🌹❤عيناها سبب عشقي 🌹❤

02

🌸الحلقة الثانية🌸: في جهة اخرا نقابلو البطل نتاعنا معاذ بن **** صاحب اكبر سلسة فنادق سياحية فالجزائر تحت اسم ❤️الملك❤️ شاب الكل يحسدو على زينو ووهرتو رغم صغر سنو استلم كل اعمال باباه السي الحسين بن **** اللي بحكم كبر سنو تحتم عليه وضع صحتو انو يبعد على اعمالو ويسلمها لمعاذ اللي عمرو 26 سنة واقف ومترأس ثروة باباه مالڤري كان حلمو يكون دكتور الا انو الظروف والدنيا توجور يعاكسونا لهاذا ما كملش حلمو واللي متعرفوهش انو عندو زييييين بقلاوة ( 😁وااااه من بقلاوة بلادي هاااح على العسل) احم كيما قلنا ويا يما على ذيك الحلاوة عينين عسليين ولحية خفيفة فم يشهي وشعر اسود وذوك العضلات المفتولين(😁 كيما يقولو خوتنا التوانسا طابليطة تاع شكولاطة 🍫)��بإختصار كل البنات هابلين عليه وهو عندو لبنات تاع ليلة وحدة وخلاص وانهم كلهم يتبعو المادة واللي مايعرفوش انو كاين ملاك راح يكسر غرورو وكبريائو بكل عفوية وبراءة