اتبعني

بارت تاسع

مرحبا ورودي شلونكم ان شاء الله مساءكم او صباحكم خير وسعاده.
كل عام وانتوا بالف خير ينعاد عليكم بالصحه والعافيه يارب 🤍
اعذروني هلفتره منزلت بارت جنت مشغوله بس ان شاء الله اعوضكم ❤️‍🔥

بس ادير وجهك مو تباوع خزرني ميعرف بس يخزر ويعصب ويعيط وين راح حمزه الي يضحك مادري
رفعت البدي وباوع على المكان وعينه مفتوحه كلش باوعت خاف اكو شي جان اشوف المكان مزورك من الضربه خله من الدهن على صفحتي وخله ايده جسمي قشعر وهوه حس بهل شي بده يدهن ويسوي مساج علكيف خمس دقايق و وخرت ايده
كافي صرت زينه نزلت البدي وردت اروح لغرفتي هوه دخل للحمام يغسل ايده لان هذه الدهن يحرك العين ومو زين يبقه على اليد بسرعه رحت لغرفتي ونمت
يوم الجمعه كعدت الصبح ب ٨ تقريبا على هوسه بالغرفه فتحت عيني واشوف البنات كاعدات ومفتوح الباب واكو بنات ما اعرفهم داخلات طالعات استغربت وستحيت اكوم نتظرت لل٩ يله طلعوا من الغرفه كبل كمت دخلت للحمام غسلت ولبست شالي واخذت تلفوني ونزلت والكه البيت مكلوب كلاب هاي تروح منا وهاي تجي منا
ساره ساره
ها يقين توج كعدتي صباح الخير عمي شعجب مو اولنه ههههه
تعبانه وخذتني النومه اكلج منو ذوله ومنو ذن البنات الجانوا بغرفتي
باعي ذن النسوان الكبار يصيرن بنات اخت بيبي اول مره يجني والبنات الشابات بناتهم وجايين ولدهم وياهم ولج غير يخبلون واحدهم يكول لثاني اني احله منك
ههههه دوري بلكت تزوجين ونخلص
اكلج يله خل نتساعد ونكمل شغل البيت لان ام الصالون ب١٢ تجي للبيت تجهزنه كلنه احنه البنات عمتي حجت وياه البارحه كلتله اجيكم وياه ثنين بنات حته يلحكن يخلصنه
اني ماريد لا مكياج ولا شعر اني اسوي واذا احتاج شي اكللهن
كيفج حب
سلمت على كل الحظور وهاي التسأل يا صف وهاي شكد عمرج وهاي انتي بتمن تعرفون لو اكمل ههههه
لل ١٢ تقريبا كلشي خلص البيت نضف صار يلمع وايدنه هلكت خشبت من وره الجلف والطبخ بره بالطرمه احنه معلينه بي جايبين طباخ نعرفه دائما بالعزايم والمناسبات هوه يحضر كلشي
صعدت للغرفه  اكو كم بنيه رادو يسبحون قبلي فظليت انتظر وراهن اختي طبت تقريب ال ٢ يله الحمامات فرغت من كثر البنات هاي غير ما كل شوي وحده صايحتني ياخذن اراء وامي تريد اكوي قمصان اخواني لان البارحه ملحكت وخواتي كاعد يتمكيجن عيني كعدت كويتهن كلهن وشافوني الولد صار ياهو العنده كوي جابلي دشداشته لو قميصه واني لا سابحه ولا مسويه شي وبال ٤ لازم احنه بيت العروس ومامنتبه للساعه لحد ما اجت عمتي وشهكت حسستني مات واحد وخترعت 🙂

ياا ياا ولج يقين
ها عمه خير شكو خوفتيني
بعدج ممبدله الساعه ب٣ ونص
هااا شنو صدك عمه
دكومي كومي بدلي حته لو واحد من الولد يجيبج ورانه راح نروح فد شوي
ماشي عمه هذه اخر قميص هسه راح اكوم كملت كوي ورحت لغرفتي عباره عن هوسه اموت من الهوسه اتخبل كمت ارتب بيه والساعه تركض عمتي كالت راح نروح وامي اجتي كالت سوده عليه فتحتلج باب
لا يمه عادي ولا يهمج ساعه واجي وراكم عادي راحوا كلهم كبل دخلت للحمام وسبحت وقشرت جسمي ربع ساعه وطلعت لبست دشداشه قصيره على ما انشف شعري واسوي سرحته اخذ مني نص ساعه نكسرت ايدي هوه سرح بس يرادله امر عليه كملت شعري ورحت طلعت الفساتين عجبني واحد لونه احمر على ماروني لونه كلش حلوه قصير فوك الركبه ومن الصدر مفتوح ومن الظهر هم وصاير ضب من فوك لبسته يجنن وياه كعب اسود وحجل خليت حمره طوخ ومسكاره ومورد وشويه ظلال خفيف اسود لبست محبس بس ورفعت شعري عالي وخليت عطر اخذت صور بتلفوني وعزلت الهوسه مالتي صارت ب٥ كاعد اخلي اغراضي بالجنطه ونفتح الباب بقوه واحد لزمني من خصري عبالي حمزه بس من سمعت كلمه
تخبلين
تغيرت معاني وجهي درت وجهي
مروان شسوي هنا وخر عني
يقين بس خليني شويه اشم عطرج
مروان شبيك مخبل مرتك منتظرتك وانته كاعد تخونه شنو متستحي
لتجيبين طاريه بس اسكتي
مروه تحبك ليش تسوي هيج وانته هم تحبه هذه وهم الي اسوي هسه هيه كاعد تنتظرك على نار وخايفه وانته كاعد تسوي شي راح تندم عليه
يقين تايه وضايع دمرت روحي بروحي
منك السبب كلتلك انسه كلتلك عيش حياتك وعوفني كل واحد بطريقه حجيت كلام ملازم تحجي ذاك اليوم بالمطبخ كدام الناس تتلمس بايدي عيونك وين ما اروح وراي هذه وهم انته هسه مزوج
انسه كلشي حباب وعوفني راح ادمرني وادمر نفسك
خوش بس خل اكلج شغله مجان قصدي صدكيني وكلشي اسوي جان تأثير مشاعر تروح وتجي بس ماعرف احس تسرعت بزواجي
لا مروان متسرعت بالعكس مروه منتظرتك صار هواي وكل شخص يخطأ اني مسامحتك بس عوفني وارحم نفسك ولتخلي الجانب السيء البيك ياثر عليك ويخرب احله شي بحياتك وهوه مروه
باوعلي ببتسامه وياه تنهيده مسح على راسي وكال اسف وراح

وراه بخمس دقايق طلعت من الغرفه ورحت للهول على المرايه الجبيره اخذ صوره سريعه حته اتصل بعمه تكلي منو يجيبني
واني كاعد اخذ صور سمعت صوت باب رحت اشوف منو طلع حمزه و ياريتني ما شفته
لابس دشداشه وطالع يخبل ظليت صافنه عليه لحد ما شفته اجه بتجاهي عدلت نظراتي ورحت للمرايه من جديد حته البس البشت والشال
اوف يجمالج مادمرني غيره
اجه وكف ورايه واني وياه صورتنه على المرايه خله ايده على خصري واني تخبلت احس ماكدر اوكف بعد ابدا رخت عظامي غمضت عيني وتقرب اكثر
ماعندج اطول منه
مبيه شي حلو عمه جابته وانته مو مسؤل عني حته تكلي كصير لو طويل
خله راسه قريب على ركبتي وبعد شعري وبده يحجي وانفاسه تظرب بركبتي
اني ابن عمج ومسؤل عنج غصب ان عجبج او لا ماشي يبنت العم
باوعت عليه بالمرايه ورفعت حاجبي بمعنى معاجبني
طلع تلفونه بسرعه من جيب دشداشته وفتحه اخذ صوره الي واله من المرايه
اتقرب من اذني وكال
حته من اخطب واوكف بصف خطيبتي اخذ وياه صوره وادزلج ياهن ثنينهن اني وياه واني وياج
درت وجهي وباوعت عليه باوعت بعيونه الي احبهن وارموشه الي يخبلن وكلت
لتخاف وراه بكم سنه اني مزوجه بس ما ادزلك صور اخليك انته تشوف بعينك احسن
عفته ورحت واني انزل من الدرج ارد ابجي بس بنفس اللحظه عقلي يكلي ميستاهل المن تبجين وتخربين مكياجج
دكيت على عمتي
هلو عمه اكلج منو يجيني
هلا يمه حمزه موجود بالبيت واني كلتله يجيبج
خوش عمه مع السلامه
اوف اوف ماكو غيره يعني نقرضو ولد العم بقه بس حمزه
لبست بشتي وشالي ونزل استاذ حمزه شغل السياره وصعدت لا هوه حجه ولا اني مالي خلك عركه
شغل اغنيه (انته) لهيثم يوسف هوه يحب اغاني دائما يشغلهن كام يغني وياه ويتنهد اني درت وجهي على الجامه لان على شويه وابجي
وصلنه والباب جان هوسه مال بيت العروس وكله زلم
غطي وجهج ولفي نفسج زين وامشي وراي
تمام
نزلت من السياره وكبل دخلت للبيت دكيت على عمه حته تطلع هيه والبنات حته ما ادخل وحدي استحي
طلعتلي وياه البنات نزعت بشتي وشالي ودخلت وسلمت على الكل ونفس الاسئله المتداول عنها بالاعراس العراقيه ههههه
شويه وكاموا البنات يركصن وكومني وياهن وعمتي تقره ايات علينه هيه وامي ونسوان عمامي حته مننحسد
شويه وتعبت كعدت يم عمه وهيه كالت صوجي جبتلج هذه الفستان يمه النسوان مترحم
هههه عمه لتخافين وبالعكس الفستان يجنن
تقريب النص ساعه واجت العروس ومشالله تخبل عين الله تحرسه وخجوله سلمنه عليه وفد محبوبه اخذت علينه ماعدا بنات عمو ابراهيم لان يخوزرن والكرايب الشرانين الي جانوا رايدين مروان لبناتهم
طب مروان يضحك واحنه ميتين ضحك لان ميعرف شيسوي متوتر
كالوا راح نزفهم اني مردت اروح للزفه لان رجلي موتتني وساره ومريم وندى ورياحين كالوا نرجع احنه هم خابرت اخويه اجه اخذنه
بال ٨ اجوا الكل والبيت صار هوسه احنه بدلنه الي اجينه وبدينه نصب بالعشه للمعازيم وجان اتزحلك ورجلي اصلا توجعني وذيج الظربه مال خاصرتي من الدفعه مال حمزه وهسه ظهري حرفيا تكسرت كوموني البنات وامي وعمه وصعدوني للغرفه ...

لهنا وينتهي البارت حبايبي اريد تفاعل ومشاركه القصه حته تاخذ حقه واكتبولي شنو رأيكم بالبارت التاسع 🤍

نهايه بارت تاسع اتمنه تستمتعون🌹
كلمه 1240
لاتنسون التصويت😊