اتبعني

بارت ثالث

مرحبا ورودي شلونكم ان شاء الله مساءكم او صباحكم خير وسعاده.

مروان شسوين كاعده
مجايني نوم وكلت اسوي كيك
خوش بله نطينه قطعه وستكان جاي
تمام
طلعتهن من الفرن وخليت الجاي على النار وهوه كاعد رحت طلعت الككو السويته لان احبه ويه الكيك وحلاوته خفيفه
تريد اخليلك ككو لو تحبه ساده
كيفج
اشو هذه صافن وبيده الجكاير وبغير عالم خليت الكيكه بصحن وصبيت الجاي وخليتهم كدامه .. تفضل
مشكوره بله خل نشوف شغل ايدج شلونه
اكيد طيب بدون كلام 😂
شهل ثقه عمي علكيفج ويانه
تمام يله اكل ههههه

ها شلونه احجي كام يسوي حركات بوجهه تشير انو مو طيبه
بربك شنو مطيبه شو انطيني اضوكه اخذت شوكته واكلت وطلع مبيه شي وتخبل
اكلك شنو تضحك عليه
هههههه يي بس عاشت ايدج كلش طيبه
بالعافيه
الله يعافيج .. يي ست يقين احجيلي
عن شنو ؟
يقين تعرفين ماحب واحد يستغبي
يااا شبيك هوه اني فهمت شتقصد
لاتعيطين لسانج تره اكصه اقصد على الشال هاي كم مره انبهج عليه وفاتحه شعرج
يي مو لان كله نايمه فملبسته
شلون كله نايمه حمزه بعده مجاي
نسيت هسه واذا ومادري حمزه بعده مجاي ومادري انو انته هم بعدك مجاي لو ادري جان لبسته
تمام اخر مره

اوك كمت اعدل بالمطبخ وهوه ياكل وساكت بس صوت نفسه عالي واني اتوتر من احد يمي شويه وطب حمزه
ها عيني شهل خيانه اشو كيك وتاكلون
ههههه تعال تره موجود يولي وخاصتا باجر انته التوصلني فمانساك
ها ها يقين مصلحه ههههه
لا والله حشه يله اكعد
يله اسكتوا دوختوني
يباع عليه ويخزر على شعري مهتميتله
يي مروان شلونك شلون الشغل
زين بس شويه تعب وهلفتره الشغل ميخلص
شنسوي يخوي تعرف هذه شغلنه بعد
ضلوا يسولفون علشغل واني كاعده وساكته دخت بسوالفهم كلت بعد اروح بما انو برد الكيك وقطعته وخليته بحافظه حته اخذه وياي ومروان عينه علي داخلهم غضب لان ممشيت كلمته
يله تصبحون على خير اني نعست وسوالفكم دوختني شكد تحجون اكثر من النسوان
حمزه هههههه وراج دوام باجر ومو تنسين كملي من وكت حته نتريك ونطلع ما احب انتظر ساعه بس تبدلين
هههه علكيفك عيني لاتخاف ماتاخر عليك
مروان وين ماخذه
حمزه للدوام لان خطه عافته

مروان اني اخذه باجر ماعندي شي انته روح للبيت الكلك عليه جدي يريد يبيعه واني هم وعدته من تصير زينه اطلعه مناك اوديه للمطعم
حمزه خوش لعد خل اصعد انام لان تعبان تصبحون على خير
مروان يقين اجمعين
راح حمزه واشو هذه لزم ايدي قوي
انتي ليش تعاندين اني مو كلتلج شالج شالج ومنطلقه بالحجي
اوي مروان شبيك هسه شسويت هسه تاخذني الصبح لو لا
يي اخذج ام السان ومو تتأخرين بالرجعه امر عليج حته نروح نتغده مناك
تمام وبعد لتخنزر عليه لان تخوف
ههههه ها صدك ولسانج بعد مترين
حبابه بس انته تعند اني هم اعند اوك 😒
ديله روحي نامي لا باجر تخليني منتظر ساعه
والله فهمت كمت وعناد بي ذبيت الشال وطفيت  ضوه المطبخ وكلتله تصبح على خير
مروان دمشي امشي اني هم ارد اصعد
اني امشي وهوه وراي وبس صوت خطواته وتنفسه
راسج يرادله كسر
ليش بله
لان يابس ومتسمعين كلام