اتبعني

بارت ثاني

مرحبا ورودي شلونكم ان شاء الله مساءكم او صباحكم خير وسعاده .

لا عمه والله ماكو داعي هسه انام شويه واصير زينه
يمه حبيبتي اذا تردين شي بس صيحي ماشي
ماشي عمه
نمت وماكعدت اله المغرب وجانت الغرفه ظلمه وهدوء عركانه وعطشانه بنفس الوقت وعندي خمول وبهذه الوقت كله لو طالعه لو تصلي وعمتي وامي يسون العشه والبنات كاعدات بالصاله
كمت للحمام غسلت وجهي وبدلت تراكي لان عباره عن مي من العرك وخاف اتمرض وخدودي حمر بالكوه امشي مبيه حيل اريد انزل واكول لمامه تنطيني دوه
فتحت الباب وعيوني مغوشه كوه امشي
مروان جنت كاعد بغرفتي وسمعت طكت باب من الغرف البصفي كلت هذه حمزه اكيد رجع خل اسأله على كم شغله طلعت وجان اشوف يقين كوه تمشي وعلى شويه توكع
يقين شبيج ورحت سندته
مروان بس كول لمامه تجيني مدري شبيه
ولج حرارتج عاليه وعيونج حمر
اخذني رجعني للغرفه واني مسنوده على ايده كعدني على الجربايه وكلي
يقين انمطلي هسه اصيح عمتي وعمي مو تكومين لا توكعين
ماشي

مروان عمه عمه
ها يمه شبيك
عمه يقين مادري شبيه اشو حرارته مرتفعه وعيونه حمر ودايخه تعاي شوفيه
يقين شويه وجان اطب امي وعمتي وبابه
يمه يقين شبيج شو تعاي يايمه حرارتج عاليه بالعيمج يوجعنج
يي مامه شويه ياذني من احجي
مروان راح اروح اجيبله علاج واجي من الصيدليه
يي يمه فدوه رحتلك جيبله
يقين عمتي خطيه جابتلي شوربه حاره وريحته تجنن اكلت منه ومسويتلي عصير برتقال هم شربته شويه واجه مروان جايب العلاج
هاج يقين هذني كلهن تشربيهن هسه وهذه كل ٦ ساعات اذا تحتاجيه بس
شكرا مروان تعبتك وانته جاي من الشغل تعبان
لا يبنت عمي مابينه هيج اسوالف تدللين انتي
يله شربيهن كدامي لان ما اامن انو تشربيهن فد شوي ومحد يمج هسه يله
ياا ههههه ليش متأمن
هسه من تشربين الدوه تعرفين

شربت شويه وطلع مر وبطلت ماريد اشربهن اشو هذه مر
مروان جا احنه شكلنه كلتلج ما اامن فيله هسه تشربيهن غصب
ماريد والله مر ومو طيب جان ابو الفروله يخبل وينه
ههههه ايا زعطوطه دشربي لا اشربج يا
ماريد
بكيفج عود كلت باجر اطلعج وافرج شويه ونروح نتعشه بس بعد مريضه شلون طلعين
هاا يعني طلعني اذا اشرب
يي والله اطلعج
تمام شربتهن وره كل دوه شربت مي ههههه كملتهن
عفيه بالشاطره يله تردين شي مني
لا سلامتك ومو تنسه وعدك 😒
لا ما انسه ههههه يله تصبحين على خير
وانته من اهلو

شويه واجن يمي البنات وكعدنه نسولف وصرت احسن صارت ب ١ بعد كل وحده راحت لغرفته ونمنه
مروان رجعت لغرفتي وتذكرت عندي باجر طلعه ويه حبيبتي واني وعدت يقين شلون شغله
خل اعرفكم عليه اني مروان طبيت ال ٣١ صح جبير بس شكلي شباب نقيب جسمي مرتب معضل بس مو اوفر طويل اسمراني عندي لحيه وشوارب بس اللحيه بحكم الشغل احيانا ازينه
احب الهدوء وعصبي على المايفهم ويستغبي والي يخالف كلمتي احب عائلتي عندي ثنين اصدقاء امين ومحمد مزوجين ثنينهم
يله خليه على الله عود اكول ليقين صار عندي شغل وماكدر وعلى غير مره اعزمه
يقين فزيت بال ٦ الصبح واكيد بس عمتي وجدو وبيبي كاعدين غسلت وجهي وملبست شالي لان محد يكعد هسه
صباح الخير يحلوين
هلا بهل صباح هلا بنت الغالي ولج شونج حبوبه يكولون مريضه
زينه بيبي صرت احسن
تعاي جدو تعاي تريكي
يي جدو بس خل اشوف عمه كملت خبز حته ناكل الخبز حار طلعت لعمتي
صباحو عمه
هلا يمه شلون صرتي هسه
زينه احسن اكلج عمه انطيني خبزتين حارات خل نتريك بيهن

هسه يمه اني اصلا كملت راح اجيب الخبز واجي روحي طبي
ماشي عمه
ولج حبوبه شهل جمال
ههههه جمال عيونج بيبي طالعه عليج صاكه
اكلج يمه يقين روحي كعدي حمزه البارحه كال عنده شغله الصبح كعدوني من وكت
ماشي عمه رايحه صعدت للغرفه ودكيت الباب مرتين فتحه
ها يقين صباح الخير
صباح النور عمه كلتلي اكعدك
تمام شكرا وشلون صرتي
الحمدلله زينه يله انزل بسرعه حته نتريك وشلون خبز حار يخبل
ههههه ماشي ابدل واجي
بيبي وجدو كملوا ريوك جدو راح طلع وبيبي راحت للصاله وعمه تفتر واني احمي بالجاي
ها يقون يله بسرعه مستعجل صبيلي جاي خل اكل واروح
يي تمام هسه شبيك دومك مستعجل
ولج شغله موصيني عليه ولد اسويه اله
اها الله يساعدك لعد
هاك وهاي خبزه يله اكل لتتاخر
يي ولج صايره مره تخدمين وتكعدينه ومن الصبح كاعده وصايره محبوبه الكل
ههههه عدلت نظامي وحابه هذه الشي واني محبوبه من الله مو بيدي 😌😂
امشي لج اني ما احبج
ومنو كلك حبني نقيب حمزه

يي ست يقين شلونه الدراسه وشنو مشكله الخط شبيه ذاك اليوم سمعت اخوج هوه وياه يتعاركون
زينه ماشيه وياي هذه ابو الخط يتأخر عليه الصبح بحيث نص الدرس الاول طاير والظهر يجيني وره ساعه من الحله ويايه بنات مو بس اني وكلنه بطلنه وهسه كاعد ندور واحد زين
اذا تردين اني اوديج واجيبج بايام الموجود وايام المموجود واحد من الولد يجيبج ويوديج
مادري خاف اتعبك
لا يابه يا تعب تدللين على هذه الجاي والريوك تستاهلين
ههههه يوميه اسويلك اذا بيه بعدين جوائز 😂
المهم اني رايح وباجر ان شاء الله اني موجود ويوم الاثنين هم موجود
تمام الله وياك كمت غسلت المواعين مال ريوك ومامه ونسوان عمامي كعدن وبلشوا شغل البيت واني وياهم لان معندي شي تقريبا ساعتين والبيت صار يلمع صارت بال ١٠ صعدت كعدت البنات لان باجر دوام وهم يله يدرسن واني نزلت يم عمتي لان كاعد اتعلم منه طبخ ل ١٢ رحت صعدت طبيت للحمام سبحت وتوضيت شويه واذن وبديت اصلي بس كملت نشفت شعري وخليت مرطبات للبشره ونزلت لكيتهم ديصبون غده وحمزه ومروان والولد كلهم موجودين
الولد شرفت الاميره
طبعا اميره 😌😂
كعدنه نتغده ونسولف سوه ونضحك كملنه ساعدتهم بالماعين وخليت الجاي على النار وصبيته و وديته الهم اخذه اخويه مني ربي يحفظه واني صعدت حته اقره شويه وندك باب الغرفه تفضل
مروان يقين اكلج
كول شبيك
اليوم ماكدر اطلعج صارتلي شغله اعذريني بس وعد عالجايات
لا عادي ولايهمك ماكو مشكله

تمام ودرسي زين نريدج دكتوره
هههه تمام
كذلك تعشينه وكل واحد صعد بغرفته اني بقالي بس كم شغله واكمل كملت تقريبا ب ١١ كمت حظرت جنطتي واغراضي ونزلت تقريبا ب١٢ البيت هدوء كل واحد بغرفته بس الصاله الفوك مالتنه هوسه لان البنات كاعدات جاني واهس اسوي كيكه واخذه باجر للبنات وياي فبديت اسوي بيه سويت تقريبا ٣ وحده اخذه وياي وثنين للبيت لان يحبون الكيك فخليتهن تلاثتهن بالفرن وظليت كاعد على الميز مال طعام لحد ميخلصن صارت ب١ صعدت اشوف البنات اذا ناموا ولكيت كله نايمه المهم نزلت وذبيت شالي وفتحت ضفيرتي وخليت سماعه وتجيت راسي على الحايط وغمضت اعيوني وكمت اسمع شويه واحس شي يهز بجتفي فتحت عيني وشلت السماعه طلع مروان ويباوع عليه بنظره معرفت افسره بوكته وتذكرت الكيك ركضت للفرن وشفتهن همزين بعدهن
مروان شسوين كاعده

نهايه بارت ثاني اتمنه تستمتعون 🌹
1058 كلمه
لاتنسون التصويت 😊