عـشقك عـٌذابـَي ❤️🔥.

البـارت الـرابـع - دِخَـيَلٌ -

تـاريخهـم عنـدي بـس تـربيـنا ؏ ستـر 🔥.
_____________________________

.........
زهراء : ظليت ابحث بالسجلات القديمة بلكت الكالي دليل عليه و ارفع عليه قضيه، و بعد بحث 5 ساعات لكيت سجل مره عمرها بـالـ90 ماتت بخطأ طبي بس لحضة هاي منو شفت صورتها و اسمها و اهناا جانت الصدمه المره هاي اعلنو انو هيه عملية نحجة و عايشه شلون سجلها يقرا ميته حتى لسه اتذكرها جانن سوالفها مثل سوالف بيبي و جنت دائما من اخلص شغلي اروحلها اطمن عليها، ظليت مصدومه معقوله طلع فهد قذر لهل الدرجه،

( بعد مرور اسبوعين )

ْ
الحمد الله رفعت القضيه علي و ربحتها اني و نصر الحق و زهق الباطل، بالادله و سجلات الكامره و جان الاخ ناسي يلبس جفوف من دخل و سد الاوكسجين على المريض و بصماته بقت بمكانها و هذا الاشياء جانت كافيه انو تسحب منه شهادته گ دكتور و تسجنه سنه كامله بس تعرفون العراق شلون نضامه فاشل، دفعله جم ورقه و نفى حكم دخوله للسجن ، المهم انسحبت منه شهادته،
دخلت للبيت و اني راسي صاير طبل اليوم كله ما كعدت دقيقه بس من جنت بالعمليات جنت كاعده
صعدت لغرفتي و كبل نمت.
كعدت على صوت تبارك
تبارك : شيخه الغده جاهز
زهراء : ماشي حبيبتي جايه وراج
نزلت هيه و اني كعدت اتذكرت سالفة البت و استغفرت ربي لسه ما فتحت الموضوع وي جدي و ابوي ، كمت غسلت و بدلت و نزلت لكيتهم كاعدين ياكلون كعدت يم جدي و بديت اكل، كملنه كلت لجدي
زهراء : جدي عندي سالفه وياك امشينه للمضيف
الشيخ هاشم : مشينه بويه
رحنه للمضيف الداخلي كعدت يمه و كلت
زهراء : جدي انتـه عاجبك وضع عمي عزيز هيچ ؟
الشيخ هاشم : ليش شبي وضعهم بويه ؟
زهراء : بويه شنو الـشبي وضعهم البت جايه لهناا مجبوره و هيه كلبها يعشك زلمه ثاني و عمي هم تره اني ادري بي ادري بي يحب خالتي جواهر
الشيخ هاشم : شنوو !؟
زهراء : اي بويه اني ما متأكد بس تصرفات دائما تكول هيج دائما من تجينه ما يشيل عينه عنها و دائما يسئل امي عنها .
الشيخ هاشم : ما كالي شي يبويه لو كاليلي قبل لا تجي لا بالله ما خليها توصل للباب
زهراء : و بعدين جدي شنو البت جبتوها فصليه ، اني من اجت لسه ما فرغت بس اليوم اني كاعدتلكم شنو جبتو البت فصليه هيه شنو تره بشر مثلكم هذا الي انتم سويتو يعتبر تجاره بالبشر البت اجت مغصوبه من بيت اهلها لهنا غصب عنها يعني انباعت ، تره والله باجر هاي الله يحاسبكم عليها جدي رجع البت اليوم لاهلها هسه، او منو يكول هسه ابن عمها بعده يحبها تلكاه هسه كال اتزوجت و راحت من بين ادبه خلي اروح اشوفلي وحده غيرها و من ترجع البت تظل مقهوره الله يقبلها عباده بس كلي؟
الشيخ هاشم : والله بويه ما حجيتي الا الصدق و اني هم سالفة الفصليه من البدايه ما قابل عليها بس شسوي سكتت علمود يسكت الدم بينه و بين اهلها
زهراء : هسه اروح اكل للبيت تجهز روحها علمود ترجع لاهلها
الشيخ هاشم : اي بويه چـاا شمتانيه؟
زهراء : بعد كلبي
و كمت بست راسه و رحت لتبارك لكيتها كاعده بغرفتها كلت
زهراء : يلا يحلوه كومي جهزي غراضج علمود ترجعين لاهلچ و لحبيبچ
تبارك : صدكك !!!
زهراء : والله
ما احس الا بالبت حاضنتني و تضحك بادلتها و ابتسمت ، فرحت من شفتها تلم بغراضها و ضحكه شاكه وجها نزلت و لكيت البيت متروس بولد عمامي و عمامي شبسرعه وصلهم الخبر؟
ظليت كاعده يمهم لمن شفتهم اخذوها علمود يرجعونها لاهلها يلا صعدت ذبيت روحي على الجربايه و اني مرتاحه همزين حليت سالفة تبارك و خلصت من فهد و ارتاح ضميري و اخيراً ...
ما طولت دقايق و اني مرتاحه لمن اجاني اتصال شفتها رهف رديت عليها كالتلي سجاد كعد كمت بسرعه لبست البشت و نزلت كلت لابوي و جدي و طلعت رحت للمستشفى بسرعه وصلت لغرفته لكيته كاعده حضنته و ظليت ابجي ، شويه و اجو عمامي و ولدهم و انترست المستشفى، فحصت سجاد و طلعت سويت اوراق الخروج و رجعت طلعنه كلنه من المستشفى و رجعنه للبيت لكيناهم منتضرينه بالتفك و الطليان، اني دخلت كبل و هم ظلو بره يرمون و يذبحون الطليان ،
دخليت و لكيتها كلها جايه من عماتي لخالاتي لگرايبنه بخويطهم .. عفتهم و صعدت لغرفتي ارتاح و نمت بدون ما احس على روحي للمن كعدتني فاطمه على العشه نزلت لكيتها لمت نسوان كعدنه ناكل شويه و كالت عمتي
سهام : اكول جواهر شعجب لسه ما متزوجه
زهراء : يمته تبطلن هاي سوالفجن؟
سهام : يا سوالف يمه ؟
زهراء : انتي شعليج بيها اتزوجت ماتت احتركت انتي شعليج بيهاا؟
سهام : عدلي حجيج وياي اني عمتج احترمي شويه
زهراء : اني احترمجن من تبطلن هاي السوالف و انتي بالذات النهار كله تدورين السوالف منو حبلت و منو تطلكت و منو عرست و منو بعدها ، و بناتج ثنين راح يدخلن الـ30 و بعدهن كاعدات تحت كترج و الثالثه اطلكت من ليلتها !
هيه خنست و لا حس طلعلها بعد كملت كلامي
زهراء : و إياني و إياجن ثاني مره اسمع وحده بيج تسولف هاي السالفه لا بلله الا اخليها دربها ما تشوفه .