🌹❤عيناها سبب عشقي 🌹❤

26

🌸الحلقة 26🌸:
جازت سمانة بالخف مع التسوق والتحضيرات لحفل الخطوبة لحق اليوم الموعود وجات سكينة
اكرام لبست قفطان ابيض ليسات شعرها مع مايكب خفيف جات تفتق و لحق الوقت باه تنزل

معاذ يحكي: كنا نحكو على الخطبة والعرس فجأة سمعت صوت الطالون تاعها خزرت فيها سبحان الخالق اللي صور هذا الجمال واه من جمالها فتنة رغم انا صغيرة لكن جسمها مغري وانوثتها طاغية ماقدرتش نهبط عينيا منها الفرخة راح تجيب آخرتي بحلاوتها

اكرام احكي: كنت خايفة تقول جامي شفتو بصح اليوم حاجة سبيسيال في حياتي نزلت وانا نشوف فعينيه اللي مانزلوش مني حشمت غير ربي وطحت فالدرج (الحشمة يا اختشي حنا تنزل تجري تقول راح يدوه لا حشمة ها والو 😂😂)

فيقهم من خزرتهم لالة حميدة

لالة حميدة: تبارك الله على بنتي خمسة وخمرس عليك
اكرام:بحشمة:يبارك فيك ايما
لالة حميدة: ارواحي قدامي ابنتي
قعدت اكرام وخانتها دمعتها كي شافت بلي هي ناقصة بلا والديها

لالة حميدة:تفضل السي الحسين
السي الحسين: على بركة الله
المهم اجتمعنا فهاذا اليوم المبارك باه نلمو شمل ولادنا وانا يا اختي سكينة جين نطلب يد بنتكم الغالية اكرام اللي مانلقاش منها زوج لوليدي. ووحيدي معاذ
سكينة:عطيناك اذا ربي عطاك انا مني قابلة مانلقاش احسن من ولدك تربية واخلاق (شوف اللي يحب السترة مش يحب الماتريال ايه المال عمرو ماجاب الفرحة وحدو 😥)
السي الحسين: معاذ ولدي راك قابل
معاذ:قابل
سكينة: بنتي اكرام راكي قابلة
اكرام:ق قابلة
ناضت لالة حميدة تزغرت وتزغرت فرحت وفرحتها ماتعطيها لحد

قالولهم يروحو يتفاهمو مع بعض واكرام حاشمة من معاذ