Unicode
ဆေးရုံရဲ့ အထူးလူနာဆောင်...
ကုတင်ပေါ်တွင် အောက်စီဂျင်ပိုက်များဖြင့်ရှုပ်ယှက်ခက်နေသော ဖြူဖျော့ဖျော့ပုံရပ်တစ်ခု..
ထိုပုံရိပ်၏ဘေးတွင်တော့ သက်လတ်ပိုင်းအရွယ် မိန်းမကြီးတစ်ယောက်ရယ် ..အိမ်အကူလို့ထင်ရသည့် အဒေါ်ကြီးတစ်ယောက်ရယ်..
နောက်ပြီး သက်လတ်ပိုင်းအရွယ်လူကြီးတစ်ယောက်...
ကုတင်ပေါ်က ပုံရိပ်လေးက လက်ကလေးတွေ ဆုပ်ချည်ဆန့်ချည်ဖြစ်လာသည်ကိုသတိထားမိသွားကြရာ အဒေါ်ကြီးက ဆရာဝန်ကိုခေါ်ရန် အပြေးထွက်သွားသည်။
ထိုအဒေါ်ကြီးသည်လည်း ထိတ်လန့်အံ့အားသင့်မှုကြောင့် အခန်းထဲရှိဆက်သွယ်ရေးကိရိယာကိုမေ့သွားပုံရ၏။
ဝတ်ကောင်းစားလှဝတ်ထားသည့်အမျိုးသမီးကမူ ဆက်သွယ်ရေးကိရိယာကိုနှိပ်မိသည့်လက်တို့က အလွဲလွဲအချော်ချော်..
အမျိုးသားက အမျိုးသမီးရဲ့ပုခုံးကိုဖက်လိုက်ကာ သူကပဲ ခလုတ်နှိပ်ပေးလိုက်တော့သည်။
မျက်စိတစ်မှိတ်မျှအချိန်အတွင်းမှာပဲ ဆရာဝန်နှင့် နာ့စ်များရောက်လာကြကာ စမ်းသပ်စရာရှ်ိတာကိုစမ်းသပ်ကြတော့သည်။
ညနေခင်းလောက်တွင် သတိပြန်လည်လာနိုင်သည်ဟူသော ပြောကြားချက်အဆုံး အမျိုးသမီးကြီးကမျက်ရည်တွေကျလာကာ ကောင်ငယ်လေးရဲ့လက်ကိုဆုပ်ကိုင်ထား၏။
အမျိုးသားကတော့ ယောကျာ်းသားပေမို့ မျည်ရည်ဝဲရုံသာ။
အိမ်အကူအဒေါ်ကြီးသည်လည်း ထောင့်နားတွင်ကပ်လျက် ရှိုက်သံမထွက်ငိုကြွေးနေလေသည်။
"တောက်! အဲ့ခွေးကောင်က ဘာစောက်ချိုးချိုးတာလဲ!....."
လွှမ်းဝဿာန် နားထဲတွင် သူ့အဖေရဲ့အသံကို ဝေဝါးစွာကြားလိုက်ရသည်။
တစ်နှစ်နီးပါးပိတ်ထားခဲ့ရသော မျက်လုံးတို့က ဖွင့်နိုင်ဖို့ခက်ခဲနေ၏။
အတော်ကြာအားယူလိုက်မှ ဖွင့်၍ရသွားပြန်တော့လည်း အလင်းရောင်စူးစူးကြောင့် မျက်လုံးတို့ကပြန်လည်ပိတ်ကျသွားပြန်သည်။
သူ့အပြုအမူကို ဘေးနားတွင်ထိုင်နေသော အမေကတွေ့သွားလျက် လွှမ်းဝဿာန်ကို အဆောတလျှင်ခေါ်လာသည်။
YOU ARE READING
Transmigrated Into Fragile,Cottony Body အလှလေးကိုယ်ထဲသို့ကူးပြောင်းခြင်း
פנטזיה❌Not Translation!❌ တည်တံ့သော်တစ်ယောက် ဘယ်တုန်းကမှ မတော်တဆဖြစ်ပြီးသေရမယ်လို့မတွေးမိခဲ့ဖူးဘူး အစစအရာရာသတိထားနေထိုင်တတ်တဲ့သူ ယုတ်စွအဆုံး အိမ်ထဲကနေ ခြံရှေ့တံခါးအထိ ခြေဘယ်နှလှမ်းရှ်ိလဲဆိုတာတွက်ချက်တဲ့သူလိုလူအတွက်ပေါ့! သေတာတောင် မုန့်နင်ပြီးသေရတယ်လို့! ...
