" ဒီအခန်းတော့ မရဘူး "
အခန်းဝမှာ ပိတ်ရပ်ရင်း ဒဏ်ရာမရှိတဲ့လက်တစ်ဖက်ကိုကားပြီး တားဆီးထားတဲ့ သူမ ကိုကြည့်ရင်းအရ်ိပ် ပြုံးလိုက်ပြီး
" ကိုယ်ကပိုင်ရှင်လေ က်ိုယ်နေချင်တဲ့အခန်းမှာနေမှာပေါ့ မင်းဆီကဘာလို့ခွင့်ပြုချက်တောင်းနေရမှာလဲ "
" ရှင်ကပိုင်ရှင်ဆိုပေမယ့်လဲ ရပ်ဝန်းကငှားထားတာလေ အခုလိုရုတ်တရက်ကြီးပေါ်လာပြီး အတင်းဝင်လာနေလို့ဘယ်ဖြစ်မလဲ "
" ဘာလို့မဖြစ်ရမှာလဲ "
" ပါတ်ဝန်းကျင်အမြင်မသင့်ဘူးလေ ရှင်ဒီလောက်တော့နားလည်မှာပေါ့ "
ခပ်တွေးတွေးလေးပြောရင်း မသိမသာမသံတိမ်ဝင်သွားတဲ့ သူမစကားကြောင့် သူမဘာတွေးနေလဲ
ဆိုတာ အရိပ်တွေးလို့ရသွားခဲ့သည်။
" ဒါဆို အပေါ်ထပ်မှာ မင်းတို့နဲ့အတူလိုက်နေရမှာလား "
" အပေါ်ထပ်မှာက အိပ်ခန်းတစ်ခန်းပဲရှိတာ ဘယ်လိုလုပ်အတူနေလို့ဖြစ်မှာလဲ "
" အဲ့ဒါကြောင့် ဒီအခန်းကိုယူမယ်လို့ပြောတာလေ "
သူမက စဥ်းစားလိုက်ငြင်းဆန်လိုက်နဲ့ ဗျာများနေပုံရပေမယ့် အရိပ်ကတော့ သူမကိုစနောက်ရင်း ပိုလို့တောင်ပျော်ရွှင်လာရသေးသည်။
စကားတစ်ခွန်းပြောလိုက်တိုင်း မျက်လုံးဝိုင်းဝိုင်းတွေကို လည်နေအောင်စဥ်းစားပြီးမှ တွေးတွေးဆဆနဲ့ပြန်ပြောနေပုံက တည်ငြိမ်ရင့်ကျက်တဲ့မိန်းကလေးပုံစံပေမယ့်လဲ ဘာကြောင့်မှန်းမသိ အရိပ်မျက်လုံးထဲမှာ သူမရဲ့ အဲ့လိုပုံစံလေးကို ကြည့်ရင်းအူမြူးနေမိသည်။
" ဒါနဲ့ ရှင်ကဘာလို့ဒီနေရာသေးသေးလေးမှာလာကပ်နေမှာလဲ ဒီနေရာကိုရှင်ဝယ်လိုက်တယ်ပဲထား လက်ရှိငှားနေတဲ့သူက ရပ်ဝန်းလေ ရပ်ဝန်းသဘောမတူရင် ရှင်လာနေလို့မရနိုင်ဘူး "
" ဒါဆိုမင်းဆုံးဖြတ်လေ "
" ဘာ ဘာကိုလဲ "
" ကိုယ့်ကိုလက်ခံပြီးခေါ်ထားမလား မင်းနဲ့ဒီကလေးနဲ့ တခြားကိုပြောင်းမလား "
YOU ARE READING
အချစ်ရိပ် ရပ်ဝန်းငယ် ( Complete )
Romanceအချစ်ဆိုတဲ့အရာက ချိုသလား ခါးသလား ပျော်ရွှင်ရသလား နာကျင်သလားဆိုတာတောင် မသိခဲ့ဘူး ( ရပ်ဝန်းငယ် ) မင်းနဲ့အတူရှိရမယ့်အနာဂါတ်မှာ မင်းအတွက်အရာအားလုံးကို ငါပေးမှာ ( အချစ်ရိပ် ) Zawgyi အခ်စ္ဆိုတဲ့အရာက ခ်ိဳသလား ခါးသလား ေပ်ာ္ရႊင္ရသလား နာက်င္သလားဆိုတာေတာင္...
