مَاذا لَو تجَاوُزنا المِنطق وَتخطينا حَدود الواقع فَكتبت ليِ: كَيف حِالك؟ فأجَبت بعفويِة
لسَت بخَير مِن دوُنك!.
_____________________________
عِلٌقـَوِ بيَـنِ الفَقـرِاٌتِ ..؟ْ
………
زهراء : كعدت الصبح الساعه بـ9 البنات كلهن بعدهن نايمات، اخذت تلفوني و كمت طلعت من الغرفه خابرت رهف كالت اليوم ماكو هواي علميات بـ وحده بـ8 و مراجعين، كعدت اسراء تكعد البنات و كمت سبحت و لبست ملابسي و لميت غراضي خليتهن بالجنطه و نزلت خليتهن بالجنطه لكيت البنات جاهزاتهمزين امس رتبنه البيت و نمنه، وصلت البنات لبيوتهن و رحت للبيت لكيت بيبي كاعده بالصاله و يمها نسوان جيرانه سلمت عليهن و صعدت لغرفتي بدلت ملابسي
لبست بنطرون ابيض عريض و هودي طويل نيلي للركبه و شيله بيضه و خليت مكياج خفيف ايلاينر و حمره حمره خفيفه، و حذاء رياضيه نيليه عاليه و جنطه نيلي و لبست بشتي و نزلت ،
وصلت للمستشفى دخلت لمكتبي لبست قميص الدكاتره و نزعت البشت، طلعت رحت للاسعاف لان رهف ما موجوده بغرفة الاستراحة ، لكيتها واكفه يم هذا دكتور كرار، دكتور العيون
بس شافني اتقدم عليه و كال
كرار : دكتوره اريد احجي وياجابتعدنه عن القسم وكفنه كبال الباب الرئيسي مال المستشفى، كلت
زهراء : اتفضل دكتور احجي
كرار : بصراحه دكتوره انه رايدج على سنة الله و رسوله
رفعتله اصبعي الي لابسه الحلقه بي و كلت
زهراء : اعذريني مخطوبه و خطيبي شيخ علي شيخ عشيرة ال ……و هنااا اقتحم هدوءنه علي بصوته العالي كال
علي : تفضل شرايد
كرار : احمم انت حضرتك منو دخلت بالوسط بدون لا احم و لا دستور
باوعت لـعلي يباوعله بنضرات مثل نضرات الاسد و هو يباوع لفريسته و صارله اسبوع ما ماكل شي ، حسيته يريد يكفخه براجدي يخلي بعد مستحيل يشيل عينه و يباوع لممتلكاته
' ممتلكات الشيخ علي '
نقذت الوضوع بسرعه من فتحت حلكي و كلتزهراء : دكتور كرار الي كدامك ابن عمي و زوجي المستقبلي
حسيته بايد علي زرفت خصري من حطها علي و جرني اله قربني اكثر، لزكني بي
كرار : اهاا انه اعتذر شيخنه، و اهنئك على الورده الي حصلت عليها ، الدكتوره زهراء من احسن و اجمل الدكاتره الموجوده بالناصريه، و هسه اعذرني انه عندي شغل
باوعلي علي و هو بعد زارف خصري بيده كالت بصوت خشن و حاد
علي : بـوجهج لمكتبج دقايق و جاي وراج
ВИ ЧИТАЄТЕ
عـشقك عـٌذابـَي ❤️🔥.
Жіночі романи- النساء فوگ كلشي حتى فوگ مجتمعكم السافل الذكوري ! - ههه ، اولكم و تاليكم عبدات عدنه حضرت الدكتوره ما جنت واعيه على الي سويته بس الاعرفه انو هو استفزني حيل ، لويت ايده و ضربت وجهه بالحايط خليته يهطل دم .! - بعمركم ما راح تكتمون صوت المرءه و لا تگدر...