امنيه في ظلام الليل

Part 1

<بسم الله الرحمن الرحيم >

لـگل مكان حكاية ولگل مكان نهاية ولـگل قلب قصة لا يعرفها الناس...
وهاقد عدنا بحگاية جديدة وباحداث جديدة ومشوقة تلمنها الكثير من الغموض والخوف والظلم...❤️‍🔥

تابعوا معنا "أمنيه في ظلام الليل" بأحداثها الشيقه..
٠.٠.٠.٠.٠.٠.٠.٠.٠.٠.٠.٠.٠.٠.٠.

البارت الاول...

‏كبرنه أحنه
‏وصغر كُلشي
‏الدرب والشوگ والدنيا ، وضمير الناس !

الكـاتبه: زايا
.٠.٠.٠.٠

-في احد ايام الشتاء الجميله الممطره السماء مُلبده بالغيوم ورائحة الارض الترابيه الممزوجه مع ماء المطر واوراق الشجر التي يتساقط منها الماء..

-نصيت الطباخ وعفت الچاي يهدر ودرت راسي اباوع من جامة باب المطبخ ع المطر والمرزيب الي يقطر مي والطرمه بقايه المطر صاير ع شگل برك برك مي..

-سحبت نفس بهدوء عدلت شالي باوعت ع جهة باب الصاله كلهم كاعدين زفرت النفس الحبسته بصدري فتحت السرگي مال باب وطلعت للطرمه اتسحب وادنگ راسي كلما اوصل يم جامه..

-رفعت راسي للسما وفتحت حلگي واحسب قطرات المطر الي ينزلن ببلعومي..

-واحد اثنين ثلاثه عبالك چنت احسب لروحي.. وبالفعل هذا الصار شهگت واني احس بدفعه ع ظهري تسكرني بالنص وگعت ع رگباتي ورفعت راسي للسما همست بألم مگبوت..اخخخخخخ

-عضيت شفتي والتفتت ع صوتها:-

-شتصخميننننن هناااا وعايفه الچاي هو يصب روحه ويجينه مثلااااا؟؟؟

-منتضرت جوابي تقربت عليه ولزمتني من شعري فوك الشال:-

-باعيلي لچ من خواتي واخواني هنا ديري بالچ تفشليني والله الاكل اگطعه عنچ وانومچ بگن الدجاج سمعتييي؟؟

-اردفت:- خاله اني عفته ديتهدر وطلعت بره هسه حدخل واصب الگم

-باوعتلي بأشمئزاز:- حفوت وتفوتين ورايه بأبتسامه سمعتي..

-هزيت راسي

-وصلت قريب الباب والتفتتلي حچت بهمس:-

-الكيك والگليچه طلعيهن من الكاونتر حطي بالصينيه وجيبي النا

-ماشي

-رفعت اصبعها وحچت بتهديد:-

-حاسبتهن وحده وحده وراح احسب الي تحطيهن الهم واذا اجيت ولكيت نقص بيها متلومين الا نفسچ سمعتي ولعبالچ مابدل مكانهن بس خل يرحون..