🌹❤عيناها سبب عشقي 🌹❤

33

🌸الحلقة33🌸:
اكرام تحكي: ااه يا ربي واش درت في حياتي هئ هئ هئ علاه دايمن نتعذب يا ربي ادي امانتك وريحيني لكان غير مت نهار اللي درت اكسيدون قلبي انجرح ومات يا ربي عاوني واعطيني القوة نواجه اللي جاي

سمعت باب الشومبرة انفتح خرج منو معاذ لابس شورت برك دخل للمخزن جبد شراب جاب كورسي وحطو قدامها وقعد يشرب حتى سكر ومبعد ناض يتمايل راح لشومبرتو اكرام مسكينة دارت في بالها رايح يرقد لكن هو جاب السبتة(السانتور) وهبط ليها ضربها ويقلها
معاذ: مانسمع حتى كلمة
اكرام تبكي بالساكت
ضربها بكل قوتو حتى معادش فيه وهي لاغوب البيضة رجعت حمرة من دمها
راح للبيت وخلاها تتعذب بعد سبع ساعات كانت 6:00 نتاع الصباح اكرام ماولاتش تحس برجليها والوجع قتلها عيات عيات وتغاشات طاحت على الطابلة نتاع الزجاج جرحتها من راسها

معاذ يحكي: فقت الصباح راسي راح يقتلني مالوجع لقيتها الخمسة نتاع الصباح وبقيت فالبالكون نتكيف بقيت حوالي ساعة فما حتى سمعت صوت الزجاج تكسر درت في بالي اكرام رقدت بيسك محال انسان يبقا واقف حتى للصباح
رحت دوشت لبست وخرجت رحت وين كانت اكرام لقيتها كامل مدمدة فجأة تفكرت كي شربت وضربتها جريت عندها عييت نفيق فيها مكان منها حتى رد رفدت مفتاح الطونوبيل وديراكسيون للسبيطار 😪😓😰
معاذ يحكي لحقت للسبيطار الناس الكل مخلوعة فالعروسة الي لاغوب نتاعها كلها دم الي يشوفها يقول دارت اكسيدون دخلها داخل وراح وخلاها كيشغول رما زبل (حاشاكم 😁)
بعد مادارولها سيروم وعقمولها جروحها فطنت

اكرام تحكي: فطنت لقيت روحي فشومبرة بيضة عرفت بلي راني فالسبيطار لكن مكانش اللي كان حذايا من غير الاجهزة سقسيت الطبيبة قاتلي راجلك جابك وتقدري تخرجي على ساعتين

كانت الطبيبة تحكي مع الممرضة ومعذ يسمع
الطبيبة:مسكينة طفلة في عمر الزهور بدات تتعذب هذا مش انسان اكيد حيو
دارت شافتو بلعتها وراحت تجري

معاذ يحكي: مالڤري تستهل واش درت فيها بصح قلبي راه يلوم فيا وجزء مني يقولي راك ظالمها يا معاذ المهم حكيت مع طبيتها قاتلي تقدر تخرجها على ساعتين رحت للدار جبتلها قشها وصلتو للسبيطار وبعثتو مع الممرضة قتلها قوليلها بعد ساعتين تلقاي تاكسي عند الباب يجي يديك