကိုမော့
ကြည့်လိုက်မိသည်။ အေးစက်ခက်ထန်နေတဲ့မေမေ့ရဲ့အကြည့်တွေက သူ့ကျောရိုးထဲစိမ့်ကနဲဖြစ်သွားရသည်ထက်ပင်ပိုနေသေးသည်။
တင်းတင်းစေ့ထားတဲ့ မေမေ့နှုတ်ခမ်းတွေက
ထပ်မံထွက်ပေါ်လာမယ့်အမိန့်သံကို သူ နာခံ
စွာစောင့်နေတဲ့ အချိန်မှာပဲ...
' ရိပ် ဒီနေ့ဘာအမှားလုပ်ခဲ့လဲသ်ိလား '
' သူငယ်ချင်းရဲ့ အရုပ်ကိုမတော်တဆဖျက်ဆီးမိ
လို့ပါ '
' မှားတယ် '
' သတိ မထားမိပဲ နမော်နမဲ့နိုင်လို့ '
' မဟုတ်သေးဘူး '
' .... '
သူ တကယ်ပဲဘာအမှားလုပ်ခဲ့မိလဲစဥ်းစားမရတော့ပါ။ ကျောင်းမှာသူငယ်ချင်းနဲ့အတူကစားရင်း မတော်တဆပျက်စီးစေမိပေမယ့်ဒါကဘာကြောင့်အဲ့လောက်အပြစ်ကြီးသွားလဲဆိုတာ သူမသိ.....
တကယ်ဆို မေမေ နဲ့ ဖေဖေ က အပြိုင်အဆိုင်ကို ချမ်းသာကြွယ်ဝတဲ့မျိုးရိုးကိုယ်စီကဆင်းသက်လာကြတာဖြစ်ပြီး သူတို့ရဲ့ တစ်ဦးတည်းသောသားဖြစ်တဲ့ အရိပ် ကလဲရွေပုံပေါ်မှာကြီးပြင်းလာရသလိုပဲမဟုတ်လား....
ဒီအရုပ်လေးတစ်ရုပ်ကို ပျက်စီးစေမိတာကြောင့် မေမေ ဒီလောက်အထိစိတ်ဆိုးနေတာကို အရိပ်နားမလည်ပါ....
' ရိပ် အပြစ်က မေမေ့ကို အရှက်ရစေတာပဲ
ဒေါ်ခတ္တာရိပ် ရဲ့သားက အရုပ်တွေကြိုက်တဲ့
ပုံပဲ ကျွန်မသား အရုပ်လေးတောင်ယူကစား
ရင်း မတော်တဆဖျက်ဆီးမိသွားသေးတယ်
ကလေးကို အရုပ်လေးဘာလေးဝယ်ပေးပြီး
ကစားခိုင်းပါဦးတဲ့.... ရိပ် ပြော မင်းကို မိဘ
တွေကမပြည့်စုံအောင်ထားလား '
' မ... မထားပါဘူး '
' မင်းမှာ ဘာလိုအပ်ချက်မှမရှိအောင် မေမေတို့
ဖြည့်ဆည်းပေးထားတယ် ဒါပေမယ့် မင်းက မေမေ့ကိုအရှက်ရအောင်လုပ်တယ် မင်းမှာအပြစ်ရှိလား
မရှိဘူးလား ရိပ် '
' ရှိ.. ရှိပါတယ် '
' ဟိုဘက်လှည့်.. '
သူ ခြေထောက်တွေကိုတောင့်နေအောင်ရပ်ထားလိုက်ပြီးတစ်ဖက်ကိုလှည့်ကာ မျက်လုံး
တွေကိုပါ ပိတ်ပစ်လိုက်သည် တစ်ကိုယ်လုံး
အေးစက်တုန်လှုပ်ကာ ထိတ်လန့်နေပေမယ့်လဲ ဒီနေရာက သူ ထွက်မပြေးသွားနိုင်ပါ....
YOU ARE READING
အချစ်ရိပ် ရပ်ဝန်းငယ် ( Complete )
Romanceအချစ်ဆိုတဲ့အရာက ချိုသလား ခါးသလား ပျော်ရွှင်ရသလား နာကျင်သလားဆိုတာတောင် မသိခဲ့ဘူး ( ရပ်ဝန်းငယ် ) မင်းနဲ့အတူရှိရမယ့်အနာဂါတ်မှာ မင်းအတွက်အရာအားလုံးကို ငါပေးမှာ ( အချစ်ရိပ် ) Zawgyi အခ်စ္ဆိုတဲ့အရာက ခ်ိဳသလား ခါးသလား ေပ်ာ္ရႊင္ရသလား နာက်င္သလားဆိုတာေတာင္...
