عـشقك عـٌذابـَي ❤️🔥.

البـارت الثـالث - مِـنُاَفِسَـٌهِ -

مأساة أن يكون الكتمان مؤذي ، والبوح؟ ،
لن يغير شيئًا ..
_____________________________

.........
زهراء : ظلينه ناكل و نگرض بالوادم شويه و اجاني اتصال من مساعدتي رهف سكتت البنات و رديت
زهراء : هاا رهف شصاير
رهف : دكتوره الدكتوره صبا فقد وعيها قبل شويه و لسه ما گعدت و بعد نص ساعه عدها عملية لطفله عدها ورم چبير بالدماغ فـمالنه غيرج
زهراء : دقايق و اني يمج جهزو الطفله
سديت الموبايل ، كالت فاطمه
فاطمه : خير يا طير
زهراء : راح اروح للمستشفى عندي عملية بعد نص ساعه
اسراء : اخذيني وياج اريد اشوف سجاد الله يخليج
زهراء : روحـي لابوج كلليلي اني شنو يمه
اسراء : خلي اروح اگرص تحت كتره بلكت يقبل
زهراء : ربع ساعه تتأخرين اعوفج و اروح
اسراء : ماشي بلكت يقبل باي
كمت طلعت البنات و بدلت لبست كيلوت اسود و ستره ويا الافخاذ سوده و القميص حليبي و شيله حليبي و مكياج ترابي هادء و حذاء عالي حليبي،
اخذت البشت و غراضي خليتهن بجنطه غوتشي بيضه و نزلت لـجوه اشوف اسراء تمشي لو لا و لكيت الاخ كاعد يم بيبي بالصاله يسولف وياها
بلعمت من ركعني بنضره من فوك لجوه باوعتله و غلست كالت بيبي
الشيخه : خيرج يمه
زهراء : يمه راح اروح للمستشفى لأن عندي عملية بعد نص ساعه
الشيخه : الله يوفقج يمه
دخلت اسراء مبدله و كامله بس من طلع علي يلا دخلت، وصلنه للمستشفى رأساً دليتها بغرفة سجاد و رحت لبست ملابس العمليات و دخلت للعمليه، همزين بسرعه طلعت لأن جانت سهله بسرعه طلعت الورم بعده صغير و ما منتشر بالدماغ بس طلعته و المساعده مالتي رهف كملت العملية،
طلعت ذبيت ملابس العمليات و رجعت لملابسي و حذاءي و ردت اروح لغرفة سجاد بس اجاني مساعدي الثاني زيد و هو يركض، كال
زيد : دكتوره حالة طارئه اجت لازم تنزلين لقسم الاسعاف بسرعه
ركضت لقسم الاسعاف لكيت الدكاتره ملتمين عليه لبست جفوف و كلت
زهراء : التقرير
زيد : حادث مرور و سيارته داخله بالحايط صاير عنده ارتجاج بالدماغ و كسرين بالاضلع السفليه و حديده داخله بخصره،
باوعتله حالته صعبه حيل كلت لرئيس القسم
زهراء : دكتور نبيل لازم نسويله عملية تعديل الاضلاع و عملية الدماغ و عملية اخراج الحديده من خصره بنفس الوقت،
الدكتور نبيل : ماشي ليال انتي سوي عملية اخراج الحديده و اني علي الدماغ و دكتور فهد انتـه عليك عملية الاضلع
الدكتور فهد : بس هاي الحالة خطيره و جبيره على دكتوره صارله سنه وحده من داومت بالمستشفى
زهراء : منو كال؟
الدكتور فهد : اني اكول انتي ما عندج خبره كافيه حتى ادخلين هيج عملية ، وين الدكتوره ريم خلي تجي تاخذ مكان الدكتوره زهراء
زهراء : احترم نفسك و احترم حالة المريض هسه مو وكت المنافسه ،
الدكتور فهد : لا وك......
زهراء : دكتور نبيل خلي ندخل المريض للعملية باسرع وقت لأن راح نخسره بسبب تفاهات الدكتور فهد
الدكتور نبيل : يلا بسرعه اخذو المريض حضرو بسرعهه
رحت بسرعه بدلت لملابس العمليات و اجيت اغسل اديه بس لكيت نص الدكاتره و الممرضين واكفين يباوعون لأن هاي اول مره راح نسوي 3 عمليات بنفس الوقت ، غسلت اديه و دخلت لبست الرداء و الجفوف و باشرت بالعملية،
وره نص ساعه كملت طلعت الحديد و خيطت الفتحه باوعلي الدكتور فهد و هناا صارت المفاجئه ....