ရုတ်တရက်ရာသီဥတုဖောက်ပြန်မှုတွေကြောင့် ကျော်ဇေယံထွဋ်တို့၏ရာယီနေရာတွေမှာအသည်းသန်ရွေ့ပြောင်းရလေသည်။
နိုင်ငံခြားဧည့်သည်ဆရာဝန်အဖွဲ့အားဦးစားပေးကာကျန်အဖွဲ့တွေကတော့ကမ်းပါးနှင့်ဝေးရာနေရာတွင်သာတဲတိုး၍နေကြ၏။
ကျော်ဇေယံထွဋ် တို့၏အဖွဲ့ထဲအမျိုးသမီးမပါဝင်ချေ။ ထို့ကြောင့်လူစုမကွဲပဲတဲအတွင်းသာအတူတကွနေထိုင်လို့ရပေသည်။
" ရေကတအားတက်လာသလိုပဲ"
နေရာမှရပ်ကာမြင်နေရသောချောင်းရိုးတလျှောက်ဖွေးဖွေးလှုပ်နေသောမြစ်ချောင်းကျယ်အားကြည့်ကာကျော်ဇေယံထွဋ်ပြောလိုက်၏။
မြစ်ချောင်းနံဘေးကြီးပြင်းလာသူမို့ရေအတက်၊အကျဟာသူ့အတွက်ရင်းနှီးနေပြီဖြစ်ကာ၊တခြားသူတွေမှာလည်းသူ့စကားအားထောက်ခံဟန်ပြုလာကြသည်။
ကျော်ဇေယံထွဋ်တဲတွင်းပြန်ဝင်လာရင်းကုန်လုဆဲဆဲဖုန်းအားလေးနှင့် နေသက်နွေးထံဖုန်းခေါ်ရန်ပြင်လိုက်လေသည်။
~
နေသက်နွေးသူ၏နေအိမ်ကိုပြန်ရောက်နေခြင်းဖြစ်ကာမနက်ဖြန်ဆိုမိုးသက်စွေ၏မဂ်လာဆောင်ပင်ဖြစ်သည်။
လူတရုန်းရုန်းနှင့်မို့အနေရခက်စွာအိမ်ခန်းထဲပြေးဝင်မယ်လုပ်ပေမဲ့လူကြီးတွေ၏စကားခန်းမပြက်သေးတာကြောင့်သူ့မယ်ထမရ။
ခေါင်းလေးတစောင်းစောင်းဖြင့်နေသက်နွေးသူ့အမေဘေးကပ်ကာ၊မျက်နှာဖွေးဖွေးလေးမှာညှိုးရော်နေချေသည်။
" ရာသီဥတုသတင်းတွေကလည်းဆိုးလိုက်တာ "
အမေကညီးတွားရင်း အလုပ်အကိုင်သမားတွေအတွက်အသုပ်သုပ်နေရင်းဆို၏။
ကောင်းကင်ယံတွင်ညှို့မှိုင်းနေသောတိမ်တွေမှာအလိပ်လိပ်ဖြင့်ကြောက်မက်ဖွယ်ပင်။မိုးမရွာပဲလေပြင်းတွေတရွှီးရွှီးဖြင့်လျှပ်စီးတဖျပ်ဖျပ်ထနေကာနေသက်နွေးခမြာတုန်ပင်တုန်တုန်သွားရရှာသည် ။
~
အိမ်ခန်းထဲပြန်ဝင်တဲ့အခါ ဖုန်းတွင်ပေါ်နေသောနံပါတ်လေးကြောင့်နေသက်နွေးအလျင်အမြန်ပင်ဖုန်းပြန်ခေါ်လေသည်။
