امنيه في ظلام الليل

Part 6

<بسم الله الرحمن الرحيم>

البارت السادس...

‏سينجح أحدهما في التجاوز ،
والآخر ستكلفه الحٰياة بأن يروي لنفسّه ماحدِث في كل يوم ليتأكدْ أنها النهاية .
٠.٠.٠.٠.٠.٠.٠.٠.

الكاتبه:زايا
.٠.٠.٠.٠.٠.٠

-شنو يعني نسره؟دخت دخت مجاي افهم فدوه فهميني

-لفيت مصلايتي وصرت قريبه ع الباب واني اسمع مها تلهث من البچي وتسأل نسره ع شنو مااعرف

-جاوبتها بهدوء وصوت هامس:-

-انتظري بس ع كيفچ ترى انه حالي من حالچ هم كلشي ما فاهمه هذا عبيس انطانه راس سطر وراح بعد مفهمنا شحيصير

-سمعت صوت ضربه لو ع رجل لو ع صدر:-

-مها: امووووت امووووت تعرفين شنو يعني اموت انه انتظر جيته وگعدته وتالي متالي ...

-وسكتت من فتحت الباب وطلعت اباوعلهن اثنينهن عيوني تسأل نسرين فهمتني:-

-ها گلبي محتاجه شي؟

-لا لا بس شبيچ مها؟ صاير شي

-مسحت دموعها وحچت بقهر ممزوج بكره هذا الي حسيته من صوتها:-

-كلشي مابيه ضربت ايديها ع رجليها وگامت

-باوعت ع نسرين وهزيت راسي:-

-شنو شبيها ليش هيچ متفرعنه عليه؟

-ابتسمت بتلبك وارتباك:-

-ههه مابيها هي تموت من الخطار وگعدناها من وگت هاي بعد نستلم وع الكل هيچ ترد

-هزيت راسي ونزلت وياها البيت مخبوص يرحون ويرجعون يباعون عليه هواي متوترين كلهم اتوترت وياهم واني احس اكو شي صاير وكل مااسأل احد ميكولولي ولا ينطوني جواب يشفي الگلب..

-اكو غرفة تفصل بين المضيف والبيت بيها باب يودي ع المضيف..يعني صايره بنص البيت بس فاصله عن البيت البي نسوان والمضيف...

-صارت هوسه وصوت عالي وصياح اسمع صوت ابويه يلعلع بيناتهم كلهم راحوا لذيچ الغرفه ووكفوا بيها يتسمعون..