Nais kong malaman mo na iniibig kita
Hindi mo ba napapansin ang aking pagsinta
Hindi ko maamin ang aking nadarama
Sa aking takot na ikaw ay mawala
Ako ay umaaasa sa iyong pagmamahal
Ikaw ay hihintayin gaano man katagal
Nanlambot puso ko na singtigas ng bakal
Sa mga ngiti mong singtamis ng asukal
Nais na kalimutan
ang aking nararamdaman
Ikaw lang ay masilayan
Damdamin ko ay gumagaan
Sa titig mo ako ay natutunaw
Presensiya mo ang bumubuo sa aking araw
Sa kalokohan mo ako ay nababaliw
Kakulitan mo sa akin ay nagpapaaliw
Iniiwasan ko na dahil sa iyo ay masaktan
Iniiwasan ka dahil hindi ko nais masaktan
Iniiwasan ka sa tuwing ako ay nasasaktan
Iniiwasan ka dahil ako na ay nasasaktan
Gagawin kahit ano para lamang sayo
Sapat na ang makita ka mula sa malayo
Puso ko ay ninakaw mo
Damdamin ko ay nasaktan mo
Ibinigay ko ang lahat
Sa tingin ko iyon na ay sapat
Naging parte ka sa buhay ko kaya ako ay nagpapasalamat
Sana balang araw mahanap ko ang sa akin ay karapatdapat
Nais ko na malaman mo
Na pag-ibig ko ay totoo
Ito ay tandaan mo
O minamahal ko
edc: 01/10/22
YOU ARE READING
Book of Poetry
詩歌This book contains random poems that I created about love, sadness, happiness, dreams, nationalism, church, God and the likes. Feel free to read at your most comfortable time... These are written in English, Filipino and Cebuano languages, dialects...