مرحبا اني زهراء بنت شيخ عشيرة ……… معروفه بالـذيبـهه كلها تعرفني بهذا الاسم السلف كله يخاف مني و محد يتجرء يرفع حسه بوجهي، اشتغل دكتوره بعد ما عانيت طبعاً لحتى كدرت اوصل للهل المكان، تخصصي جراحة عامه ،
و هسه تعالو اعرفكم على نفسي، اولاً عمري 25 اني بنيه عاديه ما اشوف نفسي حلوه بس كلها تكلي حلوه لأن عيوني لون على عيوني بيبي قسمه ام ابويه الشيخه، شعري اشكر و طويل هذا هم وراثته منها و هم قزمه مثلها طولي 157 و اني جسمي مثالي بدون غرور يعني ،
اني عندي ثلاث اعمام و اربع عمات ، الچبير ابوي جاسم و حامد اصغر منه و حميد الوسطاني و الصغير عزيز ،
و عندي اخو واحد اكبر مني عمره 33 اسمه سجاد و معضل و يشتغل بالمعمل مال الالبان مالتنه خريج ادارة و اقتصاد، شطوله جنه نخله ، طوله 189 و عنده هم املاك بسمه .
و اني بزر الكعده الامر و الناهي بالبيتحامد عنده ثلاث ولد و ثلاث بنات ، علي و فهد و احمد و اسراء و حنين و بتول
علي الشيخ من بعد جدي عمره 34
فهد عمره 31
احمد صديقي عمره 28
اسراء روحي من الدنيا و بيست فريندي عمرها 24
حنين عمرها 20
بتول عمرها 18و حميد عنده هم ثلاث ولد ثلاث بنات، الچبير ناصر هو و الشيخ و سجاد بالروح وحده ، و كرار و امير و فاطمه و رهام و ريمه
ناصر عمره 33
كرار عمره 29
امير عمره 25
فاطمه روحي الثانيه عمرها 23
رهام عمرها 21
ريمه عمرها 18و عمي عزيز الصغير ما متزوج عمره 35
عماتي سهام و رباب و فاطمه و منال ،هسه تعالو احجيلكم قصتي، اني من جنت عمري 13 يعني "مراهقه" ، حبيت ابن عمي الشيخ علي جنت احب شخصيته و طوله و هيبة و هو كله احبه جنت عبالي حب مراهقه ما راح يدوم بس لمن صار عمري 16 اني نفس الحالة بالاخير كلت اني ما يفيدني غير مستقبلي هذا الحجي من انطوه فصليه و اتزوجها جنت انقهر و احترك من اشوفهم يدخلون للنفس الغرفه طبعاً جان جدي جامعنه ابيت واحد بس هسه منعزلين كلمنه ابيته بس واحد بصف الثاني يعني بس البساتين بيناتنه، المهم، كرهته اي كرهته دعيت الله يحول الحب الي بداخلي تجاه كرهه و استجاب الله دعائي، ركزت على مستقبلي و دراستي و قريت و تعبت لمن طلعت معدل 99.3 بالكوه قنعت جدي اكمل بلتواسيل يلا خلاني اكمل و كملته طب عام و اتخرجت ، من بديت اداوم بالجامعه بدت الناس تخطبني اكثر من قبل و جنت الاحض انزعاج اهلي من هذا شي رغم انو هو شي عادي و احنه اني و بنات عمي لأنه بنات شيوخ و الكل يعرفنه بس جان اكثر شخص يضوج الشيخ بس اني هم اتجاهلت هذا الشي و كملت و تخرجت و هسه صارلي سنه اشتغل گ دكتوره و الحمدالله شغلي كلها تحمد بي لحد هسه ما فشلت عمليه من عملياتي .!
YOU ARE READING
عـشقك عـٌذابـَي ❤️🔥.
ChickLit- النساء فوگ كلشي حتى فوگ مجتمعكم السافل الذكوري ! - ههه ، اولكم و تاليكم عبدات عدنه حضرت الدكتوره ما جنت واعيه على الي سويته بس الاعرفه انو هو استفزني حيل ، لويت ايده و ضربت وجهه بالحايط خليته يهطل دم .! - بعمركم ما راح تكتمون صوت المرءه و لا تگدر...