Unicode
တည်တံ့သော် ကျောင်းရောက်တော့ ကျောင်းအပေါက်ဝတွင်စောင့်နေသော လရောင်ဝန်းက လက်ပြပြီး အနားသို့အပြေးလာသည်။ ပုခုံးကိုဖက်လိုက်သော လက်ကြောင့် မျက်ခုံးတွန့်လိုက်မိကာ ကျောကော့၍ဖယ်လိုက်တော့ အခွက်ပြောင်ကောင်ကထပ်လာဖက်ပြန်သည်။
တည်တံ့သော် ထပ်မဖယ်တော့။
ဒီဦးနှောက်လွတ်ကောင်ကိုအဖက်လုပ်ရမှာ မောတယ်လေ!"မင်းသူငယ်ချင်းတွေဆီသွားလေကွာ"
"မင်းလည်း ငါ့သူငယ်ချင်းလေ"
အခန်းထဲရောက်လို့ ထိုင်ချတဲ့အထိ ပုခုံးပေါ်ကလက်ကမဖယ်သွားတာကြောင့် တည်တံ့ မေးဆတ်ပြလိုက်၏။
ထိုကောင်ကလည်း အနိုင်မခံအရှုံးမပေး မေးဆတ်ပြကာ ပုခုံးတင်ထားရုံလေးကနေ သိုင်းဖက်ချလာသည်။"ဖယ်စမ်း ပေါကြောင်ကြောင်တွေလုပ်တာရပ်"
အတင်းတွန်းထိုးကာရုန်းကန်အပြီး လရောင်ဝန်းကရယ်ကျဲကျဲဖြင့် အနည်းငယ်ခွာသွား၏။
တည်တံ့သော်ကစာရှင်းပြတာကို ကြည့်နေတယ်ထင်ရပေမယ့် တကယ်က ငုတ်တုပ်အိပ်နေတာ။
လရောင် တည်တံ့ကိုစကားပြောချင်နေပေမယ့် စာလိုက်မှတ်နေသည်အထင်နှင့် အနှောင့်အယှက်မပေးတော့ဘဲ ကျောင်းဆင်းချိန်ကိုစောင့်နေလိုက်သည်။သို့သော်ငြား အတန်းဆင်းလို့လူတွေအလျှိုလျှိုထွက်သွားကြသည်အထိ တည်တံ့သော်ကထိုင်ရက်ကလေး။
လရောင် ပုခုံးကို ဖွဖွတိုက်လိုက်တော့ တစ်ဖက်သို့ယိုင်လဲသွားမလိုဖြစ်ရာ အလျင်အမြန်ထိန်းထားလိုက်ရပြန်သည်။
ချစ်စရာလေး....
"ထတော့ အတန်းဆင်းနေပြီ သေလို့ကောင်းတုန်း"
အိပ်မှုံစုံဖွားဖြင့် မျက်လုံးနှစ်ဖက်ကိုပွတ်သပ်နေပုံက အိပ်ရေးမဝသည့် ကြောင်ပေါက်ကလေးနှယ်။
တည်တံ့သော်က ချစ်စရာကောင်းလွန်းတာထက်ပိုသည်။
"ထတော့ ငါမနက်စာမစားခဲ့ရဘူး ဗိုက်ဆာနေပြီ"
"မင်းဘာသာသွား ငါအိပ်ဦးမှာ"
စားပွဲပေါ် အိတ်ကိုတင်လိုက်ကာ ထိုအိတ်ပေါ်မှောက်အိပ်လိုက်သော တည်တံ့သော်။
ခေါင်းက အိတ်နှင့်မထိခင်မှာပဲ ပြန်မတ်သွားသည်။
YOU ARE READING
Transmigrated Into Fragile,Cottony Body အလှလေးကိုယ်ထဲသို့ကူးပြောင်းခြင်း
Fantasy❌Not Translation!❌ တည်တံ့သော်တစ်ယောက် ဘယ်တုန်းကမှ မတော်တဆဖြစ်ပြီးသေရမယ်လို့မတွေးမိခဲ့ဖူးဘူး အစစအရာရာသတိထားနေထိုင်တတ်တဲ့သူ ယုတ်စွအဆုံး အိမ်ထဲကနေ ခြံရှေ့တံခါးအထိ ခြေဘယ်နှလှမ်းရှ်ိလဲဆိုတာတွက်ချက်တဲ့သူလိုလူအတွက်ပေါ့! သေတာတောင် မုန့်နင်ပြီးသေရတယ်လို့! ...