" အစ်ကို ထတော့ ပြောစရာရှိတယ် "
မိုးလင်းတာနဲ့ ဦးစွာကြားလိုက်ရတဲ့ တစ်ယောက်သောသူရဲ့အသံလေးကြောင့် မျက်လုံးမဖွင့်ခင် ဆော့ဂျင် ပြုံးလိုက်မိသည်။
" အစ်ကိုလို့။ မထရင် ဖက်နမ်းမှာနော် "
ကျောချမ်းစရာခြိမ်းခြောက်စကားကြီးကြောင့် မျက်လုံးကို အမြန်ဖွင့်လိုက်ရသည်။ သွားမတိုက်ရသေးတာ ဘာညာ နားမလည် တကယ်ဖမ်းနမ်းမယ့် ဂျွန်ဂျုံးဂုမို့ ကြောက်ရသေး။
" ထပြီမလို့ အပြင်မှာသွားစောင့် "
" အာဘွားရော်? "
ပါးဖောင်းပြီး သူ့ပါးကိုအနားလာတိုးပေးနေတဲ့ ဂျုံးဂုကို ဆော့ဂျင် နှာခေါင်းရှုံ့ကာ...,,
" ဘာမှ မအာဘွားဘူး လစ်! "
" ကိုကိုက မကောင်းဘူးဗျာ "
" ဟုတ်ပါ့ "
ဆော့ဂျင် ရွတ်နောက်နောက်လိုက်ပြောတော့ မှုန်ကုတ်ကုတ်ကြည့်လာတဲ့ ဂျုံးဂု။
" ဒီကိုကိုက တကယ်တော့ ဖက်နမ်းခံချင်နေတာပဲ "
" ဟေ့ကောင် တော်! သွားတော့နော်။ မဟုတ်ရင် တကယ်နာမယ် မင်း! "
ကုတင်ပေါ်ကနေ ဂျုံးဂုကိုကန်ချပြီး ရေချိုးခန်းထဲ ဝင်လာခဲ့သည်။ မြန်မြန်ရေမိုးချိုးပြီး အောက်ထပ်ဆင်းခဲ့တော့ မိုးအေးအေးနဲ့ ရေချိုးထားတဲ့ အရှိန်က ခပ်အေးအေး။ အနွေးဓာတ်ရအောင် လက်မောင်းရင်း နှစ်ဖက်ကိုတောင် ခပ်ကြမ်းကြမ်းပွတ်သပ်လိုက်မိသေးသည်။
" ကွတ်ကီးရေ အချစ်ရေ ဂျုံးဂုလေးရေ "
စချင်စိတ်နဲ့ နာမည်စုံအော်ခေါ်တော့ အခန်းထဲကထွက်လာတဲ့ ဟိုဆော့ရဲ့မျက်စောင်းကြီးက ဒိန်းခနဲ။
" ကဲကိုကဲတယ် နားတွေခါးလိုက်တာ အား "
အတော့်ကိုရွံရှာနေသလိုလုပ်ပြသွားတဲ့ ဟိုဆော့ကြောင့် ဇတ်လေးပုကာ ပြူးပြလိုက်ရသည်။
" ကြွက်တွင်းကြီိး ကော်ဖီသောက်မယ်"
ကော်ဖီခွက်လေး ပင့်ပြရင်း ဧည့်ခန်းဖက်ဦးတည်သွားသည့်ဂျုံးဂုနောက် လိုက်ခဲ့လိုက်သည်။ မီးလင်းဖိုနားကကြမ်းပြင်မှာ ၀င်ထိုင်တဲ့သူ့ဘေးမှာ ၀င်ထိုင်လိုက်တော့...,,
YOU ARE READING
RUN
FanfictionFrom the beginning to the end We'll always together!! For Precious Bangtan's brothership and just for my imaginary love story!