عـشقك عـٌذابـَي ❤️🔥.

البـارت الخـامس - عِـُشِـَقِ -

-ثُم مَاذَا ؟
=ثُم أنّك مِيم تليَهَا لَام مُلتصِقًا فِيهَا الأَلِف
آخِرُهَا يَاء التّمَلّك تَسبُقُهُا الكَاف .
_____________________________

.........
وره ساعه رجعو الزلم للديوان دخلو و لكو اهل باسم بالديوان كعدو كال ابو باسم
ابو باسم : والله شيخنه ما اعرف شكلون و شحجي لو لاكم لجان هسه ابني بيد ساچت و الله اعلم بحاله
علي : لا تهتم حجي و هذا ساچت دواه عندي
ابو باسم : و النعم منك و من اصلك
الشيخ هاشم : انه اعرف ساچت گاصدني
ابو باسم : ليش شيخنه باسم شنو يگربلك حتى يرمي لأن گاصدك
احمد : لا شيخ اني براي هذا سويچت چلب مچلوب اصلي و لهيج هو يتعارك وي الرايح و الجاي
حجه احمد هيج و اجته خزره من الجهتين من علي و من جده هاشم
كرار : بداعت امك ما تنجب انتَ
...

ْ
.........
زهراء : بعد العشه طلعت للحديقه ظليت كاعده بيها شفت احمد مدري وين يريد و منگع ماي من فوك لجوه باوعتله و كلت
زهراء : هاا ضلعي شسبحك
احمد : ابن عمج الأثول امير عود جاب ماي للدخيل گلبه عليه الاثول ابن الصاكه
زهراء : هههه تستاهل .. بس يا دخيل خيي شو ما سمعت صوت
احمد : مو انتي كاعده بنص الديوان و ما سمعتي شي
راح لبيتهم و اني دخلت لجوه ظليت افكر بسالفة هذا الدخيل بعدين صعدت لغرفتي ارتاح ذبيت روحي و نمت، كعدت الصبح على صوت المنبه كمت سبحت و بدلت لبست ستره جلد وي الركبه و كيلوت اسود مات و قميص حليبي و شيله حليبيه و حذاء كعب حليبي عالي و اكيد جنطة غوتشي بيضه و خليت مكياج بني هادء و لبست البشت و نزلت رحت للمستشفى و مر اليوم مثل كل يوم عمليات و حالات طارئة و مراجعين ، رجعت للبيت و اني ميته تعب لگيت جدي مسوي عزيمة شكبرها بحيث ما كدرت ادخل من الباب و لا خليت سيارتي بالگراج درت من الباب الخلفي نزلت دخلت للبيت لكيتهن ملتمات بالحديقه الخلفيه هيه شكبرها عباره الـ50 متر غير الطارمه الي تارساتها الگدوره مال الاكل دخلت نزعت البشت و سلمت و عرفت اليوم دورت سنة عمي المات عباس ، ظليت احجي على بيبي كل هاي و هو صارله 15 سنة من مات و حتى مات و عمره 16 سنة بس هو لأن جان العزيز عد جدي كل سنة يذكره، دخلت صعدت لغرفتي نزعت ملابسي و باوعت للساعة بـ5 و الجو يخبل كمت لبست كليبة سوده و بيها تطريز ذهبي و فتحت شعري و لبست عباتي و طلعت رحت للاسطبل مال الاحصنه و بيلا حصاني الاموت عليها بيضه من نوع الفرس العربي الاصيل اول ما شافتني كامت تصاهل رحت طلعتها و ركبتها و ظليت افتر بالاسطبل طبعا الاسطبل بنص المزرعه الي هيه كاعها باسمي فـمحد يدخللها خليت عباتي على متني و خليت الهوه يلعب بشعري بعدين شفت الساعه الي لابستها صارت بـ5:30 نزلت منها و رجعت للاسطبل شفت الاصيل مالت علي و ظليت العب وياه و ما احسلكم غير صوته الرجولي الخشن و هو يتحمحم وراي نزيت و عدلت عباتي على راسي و باوعتله شحلاته طالع لابس دشداشة سودة و الجراويه جوزيه و لافها على راسه و الحزام مال السلاح على متنه ظليت صافنه علي ما احس الأ و هو محاوطني بينه و بين الباب مال غرفة الاصيل و عيونه تلاگت،