🌹❤عيناها سبب عشقي 🌹❤

34

🌸الحلقة 34🌸:

اكرام تحكي: بعد ماجات ليا الممرضة وقاتلي واش خبرها معاذ حسيت روحي بلا قيمة صح وثما عرفت بلي انا يتيمة ماعندي حتى واحد من غير ربي سبحانو

جازو ساعتين وجات ليا الممرضة عاونتني نلبس كملت خرجت وانا شادة فالحيطان جيت نطيح حكمني واحد يبان طبيب
لمين (الطبيب): مادموزال راكي مليحة تسمعي فيا
اكرام: مدام مش مادموزال و مرسي راني بخير و طلقت يدو وخرحت

لمين قعد متعجب فالملاك اللي جاز عليه رغم الضرب والجروح اللي على وجها مزال يبان زينها

اكرام تحكي: خرجت لقيت تاكسي يستنا فيا
خانتني دمعتي كي حسيت بلي ماعندي حتى واحد فالدنيا هاذي لحقت للدار ماسمعت حتى صوت. عرفت بلي معاذ و....** الي جابها ماهمش هنل طلعت الفوق جزت على شمبرتو لقيت حوايجو في لرض والفراش مخلط تقول كانت عليه حرب غلقت الباب لقيت زوج شنابر رحت للبعيدة دخلت كانت شومبرة شابة متحوفة فرشتها وجبت زوج فاليزات اللي كانت فالصالو
خملت الاولى الدوزيام كي فتحتها مالقيت نضحك مالقيت نبكي لقيت فيها غير النويزات ولي دوبياس عرفتها خدمة ياسمين
كملت وانا مازلت تاعبة تكسلت بحيجابي داتني عيني مافقت غير كي ضرب معاذ الباب ودخل

معاذ: واقيلا راكي حاسبة روحك في داركم يا لالة ااااا قصدي فالميتم المهم منا وجاي نتي مجرد خدامة اوك

كلامو سكاكين ودخلو فقلبي نضت لبست جبة مستورة وطلعت شعري كنت بزاف تعبانة
كي نزلت قالي الدار لازمها ميناج بحكم الدار كانت كبيرة قريب ثلث ساعات وانا معاها وزدت طيبت العشا حطيتو ورحت نرقد بلا ما ناكل