امنيه في ظلام الليل

Part 38

<بسم الله الرحمن الرحيم>

البارت الثامن والثلاثون..

الكاتبة:زايا

**

"امنية"

خبر چان مثل الصاعقة بالنسبه الي مچان خبر مفرح لا والله ابد..

-سماح وجهالها مااتذكر شي مفرح منهم بس ابويه حتى لو چانت اشياء بسيطه الي فرحني بيها هم اتذكرتها..

-دموعي منزلت حسيت ماعندي احساس ابد..

-باوعت لعزام وگتله:- شلون ماتوا..

-هددوهم وگالولهم طلعوا من المنطقة ورفضوا اهلچ..

-واهلچ الوحيدين الي باقين بمنطقه سكانها اغلبهم "^^^" جان واحد متفق وي جيرانهم لأهلچ حتى يكتلوهم..

-صاعد ع السطح بحجة هو ابو ستلايتات وعابر عليهم وكتلهم كلهم واخذوا بيتهم وشمروهم كلهم..

-احس گلبي صارت تجي بي نغزات مو طبيعيه من الخوف ومن الي ديصير هاي لوين احنا واصلين!! ناس تكتل بناس..

-ابوچ چان وي حزب "^^^"ولاعب بذيله من وراهم وهمه مهددي فـ احتمال همه الي دازين او متفقين وي جيرانهم وصعدوا الولد ع السطح..

-مااعرف الله يرحمه..

-بقه يباوع بوجهي بتركيز وشك صغر عيونه وگال:-معقوله مهتميتي؟

-ضحكت وگتله:- مو مهتميت بس مااعرف ابين مشاعري

-احسن ابقي هيچ وهسه تعاااي مشتاااقلچ الچ وللجهال..

-اني هم مشتاقتلك..

-تقرب باسني بقوه دفعني بضحك وگال:- تعبان هسه من اگعد متحلفلچ..

-ضحكت ويا وگمت..

-دينام بس رفع راسه عليه وگال:- شخبار نسره جاي تحاچيها؟؟

-اي البارحه حاچيتها باليل بس چانوا حموينها يمهم ومگدرت تسولف..

-شلونها خوما ذاك يضوجها

-والله مااعرف تمثل انو هي زينه..

-الله يسامحه لجدي كسر بگلبها..

-هو نام واني بقيت گاعده انقهرت وكلش هم احس مااگدر اضم بداخلي كممت حلگي ومتت بچي..