امنيه في ظلام الليل

Part 11

<بسم الله الرحمن الرحيم>

البارت الحادي عشر..

بوسني بـ عيوني
بوسة العين ما تفرگ الحبايب
.٠.٠.٠.٠.٠.٠.٠.٠.٠.٠.

الكـاتبه: زايا🤍
٠.٠.٠.٠.٠.

**

-اي بعيوني اخليها..

-بقيت صافنه عليه شلون عرف ومنين عرف عزه هاي انفضحت:-

-رفع حواجبه: كملتي الرسمه؟

-يا رسمه

-الجاي ترسيمها بعيونچ

-هاااااني اصلا بالي مو يمك يلا اروح اني باي

-ههههه خوش خوش..

-اووووف،دخلت للغرفه مها متغيره كلش صايره تفشلني وتنتر بوجهي مستغربه تصرفتها ليش شمسويتلها مو گالت حتصير صديقتي؟

-گعدت يم نسره وهي قافله احسها جد منتهيه

-راحت غطت راسها بقيت گاعده والف فكره ببالي احس مستحيه من الكل ومستحيه احط عيني بعينهم افكر هم يكولون عني هاي گصتها فگر وفگرتنا؟ لو افگر شنو يگولون عني ابوها مثل الباعها لو لو لو....

-رحت لفيت راسي ونمت گعدت الصبح رجعت شعري بأيدي وباوعت ع نسره الي بعدها نايمه عفتها وگمت للحمام الي بداخل الغرفه غسلت ولبست شالي ونزلت..

-رحت للمطبخ چان محد گاعد سويت ريوك وچان تنزل عفراء من فوگ..

-صباح الخير

-التفتت عليها:-هلو عيني صباح النور

-ههههه هلو عيني حچايات بغداد يعلن الگلب..

-ههههههه وانتو هم الچا مالتكم تجنن..

-ضحگت وفتحت الثلاجه طلعت الجبن وحطته ع الميز رفعت راسها عليه وصغرت عيونها:-

-الچا مالتنا لو مالته

-ابتسمت والتفتت ع الطباخ بدون جواب..

-گملت الريوك وحطيته ع الميز وهمه بدوا يگعدون..

-بيبي:-ها يالصوص اليوم امبچره