اتبعني

بارت سادس

مرحبا ورودي شلونكم ان شاء الله مساءكم او صباحكم خير وسعاده.

انته السويت هيج وخليتنه نوصل لهنا مروان راح تزوج انته بعد فتره شوف حياتك وعوفني لاتسوي مشاكل خليني براحتي عوفني حباب
وخرت ايده من ركبتي وعفته واخذت فوني وطلعت رحت لتترك وبجيت يربي شوكت يعوفني هدأت نفسي ومسحت دموعي ورجعت للغرفه ملكيته عدلت نفسي ونزلت لكيت الحبايب يلكن لك ههههه
طالعين ٣ سيارات لان احنه خير من الله بنات سياره  حمزه ومروان فجأه راد يروح وابن عمي هيثم اني حمزه كلي ركبي وياي رحت كعدت بالصدر وتوزعن البنات على كل سياره ربطت فوني وشغلت اغاني وصعد حمزه
ها ولج استلمتي الاغاني
يي طبعا شنو الجديد دائما اني اختار باوعلي بنظره حلوه صفن عليه دقايق ومروان دكله هورن
عندي الطريق ويه الناس الصح احله من ميت طلعه لان اجواء السياره حلوه معليه الاغاني واني والبنات منفعلين ونغني وحمزه بس يخوزر ههههه ميقبل صح هوه حباب بس عصبي ومايحب المعاند يكلج سوي هيج تسوين لان راح تسوي غصب يجي ويه الانسان اول شي بالطيب وبعدين يكلب ههههه
حمزه يقين نصي واركدي
يقين حمزه طبعا ميعجبك هيج جو تحب الهدوء بس لتخاف اخليك تتعود وغمزتله ههههه
حمزه تصرفاتج هاي الي احبه متخليج تنكتلين
ههههه ليش ناوي مره تكتلني
بس كليلي اله هذه القميص تلبسين تره قصير
ها حمزه بدينه لتخليني اضوج
باوع عليه ودار وجهه المهم وصلنه لمنتزه عائلي كلش حلو فرشنه فرشات بالكاع وحمزه هوه ومروان راحوا يجيبون اكل ويجون اكو مطعم قريب على المنتزه وبقه يمنه هيثم

ظلينه نسولف ونضحك ونذكر بعض الاشياء شوي واجوا حمزه ومروان محملين اكل
رتبنه الكعده وكلشي وكعدنه ناكل كعد بصفي حمزه ومروان عينه منشالت عنه وبس يخوزر خبلني كمنه نسولف شنو يصير ويانه اوقات ونذكر اشياء بس حمزه ساكت باوعت عليه ها حمزاوي
ساكت ليش
يقين تكومين نتمشه ونسولف
يي عادي يله كوم ستأذنه منهم وكمنه نتمشه مرت شي العشر دقايق وهوه ساكت
حمزه شبيك متحجي لزم ايدي وباوع بعيوني بس الله يوفقه طويل واني كصيره ركبتي نكسرت
كعدنه على مصطبه وبعده لازم ايدي
اكلك شنو شبيه ايدي متعوفه
هههههه بيه العافيه خليني لازمه مرتاح
يي سولف شبيك خليت ايدي على وجهه حته ادير وجهه عليه بس لزم ايدي الثانيه هم مشت رعشه بجسمي من دفو ايده وتلبكت واني الي مكدرت اخلي عيني بعينه
يقين تدرين انتي اكثر شخص بالبيت ارتاح لوجوده اكثر شخص يعرفني شنو اني زعلج يضوجني وميهون عليه ضحكتج تونسني وتخليني اتيه
يقين معرفت شكول كلامه خجلني ونبرت صوته تغيرت من الصوت الخشن لصوت تنتهي بي من دفوه وحنيته
متباوعين عليه شو صرتي حمره 😉
ها وليش تغمز دير وجهك وعوف ايدي بعد حته ريوك وكيكه ماسويلك
عود ليش بله هههه
هيج خبله عقلي كل شوي يفصل على رأي جديد
جا لو هيج المخبلات لو بلاهن
باوعتله وطكه ضحكه خله الناس تباوع علينه
هههههه لك حمزه كافي شوف الناس شون تباوع هسه شيكولون علينه بعدني ممخلصه واجه مروان يبو هذه شون بي
مروان ها ضحكونه وياكم جان طلعتوا وحدكم اذا تحبون تكعدون سوه
حمزه جايين يله يقونه كومي وغمزلي
مشيت بصف حمزه وما اكللكم شون مروان طكن فيوزاته كل شوي زامخ بواحد بس مهتميت خليه
تونست اني والبنات وحمزه وهيثم لعبنه وسولفنه وكرزنه حب وحشينه بالعالم اني والبنات بس لحد يكول 🙂هههههه
صارت ب١١ ونص ورجعنه للبيت بس خلصت طاقتنه اله حمزه مشغل اغاني رومانسيه ويسوق ومبتسم

ها عيني 😉
ها ليش تغمزين شكو
اشو اغاني رومانسيه وتبتسم ورايح بعالم هاي منو مدوختك ومسويتك عشتو رومانسي
هههههه شلج دخل اهديج غنيه سمعي كلماته زين
طلع غنيه اسمه اضعف كدامك لهيثم يوسف وبده يغني وياه ويباوع عليه
اضعف كدامك بس انته
واتمالك نفسي بهل سكته
اضعف كدامك بس انته
واتمالك نفسي بهل سكته
نظراتك تحرجني وانسه
وين توديني ليا مرسه
وظل يغني وياه ويباوع عليه كلماته حلوه وصوت الي يغنيه تجنن
وصلنه للبيت نزلنه اول مطبينه البيت هدوء اكيد نايمين لان ب١٢ يله وصلنه ردت اصعد وصاح حمزه
يقين
ها حمزاوي
تكدرين تسويلي عشه
يي تدلل شفتك ما اكلت بس اسبح واجي على ما انته هم تبدل
صدك كبل صعدت ودخلت للحمام كملت ولبست تراك سود بس مو طويل لون اسود وبيه ذهبي مشطت شعري وشسورته رفعته وخليت مرطب وعطر ونزلت شفته كاعد بالمطبخ
ها تاخرت عليك
هلا لا متأخرتي
تمام شنو تحب اسويلك
بكيفج اي شي
طلعت كبه من الفريز وطماطه كليت كبه وسويت طماطه لاجعه ريحته تجنن وسويتله بماعون خيار وفلفل وخليتهن كدامه وخدرت جاي على عين ناصيه
محتاج بعد شي
لا مشكوره تعبتج وياي وعاشت ايدج
تدلل ردت اروح وصاحني
وين رايحه تعاي نسولف
تمام
ليش نازله هيج مو عادتج
يعني شلون مفهمت
اقصد تراك قصير وشعرج طالع

عادي ليل وماكو احد هسه كله نايمه
ظل ساكت باوعت عليه وانتبهت لتفاصيل وجهه الحاده شواربه عيونه وسمار بشرته ايده الخشنه فززني من صفنتي وتركيزي عليه لمست ايده على خدي جانت خشنه لنعومه وجهي
باوعت بعيونه هاي شبيج يقين اصحي ما كدرت اقاوم وظليت اباوع بعينه ذبلانه وحمره باهته اسمع صوت سحبت النفس مالته شون تجر الروح جر
شنو شبيج صافنه مضيعه شي بوجهي حجاه وعينه بعيني كانما عينه التحجي مو هوه
لمست ايده وسحبته من خدي كمت من مكاني لان ماعرف شبيه وشديصير عفته ورحت صعدت تمددت على فراشي واول ماغمضت عيني اجه بالي حمزه وعيونه احس داخلي بتسم بس فجأه تذكرت مروان والسواه والتفكير اكلني اكل
مرور اسبوع ....
صادف يوم خميس حليت واني ميته تعب احس على شويه يغمه عليه من الحر والتعب كبل دخلت للحمام وسبحت لبست دشداشه ونمت كعدت العصر ب٥ على دكه الباب مابيه افتح عيوني يحركني ظليت على نومتي تفضل ورجعت نمت بس حسيت شي لمس شعري فتحت عيني بتعب شفت حمزه لابس الزي
حمزه ديربالج على نفسج ام السان مو اجي الكاج مريضه ونامي زين عيونج حمر ويوميه ادك عليج خوش يله اني رايح محتاجه شي
وين رايح
انزل اليوم للواجب
صدك وشوكت ترجع
٢١ يوم
حمزه هواي شنو اكو شي
لا ماكو راح اتاخر
باسني من راسي لا ارادي حضنته
حمزه مو تتأخر حباب وكل يوم دك عليه مثل مكلت تمام
حاوط خصري بايده وخله راسه بركبتي شعور دمرني بوكته
اوف يريحتج تردين تخبليني قبل لا اروح
ابتعدت عنه وبعده محاوط خصري وعيونه ذبلانه كاعد احاول اوخر ايده بس جرني عليه وكال .....

نهايه بارت سادس اتمنه تستمتعون🌹
كلمه 1000
لاتنسون التصويت😊

حبايب اوقات التنزيل ماعندي صراحه وقت ثابت حسب وقت فراغي والكتابه يرادله اندماج وكعده وحده فاعذروني على التأخير بس كاعد انزللكم
تفاعلوا ويه القصه وكتبو ارأكم وشنو اكثر شي حبيتو بالقصه ولو جنتو عايشين نفسه راح تحبون منو ؟
اتمنه تصوتون لان تفاعل قليل