Oneshot Collections by NaykyarNga

ဆေးကျောင်းသားလေးသို့။

#Unicode

တောင်....!

တီဗွီကြည့်နေရင်း ဖုန်းထဲမှnotiတခုကြောင့် ယူကြည့်လိုက်မိသည်။

'Sett Kaung Yan also commented on Paing TaKhon's Post. ' တဲ့။

ပိုင်တံခွန် လွန်ခဲ့တဲ့တ‌နာရီလောက်က တင်ထားသည့်ပုံအောက်မှာ 'ကိုကိုးး'ဆိုပြီး Commentရေးခဲ့တာမို့ ထိုpostမှ Notificationsတွေက တောက်လျှောက်တက်နေသည်။

တခြားဆို၀င်မကြည့်ပေမယ့် 'Sett Kaung Yan'ဆိုသည့်နာမည်ဖြင့် တက်လာသည့်notiလေးကိုတော့ ၀င်ကြည့်လိုက်မိသည်။

လက်မထောင်နေသည့်၀က်ဝံရုပ်stickerလေးကို ပိုင်တံခွန်ရဲ့postအောက်မှာ တွေ့လိုက်ရသည်။

သူကလည်း ကိုပိုင်ရဲ့Fanပါလား.....

ထိုအစ်ကို့Accထဲ ၀င်မွှေနေမိပြန်သည်။ ဘယ်အချိန်ကတည်းကFriendဖြစ်နေခဲ့သလဲတောင် သတိမထားမိခဲ့။

အစ်ကို့မှာ ဆံပင်ကောက်ကောက်တို့ကို ပိုင်ဆိုင်ထားပြီး အသားရည်နို့နှစ်‌ရောင်လည်း ရှိသည်။ အစ်ကို့ဆီမှ ထူးခြားသည့်အရှိန်အဝါတခုကို ခံစားရသည်။ ဘယ်လို‌ခိုင်းနှိုင်းရပါ့.....တောက်ပြောင်နေတာမျိုးလား၊ သေချာတော့မဖော်ပြတတ်တော့ပါ။ သို့ပေမယ့် တခုခုတော့ ထူးထူးခြားခြားရှိနေသည်။

အစ်ကိုကလည်း ငါတို့မြို့ကပါပဲလား။ မန္တလေးသား....။

အစ်ကိုက ဆေးကျောင်းသား တစ်ယောက်ပါလားလေ။ ဂျူတီကုတ်၀တ်ဆင်ထားတာမို့ ဂျူနီယာလေးတော့ မဟုတ်နိုင်ချေ။ အစ်ကို့အကြောင်း စိတ်၀င်စားမိပြန်တော့ နီးစပ်ရာ စုံစမ်းဖော်ထုတ်ရပေဦးမည်။

ဟန်ကျလိုက်ပုံများ ငါ့သူငယ်ချင်းရဲ့အစ်ကိုကလည်း ဆေးကျောင်းသားပဲ မဟုတ်ပါလား။

ထိုအစ်ကိုကြီးကိုပဲ ချည်းကပ်ပြီး အစ်ကိုအကြောင်း မေးမြန်းတီးခေါက်ရတာပေါ့။

အစ်ကိုက Final part-2 ကျောင်းသားတစ်ယောက်တဲ့လေ။ ကျောင်းမှာလည်း Top 3၀င်သည်အထိ ထူးချွန်ပါသည်တဲ့။ အစ်ကိုဟာ ရှမ်း၊ဗမာ ကပြားတစ်ယောက်ဖြစ်ပြီး မိသားစုကလည်း ကြီးကြီးတက်ချမ်းသာနေပြန်သည်။

အို....ဒါတွေ ငါစိတ်မ၀င်စားပါဘူးလေ။

နောက်ထပ်သိလိုက်ရသည်က အစ်ကိုဟာ အချေကိုယ်တော်လေးပါတဲ့။ သူ့အနားမှာ အမျိုးသမီးတွေကလိပ်ပြာတွေလို ဝဲနေပေမယ့် သူကတော့ အဖတ်ပင်မလုပ်ပါတဲ့။