" အန်တီ ရပ်ဝန်းရောက်ပါပြီ "
မျက်နှာစိမ်းပြီးရင်းနှီးမှု အနည်းငယ်ပင်မရှိတဲ့ ယောက္ခမရှေ့မှာ ရပ်ဝန်းခပ်ရို့ရို့ရပ်ရင်းအသိပေးလိုက်မိတော့ ခြေထောက်ကိုတင်းအောင်ချိတ်ပြီး ဖုန်းတစ်လုံးကိုမျက်နှာမူနေတဲ့ ဒေါ်ခတ္တာရိပ်က အသိအမှတ်ပြုရုံ တစ်ချက်လှမ်းကြည့်လိုက်ပြီး ခေါင်းဆတ်ပြရင်း
" ထိုင်လေ "
" ဟုတ်ကဲ့ အန်တီ "
ရပ်ဝန်း လွတ်နေတဲ့ဆိုဖာတစ်ခုပေါ်ဝင်ထိုင်ပြီး ပခုံးပေါ်ကအိတ်လေးကိုဘေးချလိုက်ရင်း
ဒေါ်ခတ္တာရိပ် ဘာစကားပြောလာမလဲရင်တထိတ်ထိတ်စောင့်နေမိသည်။ဒီနေ့ အရိပ်က အလုပ်ပြန်ဝင်ပြီဖြစ်သလို သူအလုပ်မသွားခင် သားသားကိုပါကျောင်းကိုပို့ပေးခဲ့ပြီး ရပ်ဝန်းကို အပြင်မထွက်ဖို့အကြိမ်ကြိမ်မှာခဲ့တာကြောင့် အိမ်ထဲမှာအောင်းနေမိပေမယ့် လူကြီးကခေါ်တော့လဲ သူမမှာ မငြင်းသာခဲ့....
မင်္ဂလာဆောင်တုန်းကတောင် မလာခဲ့တဲ့ယောက္ခမကြီးက ရပ်ဝန်းကို လွမ်းဆွတ်တမ်းတလွန်းလို့ ခေါ်တွေ့တာမဖြစ်နိုင်မှန်း ရပ်ဝန်း ကြိုတင်တွက်ဆမိပါသည်။
" ဒီရက်တွေထဲ ရိပ်က တအားအလုပ်ပျက်တယ် မင်း နေမကောင်းဘူးတဲ့.... ငါမြင်တာတော့ မျက်တွင်းတွေကျတဲ့အထိ ပိန်သွားတာက ရိပ်ပဲ ပြောပါဦး ဘာပြဿနာတွေရှိနေကြတာလဲ "
" ဟို ဒီရက်ထဲ ရပ်ဝန်းကိစ္စလေးနည်းနည်း
ရှိနေလို့ပါအန်တီ ဘာမှမဖြစ်ပါဘူး ဘာပြဿနာမှလဲမရှိပါဘူး "" မင်းနဲ့ ငါ ဒါ ပထမဆုံး စကားပြောခြင်းပဲ ဟုတ်တယ်မဟုတ်လား "
" ဟုတ် ဟုတ်ပါတယ် အန်တီ "
" ရိပ်က မင်းကို ချစ်လို့လက်ထပ်ခဲ့တာ "
" ဟုတ်ကဲ့ "
" မင်းကရော ရိပ်ကို ချစ်လား.... "
" ရှင်.... "
" ရိပ်က မင်းမိသားစု မင်းရဲ့အခြေအနေ ဘာဆိုဘာကိုမှ အပြစ်မမြင်ဘူး ငါ့ကိုတောင်ဆန့်ကျင်ခဲ့တယ် မင်းအတွက်ရော ရိပ်က ဘယ်လောက်အရေးပါလဲ "
YOU ARE READING
အချစ်ရိပ် ရပ်ဝန်းငယ် ( Complete )
Romanceအချစ်ဆိုတဲ့အရာက ချိုသလား ခါးသလား ပျော်ရွှင်ရသလား နာကျင်သလားဆိုတာတောင် မသိခဲ့ဘူး ( ရပ်ဝန်းငယ် ) မင်းနဲ့အတူရှိရမယ့်အနာဂါတ်မှာ မင်းအတွက်အရာအားလုံးကို ငါပေးမှာ ( အချစ်ရိပ် ) Zawgyi အခ်စ္ဆိုတဲ့အရာက ခ်ိဳသလား ခါးသလား ေပ်ာ္ရႊင္ရသလား နာက်င္သလားဆိုတာေတာင္...