اتبعني

بارت ثامن

مرحبا ورودي شلونكم ان شاء الله مساءكم او صباحكم خير وسعاده.

راح تندم صدكني وماراح اسمعك بوكته وصدكني لو اخر واحد بالدنيه ما اريدك ومن هسه راح اشيلك من كلبي صوجي اني حبي
كملي ليش سكتي
وصلنه اوكف خل انزل نزلت من السياره واني ميته قهر كبل رحت للحمامات وشبعت بجي غسلت وجهي ورحت للصف وطول اليوم اني ساكته وبس ابجي
اني ليش حبيته والله كاعد اتأذه كلبي يحركني رجعت للبيت منتهيه همزين محد موجود وبسرعه صعدت للغرفه بدلت ونمت مر سبوعين واني وحمزه منتشاوف واذا بالصدفه ما اباوع عليه
مروان عرسه باجر والبيت مخبوص اليوم خميس وكالت عمه تاخذنه للسوك حته نشتري ملابس واني مبيه حيل ومالي خلك بس عمتي متقبل اله اروح
صعدت بدلت لبست فستان بيجي شيفون ميديم وكعب ماروني وشال ماروني وخليت مسكاره وحمره وتعطرت ومو من عشاق الجنط خاصتا من اطلع اخذت تلفوني طلعت من الغرفه وشفت حمزه
عفته ورحت نزلت ظليت كاعده بالصاله على ما البنات  يخلصن لبس ربع ساعه وكلهن نزلن وكالت عمه حمزه ومروان يوصلونه واني ماريد لا ويه هذه ولا ويه هذه ثنينهم مخابيل
يمه يقين يله وين صعدين
عمه بطلت ماروح
ياا ولج يمه شبيج اجرجر بيج تعاي صعدي ويه حمزه
عمه ماريد اروح تعبانه وانتوا جيبولي اي شي على ذوقكم
بكيفج يمه طبي وقفلي الباب زين محد بالبيت
ان شاء الله عمه
راحوا كبل دخلت وقفلت الباب وصعدت بدلت ولبست برموده لان محد بالبيت وكلت اكعد اشوف مسلسل بالصاله تقريبا شي نص ساعه وندكت الباب شفت بالكامرات حمزه
رحت فتحت الباب دخل عفته ورجعت لمكاني
يعني انتي هلكد بايعه روحج لمروان ومجهزتله عبالج راح يجي
انته شكاعد تحجي
تفهمين شحجي اكيد البوسه اثرت بيج ومتردي يزوج لذلك مرحتي للسوك ومالج خلك
نزلن دموعي على كلامه هلكد اني رخيصه بنظره ردت اروح لغرفتي ولزمني من ايدي
اوكفي اوكفي خل اكلج خبر يفرحج بعد يومين خطوبتي جهزي نفسج حته تشوفين العروس
عبالك انقهر لا ابدا انته الخسران مو اني راح تندم صدكني ونظره ما انطيك راح تبجي على فراكي وتجاهلي الك تشوفني نسيت كلشي عنك والف مبروك مقدما
عفته وصعدت مدمره دخلت الغرفتي كتله من القهر والنار بداخلي اريد اصرخ وارتاح هلكد يحب دموعي وين الجان يكول ضحكتج تخبل واحبه
مكدرت اتحمل وصرخت وبجيت بصوت عالي واسمع صوته وره الباب
يقين يقين شبيج احجي ليش صرخين
عوفني اكرهك اكرهك انته شنو متحس تدري شون كلبي يوجعني كاعد اموت من وراك روح ماريدك
افتحي الباب خل نحجي
ما افتحه كاعد اكلك روح
يقينننن لا تخليني اكسر الباب واكطعج افتحيي
رحت فتحت الباب وبس شفته وكعت بالكاع ولميت رجلي لراسي ومسكتت داخلي نار حسيت شي على راسي رفعت راسي وشفت ايده
وخر ايدك عني ماريد عطفك عليه

يقين انتي السويتي هيج بينه
شسويت كلي شسويت انته حته ما سمعتني
شون ترديني اسمع واحد بايسج واسكت تخيلي اني ويه بنيه هيج واذا تحبيني راح تقبلين تتحملين
اسكت مارد اسمع منك شي بس خليه بالك حبيتك ويوميه افكر بيك وبالي يمك ابتعدت عن كل ولد عمي علمودك بس طلعت متستاهل كل هذه
يقينن لا تخليني اكسرج هسه اعرفي شكاعد تحجين
ههههه تدلل ابن عمي حاظر من عيوني تأمر بشي بعد تريد اموت كول خاف ظاله بنفسك وتستحي تكول موتي
نهاريت بالبجي واحس المكان خنكه وماكدر اتنفس
تعاي تعاي
اجه حضني حسيت صدره راحه الي عطره نفس الي ايده دفو لكلبي ظلينه بالنص ساعه هيج اني بحضنه ابجي
كافي يقين
وخرت من حضنه وباوعت بوجهه من شاف عيوني صفن بيهن
عيونج ذبلانات وجهج ذبلان هلكد متأذيه مني
متحس بيه ردت اكوم وجرني مطلني على الجربايه وتقرب من وجهي وخله ايده على شفتي وكال نباست وصارت لغيري
تقرب عليه وباسني بهل لحظه اني مكدرت اتحرك احس كلشي بيه سكت باسني برقه وتفنن بوساته الي وستمر بالربع ساعه نزل وباس ركبتي للحظه فزيت من عضني بسرعه بعدته عني
هادء بس نفسه مسموع انفاسه حاره ضربت بوجهي عيونه حمره كمت من يمه وكبل طلعت من الغرفه رحت للحديقه حته اجر نفس
ظلي يقين غلطي وغلطي اوف حمزه اوف كعدت على المرجوحه صارت بال٦ وبدت الجوامع تقره قران لحد الان محد اجه للبيت دخلت وصعدت لغرفتي واول مدخلت صرت مقابيل المرايه شفت نفسي شفايفي منفوخه وركبتي مطكعه وعيوني حمره ومنفوخه من البجي كبل دخلت للحمام جوه مي حار ودموعي مستمره شوكت يخلصن مادري سمعت صوت طكطكه وهوسه اكيد اجوي
طلعت من الحمام ولبست تراك ولبست شال ولفيته على ركبتي حته متبين ونزلت جوه لكيت الكل موجود والهول متروس ترس اغراض وكله فرحانه ابتسمت على فرحتهم ورحت يمهم
البنات جايبيلي فستانين يجنن قصيرات وكعب وكم شغله وعمتي خطيه هم جايبتلي تراكات وعطور همزين مرحت جان نهد حيلي لان جايبات السوك وجايات

عمه موصيه ابوي وعمي يجيبون عشه من بره فمشالله خير من الله جايبين فرشنه السفره واني بالمطبخ كاعد اطلع طاسات كزاز حته اخلي بيهن روبه شالي نفتح وجانت سمر واخته يمي
سمر يقين شنو هاي بركبتج
ها حساسيه تعرفين بشرتي حساسه ظلت تباوعلي بنظرات بسرعه لفيت الشال من جديد وكعدنه على السفره وجان مروان مقابيلي وكل شوي يقين بلا زحمه اريد هاي راد خاشوكه دانطي ولزم ايدي وحمزه نتبه عليه خزرني خزره مادري وين اودي عيني منه وبسرعه كال يقين جيبيلي تلفوني تلكي بغرفتي دوريه مادري وين خليته
عمتي يا يمه تكومه من عشاه علمود تلفون
عمه عندي اتصال مهم ويقين تعرف وين اخلي غراضي من اضيعهن
كمت وممرتاحه لتصرفه عنده شي صعدت لغرفته طبيت كاعد ادور دقيقتين ودخل معصب
انته المن خليتني اصعد اذا انته اجيت اجه عليه بسرعه ولزمني من شالي حيل احس فروه راسي راح تنشلع
اخ شبيك دتوجعني عوفني
شون بيج كليلي شون
شسويت انته شبيك كبل تعصب وتنكلب
شسويتي مو وبالعشه النظرات والمسات يقين لتخبليني
عوفني كاعد اكلك لا اصرخ
صرخي اذا تكدرين يله صرخي
حمزه حباب شعري تكطع وكاعد توجعني عوفني دفعني دفعه انضربت خاصرتي بالميز مال مرايه شاغت روحي من الالم وكعت بالكاع وظليت الوب
يي ابدي ابجي وجذبي وسوي مسرحيتج
حمزه خاصرتي راح اموت
بس شافني هيج اجاني ومكدرت اتحرك الم مو طبيعي شالني وخلاني على جربايته والالم يزيد
اوف اوف منك فتح المجر الي بصف جربايته وطلع مال الم دهن
وخري بديج
شنو
طرشه ماسمعتي وخري بديج خل ادهنلج هذه يخفف الالم
ماريد عوفني
يقيننن بسرررعه
بس ادير وجهك مو تباوع خزرني ميعرف بس يخزر ويعصب ويعيط وين راح حمزه الي يضحك مادري
رفعت البدي وباوع على المكان وعينه مفتوحه كلش باوعت خاف اكو شي جان اشوف المكان مزورك من الضربه خله من الدهن على صفحتي وخله ايده جسمي قشعر وهوه حس بهل شي بده يدهن ويسوي مساج علكيف خمس دقايق و وخرت ايده
كافي صرت زينه نزلت البدي وردت اروح لغرفتي هوه دخل للحمام يغسل ايده لان هذه الدهن يحرك العين ومو زين يبقه على اليد بسرعه رحت لغرفتي ونمت
يوم الجمعه ....

نهايه بارت ثامن اتمنه تستمتعون🌹
كلمه 1100
لاتنسون التصويت😊
واكتبولي شنو رايكم بالبارت وشنو تتوقعون راح يصير

حبايب التفاعل جدا قليل والقصه مماخذه حقه ياريت تشاركون القصه وتتفاعلون حته يستمر تنزيل البارتات 🤍