اتبعني

بارت خامس

مرحبا ورودي شلونكم ان شاء الله مساءكم او صباحكم خير وسعاده.

متعرف شدافكر وشديصير بيه بس ابتعد عني وهاهيه تخلص السالفه وانته بطريقك واني بطريقي واذا تكدر تزوج هسه حبيبتك تسوي فضل
مروان كلامه سجاجين بكلبي طلعت هواي مأذيه طلعت من الغرفه وصعدت سيارتي وطلعت
يقين كعدت ابجي على حظي وشسويت بنفسي اكول لامي لو لا فكرت وكلت اكول لعمه بس بعدين تراجعت كلت لا تصير سالفه وشيطلعني منه نمت فزيت الصبح على المنبه اني واختي بنفس الغرفه بس هيه مو دائما تنام يمي اكثر شي يم البنات لان يسولفن اما اني احب الهدوء قبل النوم لكيته نايمه نومه عدله اشو اني ماعرف اذا مو كل شوي راسي بجهه ههههه
نزلت وبس بايام الدوام البيت كله يكعد حته الماعنده دوام
عمه عمه وينج
ها يمه
اكلج عمه شوكت تفرغين حته نروح للسوك عندي نقوصات وامي تدرين متحب تطلع
ادللي حبيبه روحوا لدوامكم ونتغده ونطلع ب ٣ ونص وشوفي منو تروح حته لا تظلن كل شوي انريد نروح للسوك الولد ميقبلون
اوي عمه شلنه دخل بيهم اهم شي ابهاتنه قابلين
لا حبيبه ذوله سندكم يحبوكم ويخافون عليكم
حجيت بداخلي والله يا عمه لو تعرفين السند شنو جان تخبلتي
رحت صعدت كعدت اخواتي والبنات وبدلت ونزلت قبلهن فتحت كتابي اراجع وعمه كاعد تحمي الجاي ونزلوا البنات والولد عشر دقايق ونزلوا بس شفت مروان نسدت نفسي ومردت اكل
حبيبه وين اكلي يمه لدوخين بالمدرسه من البارحه مماكله
عمه مجوعانه ومروان اكلني بنظراته اله شويه اكب بوجهه منتجيه على باب المطبخ ردت اروح للهول ونضربت بحمزه جان توه نازل
حمزه ها ولج ام خدود علكيفج
اسفه جنت لازكه بصدره لزك وحرجني كدامهم من لازمني من خصري ويحجي بضحك
مروان هي هي شبيكم وين واكفين
حمزه شبيك مروان
يقين درت على مروان وبس يخوزر عافني حمزه ورحت اخذت جنطتي ارد اطلع وصاح حمزه
منو يوصلج
اني اروح مشي
شنو مشي ولج تعبين مدرستج بعيده ومو مروان كال يوصلج هلفتره
لا ماكو داعي البارحه كال عنده شغل وميكدر ومارد اتعبه
مروان شعليج بشغلي اني اوصلج
باوعتله وخزرته كلتله ماكو داعي هسه اشوف اخواني
حمزه تعاي تعاي اني اوديج
اوك كمل ونطلع

نتظرته على المرجوحه شوي واجه
طول الطريق محد حجه اني افكر وهوه كل شوي مكالمه شغل
حمزه باوعت على يقين باهته وعده شي ضامته لا تضحك لاتسولف مو عادته
يقين بيج شي هلفتره معاجبني وضعج
ها لا مابيه بس تعبانه بده الدوام وتعب ودراسه
بيه التعب ولابيج
لا حمزه لتحجي هيج انته اخويه وماتمنالك التعب بحياتك ولو يوم تدري شكد اعزك
ادري يقونه وانتي عزيزه كلبي بس صايره حبابه ماكو مشاكل هههه
هههه كبرت بعد وكلت اصير حبابه
لا محلو هيج رجعي القديمه الي نفرح بس نشوف ضحكته
ان شاء الله وصلت المدرسه
ديربالج على نفسج ومن تحلون تلكيني منتظرج هنا تمام
تمام شكرا تعبتك
دمشي ولي نوب تشكر
ضحكت وسلمت عليه ورحت دخلت للمدرسه وطول اليوم ملتهيه بالدراسه وكلت انسه الصار وما اعتبره موجود هوه كم شهر بلكت ويزوج ويشيل منا
اجه حمزه ورجعنه للبيت والبيت هوسه واني مالي خلك صعدت سبحت ولبست تراك تركوازي وبقيت شعري مفتوح حته يضربه الهوه شويه وخليت الشال على راسي ونزلت وبالصالة كله كاعده سلمت عليهم ومباوعت على مروان ابدا رحت للمطبخ ساعدتهم وصبينه واحنه على السفره حجه مروان
مروان جدي اني جايك بموضوع
احجي وليدي شكو
جدي اني ارد اخطب
كله فرحت اني معرفت شفسر نفسي وشعوري رفعت راسي واجت عيني بعينه باوعلي بتساؤل درت وجهي عنه ومهتميت
يي بويه تدلل نخطبلك ليش لا براسك مره لو ندورلك
موجوده المره جدي خوش بنيه
كامت عمتي تهلهل وتهوس والبيت فرحان لان راح يصير عرس صراحه مهتميت بتسمت لان مردتهم يعرفون شي او يشوفوني ساكته بس جنت مثل الي ميعرف وين يودي نظراته خاف واحد يشوفه ويكله شبيك ويطك بوجهه من البجي نتبهت عليه عمتي وضلت تباوعلي
تعرف بيه من اضوج ضلت تسويلي بيده شبيج بس ظليت ساكته كملنه وكمنه لملمنه المواعين واليوم عليه اغسل اني وبنت عمي اني اغسل وهيه ترجع الاشياء لمكانه وترتب بالمطبخ كملنه سويتلي عصير وطلعت بالحديقه على المرجوحه صفنت على الورود شوي واجت عمتي كعدت يمي
ها حبيبه شو كاعده هنا جا مو نروح للسوك شوكت تبدلين
عمه خليه غير يوم تعبانه
شبيج يمه هلفتره  واليوم بالغده شبيج من غير الكل زعلانه وعلى شويه تبجين احد محاجيج كايلج كلمه
باوعت عليه وبجيت وهيه حضنتني
يمه سوده عليه هاي منو مزعلج
محد عمه محد
من تردين تحجيلي اسمعج يمه لاظلين كاتمه بكلبج تره تنقهرين وتتأذين
ماشي عمه راح اروح انام

صعدت وشفت حمزه شاف عيوني حمر
هاي شبيج ليش عيونج حمر باجيه ولج
لا دخل الغسول بعيني واني اغسل وجهي
يثوله انتبهي لتنعمين وتصيرين عوره ومحد ياخذج تبقين على كلبنه
ههههه هسه كاعده على كلبك
يي كاعده على كلبي ومتربعه بي
يي خوش يله كافي لجذب
ولج منو يجذب
ها اني اني اجذب اكبر جذابه والله مو قصدي باوعتله بنظرات برائه وهوه طك من الضحك
ههههه اشاقه وياج تردين اطلعج انتي والبنات اليوم بليل
لا نتعبك وتكول ساعه السوده الطلعتهن واتكوم تسب بنفسك ذاك السب المصاير ههههه
لا معليج اتحمل كليلهن وبل ٨ الكاجن جاهزات مو تشلعن باب كلبي
تمام ههههه
صدك رحت بلغت البنات وكلتلهن يبدلن من وكت  رحت نمت ساعتين وكعدت ب ٦ كمت توضيت وكعدت اقره قران لحد ما اذن وصليت نزلت كلت لامي راح نطلع ويه حمزه وقبلت وكلت لبابه كال كلي حمزه ونطاني فلوس الي ولخواتي خاف نريد شي ونستحي نكول حمزه مع انو هوه ميقبل
صعدت ب٧ اجهز بنفسي ختاريت بنطرون وقميص وردي وترانشوز ابيض وشال ابيض خليت مسكاره وحمره قليل متبين بس برزت شفايفي بيهن وانطيتهن لمعه ولون بسيط ندك الباب وعبالي وحده من البنات كلت تفضل بدون ما اسأل منو دخل مروان
درت وجهي وشفته باوعت عليه وسد والباب الما يستحي
نعم شعدك رايد شي
مروان وين طالعه ليش مبدله وليش هلحمره هاي
انته شعليك منو انته ليش تدخل
لاتخليني اهفج براجدي هسه اخليج تحجين عدل وين طالعه
ويه حمزه والبنات
وليش
شنو ليش نريد نتونس ليش ميصير اله ناخذ رأي حضره جنابك اجه عليه بسرعه ولزمني من ركبتي
تحجين عدل لو اموتج لسانج شطوله وليش تسوين هيج يقين لا تخليني اسوي شي اخبلج وعلي
مروان شبيك عوفني
ليش تجاهليني
احسن الي والك انته راح تبدي حياتك واني هم اريد اهتم بدارستي ونفسي ليش ميصير
اهتمي بس رجعي مثل قبل
ماكدر مروان انته متعرف شسويت
اعرف اعرف بس لتتصرفين هيج وياي ما اكدر اشوفج تضحكين وتسولفين ويه حمزه واني لا
انته السويت هيج وخليتنه نوصل لهنا مروان راح تزوج انته بعد فتره شوف حياتك وعوفني لاتسوي مشاكل خليني براحتي عوفني حباب
وخرت ايده من ركبتي وعفته واخذت فوني وطلعت رحت لتترك وبجيت يربي شوكت يعوفني هدأت نفسي ومسحت دموعي ورجعت للغرفه ملكيته عدلت نفسي ونزلت لكيت الحبايب يلكن لك ههههه
طالعين ٣ سيارات لان احنه خير من الله بنات سياره  حمزه ومروان فجأه راد يروح وابن عمي هيثم اني حمزه كلي ركبي وياي رحت كعدت بالصدر وتوزعن البنات على كل سياره ربطت فوني وشغلت اغاني وصعد حمزه
ها ولج استلمتي الاغاني
يي طبعا شنو الجديد دائما اني اختار باوعلي بنظره....

نهايه بارت خامس اتمنه تستمتعون🌹
كلمه 1122
لاتنسون التصويت😊