Unicode
မနက်စောစောစီးစီး ဆေးရုံသွားမလို့ ပြင်ရဆင်ရဖြင့် အချိန်တောင် နည်းနည်းလင့်ဟင်းတော့မည်။ ဒီကြားထဲ မူလီလို ရစ်စိန်ကလည်း ကျုပ်သွားမယ့်လမ်းမှာ လာပိတ်နေပြန်သည်။
“ ကျွန်တော်ကို ခေါ်သွားပါနော် ဒေါက်တာလေး ”
“ ဟာဗျာ! ဆေးရုံက လိုက်တိုင်းကောင်းတာမဟုတ်ဘူး ရောဂါပိုးတွေကလည်းအများကြီး ”
“ ရောဂါပိုးဆိုတာ ဘာလဲ ”
“ နေရာတိုင်းမှာ တွယ်ကပ်ေနတဲ့သတ္တဝါတွေကိုပြောတာ ”
“ ဒါဆို ဒေါက်တာက ကျွန်တော်ကို ပြောတာလား ”
“ ဗျာ! ”
“ ကျွန်တော်ကလည်း ဒေါက်တာလေးရဲ့ နေရာတိုင်းကို လိုက်တွယ်ကပ်နေလို့လေ ဟီးဟီး ”
ဒီလူထပ်ပြုံးပြန်ပြီ။ သူပြုံးလိုက်တိုင်း ကျုပ်ရင်ထဲ ဘာတွေဖြစ်သွားမှန်း မသိသည်အထိကို ပရုတ်သုတ်ခဆန်သည်။ အပြုံးနဲ့လူကို သတ်တယ်ဆိုတာ ဒါပဲနေမည်။
“ ခင်ဗျားရယ် အိမ်မှာ နေခဲ့ပါဆိုကွာ ကျုပ်ဆေးရုံကို လိုက်လာရင် ကျုပ်က ပစ်ထားမိမှာ ”
“ အဟင့်! ”
ဘာမှတောင်မပြောရသေးပေ။ မျက်ရည်မကျပဲ ငိုမဲ့မဲ့ကစတင်လုပ်ပြီ။ ခင်ဗျားကလေ အတိတ်သာမေ့နေလို့ပဲ လူကောင်းဆိုရင် ကျုပ်ကို ရောင်းတောင် စားမည် ထင်တယ်။
“ ဒီမှာဗျာ ကျုပ်ဆေးရုံကိုတော့မလိုက်နဲ့ ညနေ ကျုပ်ဆေးခန်းထိုင်တော့မှ ခင်ဗျားကိုခေါ်သွားမယ် ”
“ တကယ်ေနာ် ဒေါက်တာလေး! ”
“ တကယ်ဆိုဗျာ ”
“ ဒေါက်တာလေးကချစ်စရာလေး ဟီးဟီး ”
“ ဗျာ ကျုပ်ကလား ”
ဒီလူအမြဲပြုံးနေတာ ပုံမှန်တော့မဖြစ်နိုင်ဘူး။ ကျုပ်လေ့လာဖူးတဲ့စာအုပ်တွေထဲကအရဆိုရင် အမြဲရီမောနေသည့်လူတစ်ယောက်က နာကျင်မှုအမြောက်အပြားထွေးပွေ့ထားရတာတဲ့။ ဒီလူလည်း စိတ်ဒဏ်ရာတွေရှိနေမှာလား။
“ ကျွန်တော် စောင့်နေမယ်နော် ”
“ ဟုတ်ကဲ့ပါဗျ ”
أنت تقرأ
မောင့်ဖက်စိမ်းထုတ်လေး//complete //
الخيال (فانتازيا)Sitt Yan Nyein + Di Nwae Oo💙✨ Date- 21.3.2022
