<بسم الله الرحمن الرحيم>
هلو بنات..
اكو كم شي حابه اوعيكم بي من زمان بس ماعندي وقت او بطريقة اضبط بطلات القصه طلبوا مني ماانزل شي يخص هالسالفة..
-قبل كم يوم بنيه دخلت لنسره وكاتبتلها انو حياتكم حلوة وضراغم يحبچ ووو..
وهالحچي دائمًا يتكرر مو بس الها اليه هم والي متابعات نسرة ع الانستا راح يعرفون قصدي..
راح انزللكم ستوري نسره وستوريي..
هذا ستوري..
دا اكتب بالقصة ودا احس بشعور مو حلو ابد بالأخص هالبارتات الجايه..
بنات جد والله القصة صعبه كلش وبالنسبة الي كلش صعبة..
احد بيكم فكر امنية من طلعت من بيت ابوها واجه ابوها گدام شيوخ وعشاير باعها!!
تعرفون شنو يعني الي المفروض سندچ بالحياة يجي يبيعچ علمود فلوس!! وشدوا وياهم وبيبية عزام لعبت لعب بيها وسما والسحر ومنى ووووو من الاشياء الي رفضوا تنذكر..
وحده دخلتلي تگول بالضبط "شهالتسفيط هذا" تسفيط من اكتب واقع واشياء موجعه هذا يتسمى تسفيط!!؟
تردون اكتب بكيفي واخليها كلها ضحك وسوالف وناس تحب ناس؟
اخدعكم واخدع نفسي!!
والله كلش سهلة واريح الي من ما اكتب اشياء تأذيني الي..
البارتات الجايه اني اگولها الكم مختلفة اختلاف جذري عن البارتات السابقة..
اغلب الابطال حياتهم وشخصياتهم حتتغير حتحسون بالتغير الي راح يصير حتى بأسلوبهم..راح اجاوب ع كم سؤال هواي متكررات..
بالنسبة لأحداث القصه فـ هي من سنة "2000 فما فوق"💙
والاسماء اغلبها حقيقية بس اطفال امنيه اسمائهم حقيقية
والاعمار فـ مااگدر اگول اعمارهم بطلب منهم"
واحداث امنيه مو وي وقت احداث نسرة لا امنية احداث قصتها اول بس اني تلاعبت بالأحداث وقدمت واخرت وربطت بيناتهن..اذا اكو بعد سؤال سألوني وان شاء الله اجاوبكم..
وبخصوص نشر القصه فـ الثلاثاء ان شاء الله انزللكم بارت🙊💙
YOU ARE READING
امنيه في ظلام الليل
Short Storyلگل منا حياته الخاصه؛ بفصولها واختلاف اقدارها وكل ما يصيبنا هو درس يعلمنا تعاملنا مع الأقدار على انها حكمه إلهيه ؛ سوف تنجينا من الوقوع في نفس الأخطاء مرة اخرى، وها قد عُدنـا بأشخاص جدد وحكايه جديده واحداث جديده، غريبه، وجميله.. بقلمي انا: زايا💛