إستشعِري عظمّتك، يكفْيكِ أنكِ إمرَاة .♀️
_____________________________
عِلٌقـَوِ بيَـنِ الفَقـرِاٌتِ ..؟………
زهراء : و انه افكر غفيت ، كعدت على صوت هوسه و صوت زلم كبار ، كمت فتحت البرده و باوعت لكيت كبار عشيرتنه الشمات كلها واكفه بره و تحجي بصوت عالي يردون بيبي تطلع الهم ،كمت بسرعه لبست دراعتي و لبست حجابي اسود جرجيت و خليت طرفه على خشمي و حلكي ، غطيت نص وجهي بي خليت بس عيوني طالعه و ذبيت عباتي على متوني و نزلت
فتحت الباب و طلعتلهم و عم السكوت بالمكان ، حجيت بصوت عالي
زهراء : چثير الهلا بيكم دخلو لديوان شربو جايي مثل ما تعرفون المضيف الشيخ هاشم دومه عامر !
ابو جاسر : ما نريده الجاي نريد نعرف الشيخ هاشم و ولده وينهم يرجعون لو لا ؟
ابو محمد : و الديوان يظل هيج خالي بلا شيخ ؟
ابو حاكم : و اذا لا سامح الله و صارلهم شي منو الراح ياخذ المشيخه بدلهم ؟
زهراء : الشيخ هاشم و ولده راجعين بحيل الله ، و الديوان راح يرجعله شيخه ، و المشيخه معروفه للشيخ علي ابو ادم ، لأني حامل و ابن الشيخ بالطريق ان شاء الله
سكتت حلوكهم و معالم وجوهم ، باوعتلهم نضره اخيره و كلت
زهراء : والي عنده مشكله لو طلابه خلي يجي الديوان عمره ما ينسد و انه موجوده و الشيخه قسمه هم موجوده ، و يا هلا بيكم !
دخلت للبيت و صارت كبالي بيبيتي واكفه و منتچيه على عوچيتها و تباوعلي بنضرات رضا و فخر ، رحت بست راسها و ظلينه كاعدات نسولف و نتناقش بحالنه و شراح يصير بينه
شفت اسراء شلون عنيها على الباب تنتضر رجلها يجي ، هيه و الي ابطنها ، اي اسراء حامل بالشهر الثالث سوت فحص بالسبعه مالتي و عرفنه انو هيه حامل
بوكتها الكل فرحت لأن و اخيراً راح تنور عائلتنه و بيوتنه بضحكات الجهال و اصواتهم و الكل منتضر هذا الشي ،
خاص سجاد الي جان متحمس لأن راح يصير ابو و خوفه على اسراء الي ما يخليها تشيل شعره من الكاع دليل على حماسه و حبه الهم و للـ لبطنها ،
بس للأسف اختفه مثل ما اختفه رجلي و ما نعرف شي عنهم !.
ظل حالنه هيج لمدة اسبوع و ماكو اي تغيرات ابد و فيصل خابرني كال انو هوه هسه بالناصريه يدور عليهم بس ماكو فص ملح و ذاب !
ْ
ْْ………
اسراء : فجأه بعد ما جانت حياتي ملونه و زاهيه ، انلكبت حزن و اكتئاب و دموع ، رجلي و ابو بيتي و جهالي اختفه ،و مو بس هو الي اختفه ، اختفه وياه جدي و ابوي و اخواني و عمامي و ولد عمامي كلهم اختفو بيوم واحد و ما نعرف شي عنهم
اسبوع كامل و احنه ما نطلع من البيت بس زهراء تروح لدوامها ، طلعت لسوك و ما اتحملت كلام الناس عنه و عن زلمنه شلون اختفو ،
الوادم ما ترحم ، كامت تطلع حجي من يمها ، و منهم الي اجه يعزينه عبالهم زلمنه ماتو !
جنت كل يوم ما انام الا و دمعتي على خدي و اني اباوع لمكانه الخالي بصفي ، و انه احجي و الي ابطني و اكله انو ابو راجع ،
بلكت انطي أمل الي و اله ، بس ماكو مجرد اوهام اني داصنعها و اضحك بيها على نفسي !
اي الكل فقدت الأمل برجعتهم ، لأن حتى الضابط فيصل اختفه و انكطعت اخباره ،
جنه كلنه عايشين على أمل انو يرجعون ، بينما كل وحده بينه الي فقدت زوج و الي فقدت ابن و الي فقدت اولادها كلهم و الي فقدت اخوانها و الي فقدت رجل و عيال و احفاد ،
جنه كلنه جسد بلا روح لأن محد موجود حتى ينطينه حنيته و محد ينطينه اهتمامه و يصنع الضحكه علئ وجوهنه .
دريت بزهراء حامل و الي خايفه منه هسه ، انو تتيتم جهالنه قبل لا تشوف نور الله ،
صرت احلم بكوابيس هواي و كلها فواتح بس ما اعرف المن بس الفاتحه ابيتنه و نسوانه التلطم ، بس اخر كابوس اتجرءت و فتحت التابوت و الي الطلع نايم بداخله سجاد
اخترعت و نزلت لبيبي حجيتلها و كالت انو الموت بالاحلام معنها عمره طويل ، و اني ظليت عايشه على هل الأمل ،
اليوم كعدت واني احس اكو واحد كاعد على صدري و يخنكني ، اريد اوخره ماكو فتحت عيوني و اخترعت من المنضر ، دخان اسود بسبب ما اكدر اتحرك
فزيت و اني مخترعه ظليت ابجي احس اكو حركه بكلبي اريد اطلعها ، جاي تخنكني ،
سجاد وينك انتَ هسه تاكل عدل تنام براحه ، غفت عيونك و عيون اهلي اليواك ، يمتى ترجعون مو والله ما ظل صبر عندي
اسبوع و يومين مرن على فراكك وانه احسبهن ثانيه ثانيه ، احسب يمتى ترجعلي و عيني على الباب بلكت يرد الغايب العزيز منه !
ْ
ْ
____________________________________
الصراحة مالي خلك اكتب و اني عندي امتحانات اخير السنة و شهريات و جاي اقره و ما الحك و من رمضان و ما اريد اطول عليكم ، فـأعذروني على التقصير !ْ
…
يتبع
.
.
فولو ، تصويت ، كومنت 🔥💞
.
.
عـشگك عـٌذابـَي ❤️🔥.
للڪاتبـه : - زههـراء .
.
.
عدد الُڪلمات 752 💞🌻"
ادري قليلات 🙂؟
YOU ARE READING
عـشقك عـٌذابـَي ❤️🔥.
ChickLit- النساء فوگ كلشي حتى فوگ مجتمعكم السافل الذكوري ! - ههه ، اولكم و تاليكم عبدات عدنه حضرت الدكتوره ما جنت واعيه على الي سويته بس الاعرفه انو هو استفزني حيل ، لويت ايده و ضربت وجهه بالحايط خليته يهطل دم .! - بعمركم ما راح تكتمون صوت المرءه و لا تگدر...