*တီး..တော်...တီး..တော်
အရေးပေါ်ကား ဥသြဆွဲတယ်ဆိုတာ စိုးရိမ်ရတဲ့ အခြေအနေဖြစ်သည်မို့။
မဟုတ်ဘူး ဂျီမင်း ဘာမှမဖြစ်ရဘူး။
ကျဆင်းလာတဲ့ မျက်ရည်စတချို့ကို လက်ခုံနဲ့ ဖိသုတ်ရင်း ထယ်ယောင်း ဂျီမင်းကို ကြည့်မိတော့ အောက်စီဂျင်ပိုက်တွေနဲ့ ကျွန်တော့်သူငယ်ချင်းလေးက တကယ် ကြည့်မကောင်းဘူး။ ဂျီမင်းလက်ကို တင်းတင်းဆုပ်ရင်း စီးကျနေတဲ့ မျက်ရည်စတွေကို မသုတ်နိုင်လောက်အောင် နာကျင်နေသူကတော့ အစ်ကိုဆော့ဂျင်။ အစ်ကိုဆော့ဂျင်ရဲ့ လက်မောင်းကို တင်းတင်းဆုပ်ရင်း အားပေးနေသူကအစ်ကိုဟိုဆော့။ အရေးပေါ်ကားထဲမှာ ဂျီမင်းနဲ့အတူ သူတို့သုံးယောက်။ အစ်ကိုယွန်းဂီတို့သုံးယောက်က ကားတစ်စီးနဲ့ နောက်ကနေ ထပ်ကြပ်မကွာ လိုက်လာကြသည်။
အရေးပေါ်ခွဲစိတ်ခန်းရှေ့မှာ အားလုံး ထိုင်တဲ့သူကထိုင် ငိုင်တဲ့သူကငိုင် ငိုတဲ့သူကငို ကမ္ဘာတွေပျက်နေတယ်ဆိုတာ ဂျီမင်းသိဖို့လိုအပ်တယ်။ သူ အကောင်းဆုံး ပြန်ထွက်လာရမှာမို့။ အဆိုးဆုံးကတော့ အစ်ကိုဆော့ဂျင်ပဲ။ သူ့ကြောင့်ဖြစ်ရတာဆိုတဲ့စိတ်နဲ့ နံရံတွေကို ထိုးထားခဲ့တာ လက်ဖမိုးတစ်ခုလုံးက ရစရာမရှိအောင် စုတ်ပြတ်ပြီး သွေးတွေ တသွင်သွင် စီးကျနေသည်ထိ။
" အစ်ကို့လက်က ဆေးထည့်မှဖြစ်မယ် ထင်တယ် "
တိုးတိုးဖျော့ဖျော့ အစ်ကိုနမ်းဂျွန်းရဲ့အသံက ငြိမ်သက်နေခဲ့တဲ့ သူတို့အားလုံးကို လှုပ်ရှားသက်၀င်သွားစေသည်။
" ထားလိုက်ပါ "
အစ်ကိုဆော့ဂျင်ရဲ့ အသံက ပိုလို့ တိုးဖျော့နေခဲ့တယ်။ တပေါက်ပေါက်ကျနေတဲ့ သွေးစက်တို့ ဦးတည်ရာ ကြမ်းပြင်ကိုပဲ အစ်ကိုက တွေတွေကြီး ငုံ့ကြည့်နေသည်။ ထယ်ယောင်း သက်ပြင်းချရင်း ဆော့ဂျင်ဆီ ဦးတည်လိုက်တယ်။
" အစ်ကို "
သူခေါ်တော့ အစ်ကိုဆော့ဂျင်က အသက်မပါစွာ မော့ကြည့်လာသည်။
![](https://img.wattpad.com/cover/210389449-288-k951413.jpg)
YOU ARE READING
RUN
FanfictionFrom the beginning to the end We'll always together!! For Precious Bangtan's brothership and just for my imaginary love story!