عـشقك عـٌذابـَي ❤️🔥.

البـارت الثـامـن - اطَمْئِنَاٌنِ -

كن لي كونًا و سأكون لك مجرةً ، كن لي مدفأةً و سأكون لك نارًا ، كن لي بحرًا و سأكون لك امواجًا ، سأكون لك كل مايكملك لكن لا تخذلني حتى لا تفقد كمالك..!
_____________________________
عِلٌقـَوِ بيَـنِ الفَقـرِاٌتِ ..؟

………
زهراء : راحو اسراء و سجاد للبيت و اني رجعت لمكتبي ظليت افكر بڪلام اسراء و بعدها اخذت غراضي و رجعت للبيت گبل لغرفتي بدلت و نمت بلكي اشرد من واقعي المؤلم شويه،

گعدت على صوت امي و هيه تكول
ام سجاد : يمه اكعدي يبعد روحي اكعدي اكلي شووو
زهراء : يمه ما اريد عوفينييي
ام سجاد : يمه اكعدي لازم ترحين للسوگ الشيوخ قررو يسوون ملجتج انتي و الشيخ باجر وي سجاد و اسراء بنفس اليوم !
زهراء : هاي هيه يعني قررو
ام سجاد : يا يمه چـاا شبدينه ما نكدر نكول لا للشيخ علي تعرفي اذا ما ياخذج برضانه ياخذج غصباً عنا ، ... كومي بدلي يلا .

كمت و اني ادعي على نفسي بلموت بلكي ارتاح و يخلص عذابي ، غسلت و بدلت لبست بنطرون اسود و قميص اسود قصير و لبست فوكهن بشت اسود طويل و شيله سوده و خليت مكياج ترابي خفيف و اخذت فلوس من فلوسي لأن مستحيل اخذ منه فلوس، لبست كعب اسود و نزلت لكيته يسولف يم بيبي بلصاله كلت

زهراء : يمه يلا اني راح اروح للسياره
و تجاهلته و طلعت ركبت بسيارتي و شويه و اجت امي صعدت وره و كالت
ام سجاد : عمتج ام علي و سريوه و فطومه يرحن ويانه
اكتفيت بهز راسي و حركت، اخذناهن و رحنه للسوك طول الطريق هنه يسولفن و اني ساكته،
فتريت المحلات كلها ما لكيت فستان عجبني
بالاخير اقتنعت بواحد ضيك و اخذته و اسراء كذالك
رجعنه للبيت كبل شمرت غراضي و بدلت و نمت بدون اكل ..

ْ
………
علي : رجعت للبيت تعشينه و كعدنه نشرب جاي و كالتلي اسراء اريد احجي وياك طلعنه للحديقه و كلت
علي : احجي بويه شعندج
اسراء : شوف علي هل المره اني راح احجي البگلبي بدون خوف
علي : و ليش تخافين يـبعد اخوچ انتي احجي البكلبج و لا تضمي

اسراء : علي زهراء بعد السالفه تغيريت كلش صارت بس ساكته لا تحجي و لا تاكل و لا تشرب جسد بدون روح بس تنام ، اقصد لو تروحلها تحجي وياها تحاول تغير تفكيرها عنك خليها تفتحلك كلبها من هسه
علي : ليش شنو التفكير الماخذته عني
اسراء : تذكر من حاولت تنتحر و هيه صغيره
علي : اي اتذكر ليش؟

اسراء : حاولت تنتحر بسببك لأن جانت تحبك حيل مثل ما يحب هاشم قسمه و من درت بيك اخذت الفصليه اكتئبت و حاولت تكتل روحها و هسه من نهيت عليها انهارت لأن خايفه وره ما تزوجون ينطوك هديه لو تصير طلابه و يفصلونه و تاخذ الفصليه انتَ و تزوجها عليها
انصدمت من حجيها بعدين يلا استوعبت و كلت
علي : ماشي انتي ارجعي للبيت اني رايح
باوعتلها لمن دخلت و رحت لبيت الشيخ دخلت و استقبلوني بلهلا كعدت و شويه و حاجيت سجاد بهمس لأن جان كاعد يمي