🌸الحلقة الخامسة وعشرون🌸:
معاذ يحكي: كلام بابا جاني على غفلة بصح تقبلتو باه نفرحو مانكذبش على روحي ونقول مانيش فرحان بصح الماضي راه بين عينيا نخااااف نرجع نعيش نفس الشي ومن جهة اخرى منظر عينيها اللي يقتلوني وهوما يبكو عذبني مانحبش ومانقدرش نشوفها تبكي معلاباليش علاه بصح هكا نتوجع معاها
من جهة اخرى في قصر السي الحسين
بعد ما طلعت لالة حميدة مع اكرام لشومبرتها الي كانت حالتها حليلة رقدتها وغطاتها وخرجت
راحت عند السي الحسين اللي خبرها بقرار معاذ فرحت بزاف وحكاتلو قصة اكرام واللي غاضتو بزاف
صباح جديد: ❤️اصبحنا واصبح الملك لله ❤️
لالة حميدة:نوضي بنتي حابة نحكي معاك شويا
اكرام ناضت عينيها منفخين من البكا
اكرام:نضت ايما استنايني نغسل وجهي ونجيك راحت غسلت ورجعت عندها باستها من جبينها وقعدت لالة حميدة حطت يدها على يد اكرام وبدات تحكي:
لالة حميدة: ابنتي والله هاذي الدار كانت سامطة مافيها بنة وماللي دخلتي ليها دخلتي معاك الفرحة وحييتها من جديد والحمد الله من الوقت اللي جيتي فيه جامي شفت غلطة منك وانا نعتابرك اكثر من بنتي واعز وحبيت نطلب يدك من عند سكينة باش تكوني كنتي وكبيرة داري
اكرام ماصدقتش واش راهي تسمع وبدات تحلم و تتخيل في حياتها مع معاذ اللي تعشق فيه.فيقتها من سرحتها كي قالت:
لالة حميدة:واش رايك ابنتي واش قلتي ديري في بالك معاذ حكى معاه باباه وراه قابل
اكرام كي سمعت بموافقة معاذ فرحت بزاف وقالت زعما يكون يحبني كيما انا نحبو
اكرام: بحشمة ومهبطة راسها: ا الي تشوفيه ايما
لالة حميدة: لالا يابنتي هاذي حياتك ونتي لازم تقرري واش قلتي
اكرام : بحشمة: راني م موافقة ايما
لالة حميدة: يويويويويويويويويوييي صوت تزغريدها دار الصدى فالقصر وفرحت بيها و حمدت ربي الف مرة على الجوهرة اللي راح تكون مرت وليدها وسندو فالحياة وهنا قلبها ارتاح من جيهتو وعلابالها بلي اكرام راح تقدر تنسيه فالماضي اللي جرحلو قلبو
بصح الفرحة عمرها ماتدوم 😰😰
YOU ARE READING
🌹❤عيناها سبب عشقي 🌹❤
Fanfictionكرونيك أن شاء الله تعجبكم تجمع بين القسوة 😰 الصبر 😪المعاناة 😓الحب ❤️ العشق 😍استعدوا واربطو الاحزمة. *في قصتي بعنوان *: 🌹❤عيناها سبب عشقي 🌹❤ آااه وآااه من تلك العينين وما الذ تلك الشفتين لو كان لي قلبين لأهديتك إياهما الإثنين 🌸...
